ندوة... لعدنان الشرهان!!

[N.Al-Mutawaa]

جاءني هذا "المسج"!!

النص:
تتشرف القائمة المستقلة بجامعة الخليج بدعوتكم لحضور ندوة بعنوان "جذور البداية لقائمة الريادة" التي سيحاضر فيها و لأول مرة مؤسس القائمة المستقلة السيد/ عدنان الشرهان. و التي ستكون في يوم الأربعاء الموافق 15/3/2006 في تمام الساعة 7 في ديوان القائمة بالسرة.

[ظبي * الغلا]

انشالله تامر امر بس الندوه باي صاله لوووووووووووووو ووووووول

[N.Al-Mutawaa]

1- مشاركتي كانت واضحة و قلنا إنه في ديوان القائمة بالسرة.
2- ما أتوقع أكو شي مضحك بالموضوع!
3- مالها داعي كلمة صالة.. مو عزيمة على عرس!


تحياتي

[Shaymaa]

اتمنى تنقل لنا ما يدور بالندوة ...


كم تمنيت ان أحضر ندوة مثل هذي و من مؤسس القائمة المستقلة

[(88+) Mr_7qoqi]

انشالله بكون من اول الموجودين بالندوه للأستفاده من مؤسس قائمتنا و محارب كليتنا السابق ....

انا عن نفسي بحاول اسجل الندوة والله يوفقنا

تشكرات ...

[Shaymaa]

حقوقي لا تنسى عاد ..

نبي تسجيل واضح و كوول:aa_okik:

[إعلامية]

انا معترضة وشاجبة و بسوي اعتصام
نبي نكون موجودين حرام عليكم يا شباب المستقلة
هذي فرصة لا تعوض وحلم المئات من عضوات القائمة المستقلة وأعضاءها السابقين

بصراحة انا اغبطتكم وما احسدكم على هالفرصة

ارجوكم ارجوكم نبي تصوير بمجريات الندوة

واتمنى يستمر فارس الحركة الطلابية (( عدنان الشرهان )) بمثل هذه الندوات لأبناءه ابناء القائمة المستقلة حتى يبث فينا روح الماس والولاء للقائمة


والله يعطيكم العافية
ويعطيك العافية استاذي

اختكم راية الحق

[N.Al-Mutawaa]

ما قلنالكم "ترقبوه" ؟؟

:aa_dirtyface:

[عيسى الكندري]

يعطيك العافية اخ ناصر المطوع على الإبلاغ بالدعوة ويشرفنا حضور كل شباب المستقلة بجامعة الكويت والتطبيقي والعربية و الاسترالية والثنويات وكل الطلبة اللي يحبون يسمعون عن قائمة الريادة واللي يحب ينتسب فيها والعنوان السرة ق2 ش2 م 22 وهذه الندوة هي بمناسبة مرور 20 عام على تأسيس قائمة الريادة وان شاء الله راح احاول ان يكون في مكان للطالبات بس مو اكيد!

[عيسى الكندري]

وراح ان شاء الله يكون المحاضرة مصورة بالفيديو وراح يكون بالمنتدى او بموقع مستقلة الخليج قريبا .

[خالد الفالح]

كم انتظرت هذا اليوم بفارغ الصبر .. شاكر لمستقلة جامعة الخليج تحقيق هذه الرغبة ..

اعتبر المسج انتشر بالهندسة ..

تحياتي ..

[ظبي * الغلا]

ناصر المطوع اسفه اخوي بس انا خذيتها من باب الغشمره ؟؟ بس مارديت على سؤالي الندوه باي صاله لوووووووووووووو ووووووووووووووو ووووووووووووووو وول

[السواء]

.. اختي ظبي .. عسى ما شر ؟

كلنا راح نكون متواجدين بإذن الله .. شكراً بو بدر على الإبلاغ

[آدابي مستقلة]

الصراحة انا وحدة بتبجي ='(

يعني ما يصير جذي احنا ننطر هالندوة و نحلم فيها من زمااااااان

المهم شدوا حيلكم يا شباب المستقلة
و انشالله تستفيدون من فارس المستقلة و محارب الحقوق و صوت الحق
الاخ عدنان الشرهان
و لا تنسونا :)

[عيسى الكندري]

السلام عليكم
موجز عن الندوة

قبل شوي خلصت الندوة وحضرتها وكان الحضور ماشاء الله مستقل
واستفدنا من الاب الكبير للمستقلة وعطانا دافع بالشغل
وودي ان يكون الانتخابات باجر علشان نراوي شغل المستقلة بالخليج
والحمد الله السيد عدنان الشرهان سرد لنا من بداية دخولة الجامعة لغاية اليوم
واهو شخصيا متابع اخبار المستقلة بكل مكان بس قناعته الشخصية بالمستقلة ان ما يدخل
وهو خارج اسوار الجامعة ويقول ان اللي حرك مشاعرة اربع اشياء :
1- الحضور
2- الشيلة
3- استمراية القائمة
4- توسعها على مستوى الحركة الطلابية

وان شاء الشباب راح يعرضون الصور ومقاطع من الفيديو بالايام اليايه


انتهى الموجز

[CSS]

عساكم على القوه
والى الصداره يامستقلتي

[mr_happy]

انتو كفيتوا ووفيتوا
:)))))))))))))) )))))))))))))

[eng-mostaqil]

شنو هذا مايصير هالحجي .. الحين ما سويتوها الا هالاربعا !!؟؟ انا عندي امتحان الخميس وماقدرت احضر
شنو هالحجي .. مؤسس القائمة وماشفتة ولا مرة ولا قعدت معاه ولا مرة ولا سمعتة يتحجى ولا مرة .. لا لا لا لا انا زعلت وراح انشق
خلاص راح انشق لحد يمسكني
اقولك لحد يمسكني
موبي موبي موبي موبي :"(

[mr_happy]

لوووووووووووول انشق عاد رادين عليك :p

[mostaqillawi]

mashalah kanat eb mt'haa elrw3aa o enshalaah etkar mthel hathe elndwat

[eng-mostaqil]

اقول يا اسد العلوم الاجتماعية .. لي صرت المنسق العام تعال حاجني :)
انا اشتغل حق القائمة والفكر مو عشان سواد عيونك ياااا ...... أسد :) لوول