نطالب بمحاسبة المقصرين


--------------------------------------------------------------------------------


تستنكر القائمة الإئتلافية تقصير الإدارة الجامعية في توفير الأمن في مواقف كلية الطب في الجابرية , مما تسبب بضياع شرف طالبة جامعية بعد ان اعتدى عليها احد الذئاب البشرية في سيارتها , وقال معاذ الدويلة رئيس المكتب التنفيذي للقائمة الإئتلافية ان الحادثة الأليمة لايجب ان تمر بسلام ويجب ان تقوم الادارة الجامعية بإتخاذ كافة الإجراءات المنـاسبة , فإن كانت الإدارة الجامعية غير قادرة على تقديم أبسط الواجبات المتمثلة بالأمن للجامعة , فكيف سترتقي بالعملية التعليمية العليا في الكويت. وختم الدويلة حديثة بأنه يجب محاسبة المقصرين حسابا شديدا ولا يجب التهاون في مثل هذه المواضيع.



هذا اللي قدرتوا عليييه؟؟؟؟؟؟؟؟

منقول من موقع الإئتلافيه؟؟؟

لا حول و لا قوة الا بالله ...

الصراحة هالحادثة ما ينسكت عنها ... لانها مو حادثة عادية فيها شرف ..

ما اقول الا .. ياريت الطلبة و الطالبات يشوفون شلون (الاتحاد) اللي اهمة مختارينة شنو ردة فعلة و شنو تحركاته (؟؟) اتجاه مثل هذي القضايا الحساسة ..

اذا اهمة مو قد الاتحاد فالافضل انه اهمة يخلون الاحسن منهم يمسكونة ...

و ياريت نسمع شنو آخر تحركاتهم عن هذي القضية !!! هذا اذا تحركوا ما اكتفوا بالكلام فقط .

تحياتي

متى توزع هالبيان؟!!! ماشفته ولا سمعت عنه بمركز العلوم الطبيه نهائيا وبالنسبه للاجراءات الامنيه ماتغيرت الا تغير طفيط جداََ

بالنسبه للحادثه فاهيا قديمه جدا ومرت عليها سنه كامله؟!! ما ادري اذا هالبيان توه نازل ولا قديم , فاذا توه نازل فاهوا فلم كوميدي يديد لقائمة الاخوان , واذا كان قديم فما كان له اي معنى او قيمه فالوضع ماتغير والاجراءات الامنيه نفس ما اهيا , والائتلافيه الام لاتهش ولا تنش بالعلوم الطبيه ومالها اي دور....

لا هذا مو بيان بس تصريح بموقع الائتلافية وهو قديم بس الموقع اصلا من زمان مو مجددينه

الحادثة قديمة و البيان قديم .. الحادثة صج ما ينسكت عنها .. بس شتبون الاتحاد يسوي ؟؟

يحط اعضاؤه بودي غاردات على المواقف ؟؟ ..

مو جذي يا شباب =)

مو سالفة يحط بودي غاردات و لا لأ !!
بس انت راضي باللي صار

انزين سؤال : هل تحرك الاتحادبشأن هذه القضية؟؟؟
و لا بس اكتفى بالكلام كالعادة

المفروض من واجبهم كاتحاد ( للطلبة) انه اهمة يزيدون الأمن و خاصة في كلية الطب لانه اطلبة على ماعتقد يقعدون بالكلية لفترات طويلة بحكم دراستهم ...
على ماعتقد زيادة الامن ماراح يخسرهم شي
صح كلامي و لا لأ !!!

اتحاد الاستنكارات .. حالهم حال الوردية بالاداب .. بس يستنكرون :)

ادابي ..

هل مسؤولية الاتحاد انه يزيد الامن ؟؟

عيل ليش حاطين وزارة داخلية و ادارة امن وسلامة و ادارة جامعية ؟؟

من مسؤولية الاتحاد انه يطالب بزيادة الامن .. و هذا اللي صار .. وبعدين بأي صفة
الاتحاد يرفع قضية .. بتقولين قلت ( يتابع ) ما يرفع .. القضية خذت مجراها من الطالبة
المعنية و الشرطة .. بعد شتبين الاتحاد يسوي ؟؟

الاتحاد شبيده غير انه يستنكر و يطالب الادارة الجامعية بالمحافظة على الامن بالجامعه
و مؤازرة الطالبة - معنويا - ؟؟

يا جماعه شوية منطق !!

