المساعد الشخصي الرقمي

مشاهدة النسخة كاملة : عـــيب علـــيــك

Viper
10-03-2006, 04:57 AM
السلام عليكم

اليوم احب اتكلم عن موضوع وايد شغل بالي

و هي عدم احترام الكويت ولا شعب الكويتي

اخي العزيز و اختي الغاليه ...

جم مرى انتو بلشارع شفتو واحد يقط المخلفات من جامة السياره ؟

هل تعتقدون انه هذي فيها احترام للوطن و النظافه الى الله ذكرها بلقرآن و ذكرها رسول الله صلى الله و على اله الف الصلاة و السلام

فكم استغرب من هلاولاء مع احترامي الشديد الغير المتربين على اسس النظافه و الاحترام

الكويت ليست بمزبله ( انتو بكرامه ) ولا مكان لك وحده كي ترمي بها المخلفات على الشوارع العامه

الى تستحون من انفسكم !! عندنا يأتي ضيف الى الكويت ( كمثال رأيس دوله اجنبيه متطوره )

يستقبل من كبار المسأولي في هذا الوطن الغالي وطنا الحبيبي

و في طريقه الى القصر يشوف على جانب الطريق ( علبة KDD او بطاط كتكو او كيس جمعية بيان )

والله فيها قلت احترام للضيف و قلت احترام للشعب نفسها

الكويت دارنا و وطنا و بيتنا الغالي

اذا احنا ماحافظنا عليه منو يحافظ عليه !

و الى لاحظته انه الشخص نفسه عيزان يخلي الكيس او القمام ( انتو بكرامه ) في السياره حت يوصل الى البيت او المكان الى يبيه و يرميه في سلة ( الزباله < انتو بكرامه > )


اما ايك شخص الى للحين ماعرف معنى التطور ولا التكنلوجيا

يبصق ( يتفل بلكويتي ) !! في وسط الشارع امام الاجانب

هذي والله فيها قلت احترام للكل ومنهم الموجودين سواء كان اجنبي او كويتي .. مسيحي او مسلم .. اسود او ابيض

فشرايكم في هؤلاء الاشخاص الى للحين عندهم الطرق الغير متطوره في الخلاص من المهملات الى يمتلكونها


اتمنى اسمع ارائكم في هذا الموضوع

و صج شغله تقر و ترفع الضغط

و الله يسامح كل شخص اسائه الى الكويت و اهل الكويت


تحياتي

Viper ^_^
Shaymaa
10-03-2006, 12:46 PM
الحل بوضع قوانين صارمة لمثل هذه المخالفات

المسألة مو صعبه فمثلا هناك دول تمنع " العلج " حفاظ على نظافة الدولة!

اقترح زيادة عدد سلال المهملات و تكبيرها لان الفتحة المخصصة للرمي صغيرة

تحتّم على الشخص النزول من السيارة و هذا ما يتهاون الكثير به..

غير هذا فهي نظافة الشخص في بيته و أسرته و تعلمه للنظافة..

مشكور فايبر
خالد الفالح
10-03-2006, 01:26 PM
السنعوسي كان عنده برنامج يتطنز على الي يسوون جذي فكانو الكويتيين حزتها يخافون حتى انهم يسوون اي شي غلط علشان لا اتييهم الطنازة من السنعوسي ..

تحياتي ..
Viper
11-03-2006, 07:16 PM
السلام عليكم

مشكورين على المشاركات الحلوه

تحياتي ياحلوين ^_^

Viper
eng-mostaqil
12-03-2006, 07:05 PM
سلام عليكم
الحل لمثل هذه المشاكل لايتم عن طريق وضع القوانين الصارمة او مخالفة من يقوم بذلك الفعل اللعين , وانما يتم ذلك عن طريق التوعية والتربية في المنزل ...
لو ان الشخص تربى في بيته الا يفعل هذا السلوك لما فعله بالشارع , ان الذين يرمون المخلفات بالشارع يرمونها في بيوتهم على الارض وليس في سلة المهملات ...
يجب على الاهل تربية ابنائهم على النظافة لان النظافة من الايمان لا مشاهدة ابنائهم يرمون المخلفات ويسكتون او يقولون ( لاتعيدها مرة ثانية ) !! لو ان الطفل وبخ على ذلك الفعل من صغرة لما فعلة في كبرة ..
العامل الثاني الا وهو المدرسة , لو ان الطفل يتعلم بالمدرسة على الا يرمي القمامه في الشارع او على الارصفه لما فعلها ايضا في الكبر ..
ولكن البيت هو المدرسة الاولى للاطفال وهي المعلم الاول للاطفال لاكمال حياتهم على هذا النهج ..
كلمة اخيرة : نظافة الولد على نظافة امه

سلام عليكم
mostaqilla al 7gog
12-03-2006, 11:13 PM
انا اقول سنعو وزاراتكم بس :\
بنت المستقله
13-03-2006, 01:43 PM
اولا شاكرتلج خيتوو على موضوعج
والصراحه صدقتي...قام يلوع جبدي كل ما اوقف بالاشاره اييج الهندي يبطل باب السياره تخيلوو مو الجامه باب السياره !! بس علشان يتفل...والله حاله.
اوكي انا مع بعض الاعضاء في شان التربيه في المنزل بس هذا الشي مو كافي...يعني يفضل لو يكون هناك قانون رادع لهشغلات اللي تفشل...
اقرب مثال دولة سنغافوره..العلج ممنوع هناك وفي مخالفه على اللي ياكل علج ..او يقط وصخ بالشارع...اعتقد اغلبكم راح سنغافوره وشاف نظافة الشوارع هنااك...شي مو طبيعي...وعقبالج ياكويت..
:)
الى اللكا111111ؤؤؤ
ظبي * الغلا
13-03-2006, 04:29 PM
يعطيج العافيه على الموضوع الرائع بس حبيت اقولج شغله .. ..... مسحته قبل لايمسحه المسؤوول
(88+) Mr_7qoqi
13-03-2006, 07:27 PM
( النظافه من الايمان )
SaRoOnA
14-03-2006, 10:06 PM
والله ياخوي فايبر كلامك عدل ..

