قسم الفلسفة - كلية الآداب [الأرشيف]

مشاهدة النسخة كاملة : قسم الفلسفة - كلية الآداب

Al-ShaiJi

27-01-2008, 03:51 AM

السلام عليكم ..

الله يعطيكم العافية ..

اخواني وخواتي .. اللي يبي أي معلومات عن قسم الفلسفة أو عن التخصص أو الدكاترة أو المواد أو المستقبل الوظيفي خل يسأل بهالموضوع ..

لاحظنا ان صحيفة التخرج الجديدة فيها كذا مادة فلسفة .. فلسفات شرقية , فلسفة سياسية أو جمال و فن .. إلخ

يعني احتمال الطلبة من الدفعات الجديدة يحتاجون شي من القسم ..

انا موجود و اللي يبي شي حاضر وعدني كل شي عن القسم .. عاشرت القسم 5 سنين مو شوية :aa_tounge:

و مشكورين

خالد الفالح

27-01-2008, 06:01 AM

قواك الله يالشايجي ما قصرت على هذه المساعدة ..

و إن شاء الله اي احد عنده اي سؤال بخصوص قسم الفلسفة ما راح يخجل من توجيهه لك :) ..

تحياتي ..

Al-ShaiJi

27-01-2008, 07:10 AM

حياك الله بو وليد ..

هذا اقل شي أسويه :)

و اللي يبي أي سؤال مهما كان .. انا حاظر .. لحد يستحي

و اذا ما عندي الجواب اطلعه من تحت الأرض :)

JOOON

27-01-2008, 09:31 AM

hi

bo'3eet as2al 3n m7amad elwheeb ??

eshloona belshar7 ?? Oo emte7anata eshloon 9ayra ??

thanks ...

Al-ShaiJi

28-01-2008, 04:51 AM

JOOON

28-01-2008, 05:05 AM

محمد الوهيب دكتور صغير بالسن .. و معاملته للطلبة وايد حلوة .. يعني شباب و يتغشمر .. و يعرف مشاكل الطلبة لأن درس اهني بالكويت .. و عارف اللوية كلها

شرحه اوكي .. اختباراته شوي صعبة عن الباجي ..

و اذا كان السؤال عن مادة مصطلحات - لأن اتوقع منزلها الكورس الياي - يفضل انج تاخذينها عند د.عالية .. لأن تكون مواضيعها واااااايد أسهل ..

الدكتور أوكي .. شرح ممتاز .. حبوب .. أسمراني :aa_bigsmile: لوووول ..

مممم .. بس على حسب شنو المادة اللي بتاخذينها عنده ؟؟

أي مادة تسئلين عنها انتي ؟؟

لأنها وايد وايد راح تفرق معاج ..

شوف اهوا أول مـــره يــدرس هالماده :aa_Sorry: أنا سالفتي سالفه مع فلسفة سياسيه لووول

لوية المهم ان راح اضطر اخذها مره ثانيه

ومابيها عند أسيل واصلا اسيل مو منزلتها بتنزلها صيفي وانا الصراحه معدلي عالي ما بي يتأثر

عشان ماده لاني انا ما متحنت فاينل عند اسيل فقلت ماراح اخذ الماده من غير ما اسال ابي

اسال عنها عدل لأن أسيل هولت فينا امتحاناتها واايد طويله ما يمدي مستحيل انا شفت الورقه ولا اسلمها :aa_photo:

مع اني كنت دارسه عدل وعارفه كل الإجابات بس مادري ارتبكت وطلعت حتى الدكتوره استغربت

لان متوقعتني احل لووووووول واخير شي عطوني d انا اعمال السنه تمشي بس هم ساعدوني

لي الدي كنت 55 سوني 60 وقلت لهم بعيدها بس القهر اني صج تعبت عالماده الدوام كان لي 6 المغرب فشلون اللحين اخليها عند الوهيب لاني سجلتها :aa_athwal:

Al-ShaiJi

28-01-2008, 05:16 AM

حدج غلطانه ..
و الله أسيل لو يحصل لي اخذ عندها 10 مواد خذيت ..

السياسية اذا كنتي ماخذتها عند أسيل حاولي تاخذينها عند الزواوي .. أوانج تعيينها عند أسيل .. أحسن لج .. لا تاخذينها عند أحد غير الزواوي أو أسيل .. اهي المادة مستوى 300 .. يعني صعبة .. سواء عند أسيل أو غيرها ..