اي والله بوسعيد حيلك فيهم عدل .. صج ان الائتلافية منافستناو لكن هذا لا يعني ان ننظر لتصرفاتها بعينٍ يتيمة ..

لكن هناك سؤال .. مالذي يستطيع ان يفعله الاتحاد ؟؟ (( بغص النظر عمن يقوده ))

تحياتي ..

ادابي ..

هل مسؤولية الاتحاد انه يزيد الامن ؟؟

عيل ليش حاطين وزارة داخلية و ادارة امن وسلامة و ادارة جامعية ؟؟

من مسؤولية الاتحاد انه يطالب بزيادة الامن .. و هذا اللي صار .. وبعدين بأي صفة
الاتحاد يرفع قضية .. بتقولين قلت ( يتابع ) ما يرفع .. القضية خذت مجراها من الطالبة
المعنية و الشرطة .. بعد شتبين الاتحاد يسوي ؟؟

الاتحاد شبيده غير انه يستنكر و يطالب الادارة الجامعية بالمحافظة على الامن بالجامعه
و مؤازرة الطالبة - معنويا - ؟؟

يا جماعه شوية منطق !!

ورب الكعبة فاهم !

مثل ما قلت اخوي .. شوية منطق !!

وفي شغلة لا تنساها ياللي كتبت الموضوع =)

انت اخذت البيان من موقع الائتلافية مو من موقع الاتحاد .. يعني قاعد تتكلم عن القائمة .. حلوين :)

خل نسأل روحنا شنو سوت ( القائمة المستقلة ) ؟؟؟؟؟

وبصراحة انا ما ادري عن صلاحيات الاتحاد بهالموضوع =\

بس متأكد 100% انهم سوو شي لأني واثق باتحادنا الحمدلله ..

اخوي دون عزيز ... انا قصدي انه الاتحاد كان له دور بهالشغله بس ضعيف كان يقدر يسوي أكثر من هالشي دمتم مستقلين ودمتم "بعض الناس"(الاخونجيه) مسيرين

اهم شي انك تكون واثق

مادري هالثقه على شنو

اي اتحادكم الي انت واثق فيه تحرك وسوى انجاز عظيم بالنسبه له مثلل كل مره الي اهوا التصريح بالجريده هذا الي فالح فيه بس حجي طبعا كلنا عارفين ان هالشي لمصلحه انتخابيه بحته مو لمصلحة الطالب

انتو شدراكم ان الاتحاد ما تحرك :)

ماكو فايدة .. والله الناس اللي فاهمين هني على راسي من فوووق ^_^

لكن في ناس .. الله يعينهم =)

مستقلاوية ..

اذا تحرك الاتحاد - في حدود صلاحياته و قدرته - قلتوا مصلحة انتخابية .. و اذا ما تحرك ..
قلتوا صمت القبور و اتحاد متخاذل .. تبين الاتحاد يتجاوز صلاحياته و حدوده و يرفع قضية
عشان ترتاحين ؟ ولا تبينه يدور المجرم و يجلدونه بسكوير الادارية ؟

وضحي بالضبط .. شتبيييين من الاتحاد ؟؟
الا اذا كنتي مو عارفة شتبين و بس انتقاد لمجرد ان الاتحاد ماسكته الائتلافية .. هذا شي ثاني =)


اختي الكريمة .. عشان لا نطلع بره الموضوع و يتشعب النقاش ..

الاتحاد في هذه القضية تصرف بحدود صلاحياته و امكاناته .. اعيد و اكرر ..
شنو يقدر يسوي الاتحاد غير الاستنكار و مؤازرة الطالبة معنويا و المطالبة
بتشديد الامن ؟؟

الاتحاد نفسه ضعيف .. بهذه الصلاحيات .. لو مسكته أي قائمة .. لن ترضيكم ..

again .. شوية منطق !

