ســــؤال

[^مستقلاوي^]

ودي أسأل سؤال لأعضاء قائمتي ....

بغيت أسأل ليش القائمة المستقلة ماتنزل في كليات معينه (طب- طب مساعد-كلية البنات-كلية الصيدلة؟؟)

أتمنى الرد لأنه على ماعتقد سنة من السنين نزلت بالطب مساعد وفزنا فيها ...؟؟

[إعلامية]

اختي الفاضلة واخي الفاضل:

القائمة المستقلة خاضت انتخابات الطب المساعد و الطب الأسنان ولكن طبيعة دراستهم تجعل الطلبة بعيدين عن ممارسة هذا الحق في إبداء رايهم وكما تعلمون نحن طلبة ولسنا حزبيين مدعومين وأحب أن اضيف يوجد مستقلة في كلية الطب وفي كلية طب أسنان أما باقي الكليات كما ذكرت لكم والقائمة الآن تسعى بتأسيس مستقلة في كلية البنات لتخوض جمعية كلية البنات ...

[^مستقلاوي^]

موفقين والله يكتب الإستقلال لكلالجامعه انشالله :)

[إعلامية]

اجمعين يا رب يا اخ مستقلاوي

[MostaQiL eL-Dentistry]

بسم الله الرحمن الرحيم
بالبدايه اشكرك اخوي مستقلاوي على مشاركتك الطيبه وانشالله اجاوبك بما اعيه واعلمه

انا راح اكلمك عن المستقله بطب الاسنان والطب البشري والصيدله والطب المساعد

انا طالب بكلية طب الاسنان سنه ثانيه , ولعلمك ان القائمه المستقله تنزل بكلية الطب الاسنان وكانت قريبه جدا من الفوز هالسنه بس خسرنا فرق 6 اصوات وقبل سنتين كانت القائمه تقود جمعية طلب طب الاسنان , وانشالله السنه اليايه راح نرد نقودها من يديد ,
بالنسبه لكلية الطب , المستقله كانت تنزل فيها لكنها توقفت بسبب انخفاض نسبة الاصوات لها للأسباب التاليه:
1- وجود خصمين عنيدين اللي اهما القائمه الطبيه "بنت الائتلافيه" والقائمه الاكاديميه "بنت الوسط الديمقراطي" والطبيه محتكره رابطة الطب من 24 سنه وهالسنه صار الفرق بينها وبين الاكاديميه 4 اصوات!! ,, الطبيه 268 والاكاديميه 264
2- اعلى نسبة تصويت وصلت لها القائمه المستقله اهيا 97 صوت تقريبا وبفرق 3 اصوات عن القائمه الاكاديميه ولكنها بعد سنه وحده بالضبط حصلت على 27 صوت فقط!! ولذلك وحفاظا على سمعة القائمه المستقله قررو انها ماتنزل الا لما توقف من يديد على ريولها
3- للعلم ان القائمه المستقله بالطب اهيا القائمه اللي ظهر فيها حبيبنا كلنا وقدوتي ناصر المطوع
4- اوعدكم ان القائمه المستقله راح تنزل مره ثانيه بكلية الطب انشالله وعن قريب , والحين الحمدلله احنا قاعد نشتغل على قدم وساق حق القائمه المستقله بالاتحاد والاسنان وبالطب مستقبلا من خلال تحضير الدفعات اليديده , وللعلم ان المستقله هالسنه بصندوق مركز العلوم الطبيه "الطب والاسنان والصيدله" يابت المركز الثالث بصندوق الطلبه 53 صوت و73 صوت بصندوق الطالبات

بالنسبه حق الطب المساعد , انا تكلمت مع البعض بهالموضوع وقالو ان الطب المساعد انشالله راح يرد عن قريب لكن اصواتهم بالاتحاد نهائيا ماتبشر بالخير لان يا هالسنه او اللي قبلها صندوق الشباب ياب صوتين او ثلاث!! لان ماعندهم احد يشتغل كلش , وعلى فكره المستقله خذتها بسنة 2001 بالطب المساعد ;)

والصيدله فيها تقريبا 200 بنت و10 طلاب؟ وماتنزل فيها الا قائمه وحده تابعه للائتلافيه, وانشالله اذا لقيت مجموعه حابين انهم يشتغلون وينزلون باسم المستقله ماراح نقولهم لأ وراح ندعمهم بكل مافينا

اي استفسار اخر؟

[MostaQiL eL-Dentistry]

الشكر لله اختي واذا بغيتي تستفسرين عن اي شي بمركز العلوم الطبيه انا حاضر وموجود انشالله
بس استغلي الفرصه هالاسبوع لان عطلتنا اسبوع واحد وبعدين راح اختفي لمده كورس كامل :p

[Shaymaa]

الله يوفقكم و يعينكم على دراستكم

وبالتوفيق للمستقلة أينما كانت :)