الوهيب أول مرة ينزلها .. عشان جذي .. مادري شنو نظامه فيها .. و الوهيب تخصصه معاصرة .. يعني مو سياسة نفس أسيل .. يعني احتمال تاخذون شي من الفلسفة المعاصرة .. لووووعة .. الفلسفة المعاصرة مستوى 400 .. انا خذيت فيها D :( ...

السياسية مادة صعبة صعبة .. و تعتمد على مجهودج طول الكورس .. و انتي كنتي تقدرين تيبين -A أقل شي .. و الله حرام عليج .. أدري ان محاضرتكم كانت تيي متأخره الدكتورة .. وتزرعكم لأن عندها مادة بالخالدية .. و تعبتوا .. لأني أعرف نظام الدكتورة أسيل .. شغل لي الراس .. بس اللي يشتغل ايب الدرجة .. يعني ايهو أحسن .. تكن الدرجة بإيدج ولا بإيد الدكتور ؟

رايي : لا تاخذينها ناو ..و اذا لازم نطري أسيل .. كافي انها تعرف ان شاطرة و مجتهدة .. نطري .. و اذا انتي فلسفة حاولي تشوفين الزواوي شنو منزل أو حنان خلف أو فهمي ... اخذي عند الجسمي ...... واايد زين مع الطالبات .. رفعي معدلج

وامشي عالصحيفة مالتج .. لأن في مواد تعادل مواد ثانية .. تأكدي ..

و الله يوفقج ان شاء الله .. اي سؤال ثاني انا حاضر ..

JOOON

28-01-2008, 05:32 AM

Al-ShaiJi

28-01-2008, 05:49 AM

ان شاء الله . :) بالتوفيق ... :)

عاد انا ماخذ منه موقف الدكتور .. بس واله خوش واحد

اي سؤال انا حاضر

باجي الأعضاء للي يبي شي انا موجود بمكتبي بالساعات المكتبية لووووووووول

JOOON

28-01-2008, 05:53 AM

أهم شي الساعات المكتبيه لووووووووول

ترى مو بس انت فلسفه حتى انا هيهيهي :) ياجماعه اي حد يبي اي استفسار يتفضل انا في الخدمه :aa_shino:

Al-ShaiJi

28-01-2008, 06:15 AM

أدري .. :):)

بالتوفيق ..

و ان شاء الله اللي يبي شي احنا موجودين

JOOON

28-01-2008, 06:32 AM

انزين سؤال ادري أذيتك .....:aa_tounge :

من مستوى 200 شنو اخذ

علم الكلام \ ولا تاريخ العلوم \ ولا فلاسفة يونانيون \ ولا فلسفة العصور الوسطى .

وبس سوووري عالإزعااااج :) لوووووول

Al-ShaiJi

28-01-2008, 06:35 AM

انا خذيت علم الكلام و عصور وسطى بس ..

مادريعن الباجي .. بس علم الكلام حلوة .. تتكلم عن المذاهب و الفرق بينهم .. و آرائهم ..

عصور وسطى بعدي عنها .. لوية .. و مذكرة اشمتنها انا مادري جم يبت فيها .. :) و ثنينهم عند فهمي أوكي .. أو رابحة النعمان

المهم اذا تحبين الحفظ ؟؟ علم الكلام تصلح لج .. حفظ .. بس سهله مو صعبة وايد .. انا خذيت فيها +B

JOOON

28-01-2008, 06:39 AM

أوكـــي ثـــانـــكس :)

Al-ShaiJi

28-01-2008, 06:42 AM

حياج الله جون

بنت الآداب

02-02-2008, 01:24 PM

لووووووووووول ...

انا عندي سؤال ... هم عن فلسفه سياسيه ... عند منو .. كنت ابي اسيل قالوا لي شدي حيلج معاها و اهي ما تقصر صج ؟ واذا مو صج عند منو ؟

بنت الآداب

02-02-2008, 01:26 PM

و سوري نسيت ... اساسيات البحث عند منو ؟ سووووري على الازعاج !!!

Al-ShaiJi

02-02-2008, 02:45 PM

أول شي سياسية عند أسيل .. ممتازة أسيل.. و اذا انتي تشتغلين اضمن لج الـ A

و احسن من الموجودين الحين ..

اذا نزلها الدكتور : الزواوي اخذي عنده .. بس اسيل وايد ممتازة ..
اللي يشتغل عنها تحبه .. و ياخذ الدرجة اللي يبيها ..