ه

الصوت الجريح أحيي الحياديه مالتك ....بس حط موقف هالبنت موقف وحده من اهلك الله يبعد الشر هل بترضى على موقفه شبه المتخاذل؟؟؟؟ ابي رد صريييح

الا اذا كنتي مو عارفة شتبين و بس انتقاد لمجرد ان الاتحاد ماسكته الائتلافية .. هذا شي ثاني =)

هذا مواسلوب ولا طريقة المستقله واعتقد ان احنا اكبر وارقى من مستوى الانتقاد بس عشان ماسكته الائتلافيه و هالطريقه خليناها لاصحابها واهما عارفين نفسهم


اخوي الصوت الجريح صرح بزيادة الامن بس الشي الي صرحوا فيه سووه ؟؟
كالعاده لا
شسمي التصاريح الي يقولون فيها بنسوي وبنسوي وماكو شي
اذا ماله صلاحيات عيل ليش يمثل الطلبه
مااعتقد ان حدود الاتحاد التصاريح و الاستنكارات بس
اذا هذي حدوده عيل الجمعيات والروابط شيسون
ممكن اعرف شنو المؤازره المعنويه وشبتفيد الطالبه هالمؤازره
في تحركات وايد كانوا يقدرون يسونها

اسأل مجرب ولا تسأل دكتور!
انا ولد الكليه هذي واعرف "البير وغطاه" مثل مايقولون , اللي كان المفروض يسويه الاتحاد ان يضغط على ادارة الامن والسلامه بحيث انهم يشددون الامن ,, بمعنى:
المواقف تتكون من 6 طوابق , وعلى الساعه 4 العصر الطوابق المشغوله اتكون الاول والثاني فقط لان الاغلبيه يمشون! لكن في طالبات يكونون صافطين مثلا بالطابق الرابع من الصبح وينشغلون بالكليه لاسباب كثيره مثلا لي الساعه 8 بليل! البنت بتروح سيارتها الحين؟ توصل الطابق الرابع وماكو احد كلش!! مو المفروض ان عالاقل يكون في سكيورتي بكل طابق لي عالاقل الساعه 10!!!
انا ذاك اليوم طالع من كليتنا الساعه 9 بليل وانصدمت ان ماكو احد كلش لا سكيورتي ولا اوادم ولا تتخيلون شلون الهدووء والظلمه اللي هناك...
عالعموم انا مالمست ان في اي تحرك سواء من الاتحاد او الرابطه وكلهم تبع الائتلافيه واذا تبي تشوف ان الوضع جدا مزدري وماتغير تفضل عندنا واوريكياه بعينك عشان تصدق , واذا عن المستقله وانها تتحرك , فاحنا نقدر نصرح بالجريده مثل ماسويتو حضرتكم لكن مو طبعنا ان نصرح بدون فعل ;)
وسامحونا عالاطاله...

اخوي الصوت الجريح
انا مع اخوي مستقلاوي اهنيك على موقفك الحيادي ...
بس حبيت اقولك شي ..

احنا ننتقد الاتحاد لانه دايما مواقفه ضعيفة
يعني مثلا : هذي القضية شنو سوى غير البيانات و الوقوف المعنوي مع البنت (على حسب اقوالك)
الاتحاد يمثل طلبة الكويت و يقدر يسوي اشياء وايدة اذا اهوة اصر و يبي يسويها .
اذا الروابط و الجمعيات تقريبا قاعدة تحاول تسوي المستحيل علشان خدمة الطلبة سواء هذه الروابط بقيادة المستقلة او الائتلافية ...

فشلون الاتحاد ما يقدر يسوي شي ؟؟؟ و صلاحياته محدودة !!!!!

اصحوا يا نااااس هذا اتحاد مو وزارة الداخلية !!!!

اوكي مادري شنو طاري عليكم يايبين سيرة هالسالةة اللي صارت من سنة وانتو ما تعبتوا روحكم أصلا حتى بتصريح او استنكار ..

شدراكم ان الاتحاد ما تحرك ؟؟

وشنو تقترحون يكون تحرك الاتحاد ؟؟

بدال التحلطم والكلام اللي مايودي ولا اييب :)

اصحى يادون عزيز هذي قضية "طالبة " مو قضية أمن دولة تكفا احنا موضد الاتحاد بس كان المفروض يكون موقفه اكبر من جذي هذا شرف

وبيني وبينك الاخونجيه مايهمهم مع احترامي الشرف سوري على الكلمة ولا نسيتوا سالفة "الديج والديايه؟؟"

اسمحلي بصير جاف شوي .. بس دام هذا مستواك ما راح ارد عليك ..!!

اذا مع احترامك جذي عيل بدون احترامك شلون ؟؟

شنو موقفكم من كلام مبارك دويله مو التشجيع والتصفيق؟؟

اكلم شباب التآلف يقولي اي هذا الوضع بالكلية وهو يضحك إذا هان عليك شرف الطالبات ترى اهم خواتنا واهلنا بينهم

انا مستواي ارقى منك بس اسلوبك ينرفز واللي بينا وبينك بس "مجادلة" مو نقاش لأنه النقاش في فايده بس انت داش المنتدى تتمصخر واقولك اياها دورلك موقع ثاني تمصخر فيه واعتبرها الليي تبيه ...... المنتدى مع احترامي للإدارة يتعذرك لأنه داشين المنتدى نستفيد ونفيد وانت لا تستفيد ولا تفيد

اصلا الاتحاد ناايم على عمرره وما يدري شالطبخة
بس فالحين راح نسوي وراح نسوي والكلام ببلاش

:) مستقلاوي :)

شوي شوي :) لوووول تعجبني

لوووووووووووووو ووووووووووووووو وول

اخوي ^ مستقلاوي^ هد اعصابك و لا تتنرفز على ناس داشين المنتدى بس هدفهم الاستهزاء و التمصخر ...

احنا اكبر من جذي

قلناها قبل ... :aa_wah:
محد صدق

انتوا سألتوا سؤال ..

لو وحده من اهلي راح ارضى بموقف الاتحاد .. ؟

راح ارضى و نص لانه وراها اهل يدافعون عنها .. و قلتوها مسألة شرف مو خريجه و ما غيرت جدولها !!

مسائل الشرف و خاصة بالكويت يجب التكتم عليها .. و مو ناخذها بالقيل و القال ..

و لو انه الاتحاد متحرك عليها علني .. جان انفضحت البنت بالجرايد و طلعوا الناس حجي زايده ..



عارفين طبيعة مجتمعنا و ماله داعي نتكلم ..

اسمحلي اخوي بس كلش هذا ماله علاقه ومو عذر , احنا اللي نبيه مو ان الجهات الامنيه المختصه تقاضي الشخص اللي ارتكب الجريمه فقط , لكن نبي الاتحاد يضغط على ادارة الامن والسلامه بحيث انهم يشددون الاجراءات الامنيه عشان لا تتكرر مثل هالاخطاء الجسيمه واللي للأسف الاتحاد قصر من ناحيتها...

عفوا!! بس شنو موقف الإتحاد؟؟

أنا كطالب في الجامعة ما شفت إلا تصريح لرئيس مجلس الإئتلافية!!
و يتكلم عن البنت و يقول شرفها ضاع!

أي موقف هذا؟؟ لأ أنا أقول فضحوها أكثر!!

يعطيج العافيه اختي
ba6ee5
بالنسبه لموقف الاتحاد وانه موذمبه اعتقد انه الشي صار داخل الحرم الجامعي ...هذا واحد

وبالنسبه للفضايح منزلينها بالموقع الرسمي للقائمة ... في اكثر من جذي فضيحه؟؟؟

جدول خريجه؟؟؟!! يبتيلي سالفه الخريجه اسمحولي يا جماعه بس الله لا يهينج قوليلي شسوى الاتحاد للخريجه اللي ناقص جدولهم ؟؟؟؟؟