اساسيات .. عادة تنزل عند الدكتور عزت أو دكتورة أماني .. وخري عنهم .. كلش ..

اعتقد هالكورس منزلتها الدكتورة شيخة الجاسم .. اخذيها عندها .. وايد زينة ماخذ عندها مادتين المرة اللي طافت .. ممتازة . ...

اذا منزلتها اخذي عندها .. و الل ولا تفكرين تاخذين عند عزت .. ولا أماني ..

و بالتوفيق :)

بنت الآداب

02-02-2008, 10:58 PM

شكرا جزيلا ... اوكي انا راح ادور عند شيخة الجاسم ...

Al-ShaiJi

03-02-2008, 02:05 AM

ان شاء الله تحصلين .. ولا انج تاخذين عند عزت ولا أماني .. واااااايد يصعبون المواد ..

الله يعيني على د. عزت .. ماخذ عنده الكورس الياي :(

^مستقلاوي^

03-02-2008, 11:57 AM

الله يعطيك العافيه الشايجي

بس في مواد بصحيفة التخرج القديمه .. احس انها ماتنزل في مواد معادله لها

!!

وبالنسبه لمادة الميتافيزيقا ... الماده شلون طريقتها ... وشلون إذا ابي ايي فيها قريد حلو يعني تعتمد على الفهم ,.,.,؟ يليت توضحلي لأني ماخذها الكورس الياي عند الدكتوره شيخه وحاس اني ضايع

Al-ShaiJi

03-02-2008, 11:27 PM

هالمادة مافيها فهم ..

يعني باختصار .. لو شنو يصير ما تستفيد منها ولا تفهم شي ..

انت اخذها .. و لخص المذكرة . واحفظ .. و اذا فهمت شي هذا ويهيي لوووول ..

الدكتورة اوكي .. بس المشكلة انها اهي مو فاهمة المادة من كثر ما اهي صعبة و راح تسهلها لكم وايد .. لأنها سهلتها لنا المرة اللي طافت ..

و من ناحية الدرجة .. من الحين اقولك .. لا تفكر بدرجة عالية .. ان اهم شي انك تطوفها .. لأن مادة مثل هذه ما ننطر من وراها درجات .. وااااااااايد صعبة .. بس انت شد حيلك .. و اذا شديت حيلك ممكن تييب درجة حلوة .. يعني C هذه اذا شديت حليك .. و الله يوفقك ..

و لا تييني تقولي ابيك تشرحلي لووووول .. انا و الله باختبار الفاينل قاعد احل .. و و الله مادري شنو قاعد اكتب .. :) المهم يبت فيها - C

هذا نظام المادة .. و الله يعينك و يوفقك

Al-ShaiJi

04-07-2008, 07:48 PM

بانتظار اي استفسارات حول القسم و المواده و الدكاترة

:)

WarDa

23-08-2008, 10:33 PM

أول شي يعطيك العافية .. :aa_smile:

انا ماخذة مادة (( أساسيات كتابة البحث الأكاديمي )) والدكتور كل ما أسأل عنه محد يعرفه :aa_sad:

ماخذتها عند "حسين حيدر على اسماعيل"

شلونه ؟ :aa_men9edem:

Al-ShaiJi

15-09-2008, 10:05 AM

الدكتور ممتاز جدا جدا جدا ... ليييييييي باجر ..

انا خذيت عنده مادتين .. دكتور حبوب .. حياوي .. شرحه بسيط .. و حده هاااااااادي ..

يحب الطلبة و يساعدهم .. و الدرجات عنده ميه ميه .. :) يعني اخذي عنده و توكلي على الله . انا ان شاء الله ماخذ عنده مادة قراءات .. وانا امون عليه حيل اذا بغيتي شي قولي و ان شاء الله ما نقصر معاج ..

حياج الله .. وسوري على التأخير

WarDa

15-09-2008, 10:22 AM

وااااااااي انقهرت :(

كنت مسجلتها عالويتنق وسحبوها مني :aa_trs:

عاد كنت عادي قلت مو لازم بس لأنك مدحته تحسفت :( لوول

يعطيك العافية أخوي

n'3m

15-09-2008, 10:27 AM

ايي آنا بعد سحبوووووها :aa_boka2:

شكرا عالموضوع :aa_bigsmile:

Al-ShaiJi

15-09-2008, 10:34 AM

حسافة .. عاد والله ذهبه هالدكتور .. يالله خيره .. ما تدرون الله شنو كان خاش لكم ..

شدوا حيلكم انتوا و الله كريم .. و اللي يبي يتخصص فلسفة ترى والله التخصص حلو و المواد مو ذيج الصعوبة اللي سامعين فيها ..

و اذا بغيتوا شي انا موجود ..

حياكم الله

قمر الآداب

16-09-2008, 01:46 AM

يعطيك ألف عافيه أخوي الشايجي..

بغيت أسأل عن د.عاليه شعيب ..
ماخذه عندها أخلاق ومجتمع حديث؟
شلونها وشنو نظامها ؟
ومشكوور مقدما ..

Al-ShaiJi

16-09-2008, 12:07 PM

عالية عجييييييبة .. بس اهي شوي مو ذاك الزود مع البنات .. شوي ..

انا اقولج اشلون تيبين الـ A بس على شرط . تسوين اللي اقوله بالحرف ..

اول شي .. ماكو تأخير ..
ثاني شي .. كتبي كل كلمة تقولها .. كل كلمة ... اهي تشرح .. و تعطي أمثلة .. كتبي كل شي .. الحلو اللي فيها انها ما تشرح بسرعه .. يعني يمدي الواحد يكتب معاها ..

لازم تخفين ايدج عشان تلحقين كل كلامها .. و اي شي تكتبينه على طول ردي البيت و رتبيه .. درسيه .. حده سهل .. و لما تداومون الكلاس اللي بعده شاركي .. قعدي جدامها .. لا تقعدين لي ورا نفس أغلب البنات .. ماكو فايده جذي .. قعدي جدام .. و شاركي .. اي كلمة تقولها الدكتورة ناقشيها .. يعني اذا مثلا قالت شي .. سئليها عن شي مشابه .. عشان تشوفج تشاركين ..

اهي حبوبة انا احب اخذ عندها .. خذيت عندها مادتين .. و الله سهالات .. اذا سألتي اغلب البنات يمكن محد يمدحها .. لأنهم ما يعرفون لها ..

نقطة ثانية : اي موضوع تعطيكم اياه .. سوي فيه ريبورت .. تقرير صفحتين أو 3 .. كلما زادوا كل ما كان احسن .. ييبيلها من المكتبة مصادر .. لخصيهم و ييبي تقرير صغير .. كل تقرير عليه درجة أو درجتين Bonus سوي كثرما تقدرين .. يمكن تقولين من له خلق .. له سهالات .. يعني مصدر واحد كافي .. و نقلي .. و زيدي عليه من النت .. يطلعلج شي حلو .. لازم تتعبين شوي .. عشان الدرجة ..

الحلو بالدكتورة انها تموت على شي اسمه تقارير .. يعني اذا سويتي وايد كله محسوب لج ..

الحضور و الغياب واااااايد مهم .. اذا ما غبتي تحترمج الدكتورة .. و تقدرج ..

الباجي عاد عليج .. شدي الحيل و الله يوفقج ..

قمر الآداب

16-09-2008, 04:28 PM

لاا ما عليه أنا أخذت عند عزت القرني
ويبت -A ما أتوقع إهيا أصعب منه؟؟
وانا أشد حيلي مع الدكاتره واعتمد على نفسي ..
مشكور وايد خيو على النصايح :aa_ghmaza:..

Al-ShaiJi

17-09-2008, 08:34 AM

العفو ..

اهي مو سالفة اصعب ولا مو اصعب .. لازم كل دكتور نمشي على نظامه .. عشان نييب الدرجة ..

و هذا نظام دكتورة عالية .. و ان شاء لله تبشريننا بالـ A :)

شدي حيلج و بالتوفيق ..

Khaled Alreshidi

17-09-2008, 08:36 AM

عساك عالقوة الشايجي

Go aheaaaaad :aa_okik:

Al-ShaiJi

17-09-2008, 09:29 AM

دفعة 2003 ... اتهقه انا خبره بالقسم ؟؟؟ هيهيهيهيهي .. تدري .. انا خذيت عند كل دكاتره القسم .. بمن فيهم اللي ما قاموا يدرسون ... :)

اشرايك تاخذ مادة بقسمنا ؟؟ اختياري .. مستوى 400 .. ؟؟؟ لوووول ... :)

حياك الله حبيب ألبي :)

ToOoTa

10-03-2011, 05:29 AM

لاي استفسار من قسم الفلسفة .. يجب وضعه هنا