والحين كل مكان حاطين سلة زبالة وعند الاشارات

مافيها شي لي كانت الاشارة حمرة تفرغ زباله سيارتك فيها

وهالشي ياما سويته مع قدساوية صج نحصل لنا جم

هرن وزفة .. بس ان شافونا جذي الكل بيسويها ^_^

يعطيك العافية
Viper
14-03-2006, 10:34 PM
سلام عليكم
الحل لمثل هذه المشاكل لايتم عن طريق وضع القوانين الصارمة او مخالفة من يقوم بذلك الفعل اللعين , وانما يتم ذلك عن طريق التوعية والتربية في المنزل ...
لو ان الشخص تربى في بيته الا يفعل هذا السلوك لما فعله بالشارع , ان الذين يرمون المخلفات بالشارع يرمونها في بيوتهم على الارض وليس في سلة المهملات ...
يجب على الاهل تربية ابنائهم على النظافة لان النظافة من الايمان لا مشاهدة ابنائهم يرمون المخلفات ويسكتون او يقولون ( لاتعيدها مرة ثانية ) !! لو ان الطفل وبخ على ذلك الفعل من صغرة لما فعلة في كبرة ..
العامل الثاني الا وهو المدرسة , لو ان الطفل يتعلم بالمدرسة على الا يرمي القمامه في الشارع او على الارصفه لما فعلها ايضا في الكبر ..
ولكن البيت هو المدرسة الاولى للاطفال وهي المعلم الاول للاطفال لاكمال حياتهم على هذا النهج ..
كلمة اخيرة : نظافة الولد على نظافة امه

سلام عليكم

السلام عليكم ^_^

الصراحه اخوي كلامك كله صح في صح :)

ولكن همن لزم يكون اشويه ضغط من الحكومه و يحطون قوانين

مشكور حبيبي على المشاركه

مع تحياتي ( ولد جيرانكم بلكليه ) Viper

^_^
Viper
14-03-2006, 10:38 PM
انا اقول سنعو وزاراتكم بس :\

لووول

اشرايك نمسك الوزاره انا و انت ^_^


عاد اول قرار

ايب نانسي احطها مستشارتي الشخصيه


مشكور حبيبي على المشاركه

تقبل تحياتي
Viper
14-03-2006, 10:41 PM
اولا شاكرتلج خيتوو على موضوعج
والصراحه صدقتي...قام يلوع جبدي كل ما اوقف بالاشاره اييج الهندي يبطل باب السياره تخيلوو مو الجامه باب السياره !! بس علشان يتفل...والله حاله.
اوكي انا مع بعض الاعضاء في شان التربيه في المنزل بس هذا الشي مو كافي...يعني يفضل لو يكون هناك قانون رادع لهشغلات اللي تفشل...
اقرب مثال دولة سنغافوره..العلج ممنوع هناك وفي مخالفه على اللي ياكل علج ..او يقط وصخ بالشارع...اعتقد اغلبكم راح سنغافوره وشاف نظافة الشوارع هنااك...شي مو طبيعي...وعقبالج ياكويت..
:)
الى اللكا111111ؤؤؤ

اختي كلامج كله صح الى شي واحد ^_^

انا واحد مو وحده الله يهداج سويتيني وحده ^_^



ولكن انتي ماتقدرين تمنعين العلج من الاسواق !

لان بعتقادي هذي حركه دكتوتاريه !!!


المهم مشكوره اختي على المشاركه

تقبلي تحياتي
Viper
14-03-2006, 10:48 PM
يعطيج العافيه على الموضوع الرائع بس حبيت اقولج شغله .. ..... مسحته قبل لايمسحه المسؤوول


مشكور حبيبي على المشاركه

انا واحد و انت باند ^_^
Viper
14-03-2006, 10:55 PM
( النظافه من الايمان )


احلى جمله سمعتها ^_^

شكرا حبيبي

Viper
Viper
14-03-2006, 11:01 PM
والله ياخوي فايبر كلامك عدل ..

والحين كل مكان حاطين سلة زبالة وعند الاشارات

مافيها شي لي كانت الاشارة حمرة تفرغ زباله سيارتك فيها

وهالشي ياما سويته مع قدساوية صج نحصل لنا جم

هرن وزفة .. بس ان شافونا جذي الكل بيسويها ^_^

يعطيك العافية


اهلين ياغاليه ^_^

لوووول اختي خلينا نتكلم بلصراحه

الزباله ( انتو بكرامه ) ابعيده عن الشخص يمكن 10 امتار

والله يقول مالي خلق اقوم اقط فيها !

لووول اي شيي


فهلمرى من صجج
تبينه ينزل يقط الباله بلزباله ؟

لوول بحلامج والله

مشكوره اختي على المشاكره

تقبلي تحياتي

Viper
mr_happy
16-03-2006, 12:50 PM
انا اتمنه انه تكون الكويت ما فيها تفرقة طائفية ولا عرقية والناس كلها على قلب واحد
وبعدين اتصير الكويت بامان وعدل وحب واخلاص للوطن
mostaqillawi
18-03-2006, 01:29 AM
9a7e7 kalameech bs 2ed wa7daa ma et9afeeg
C.S.S _ GiRL
15-04-2006, 10:39 PM
اي والله صدقت بكلامك ياخوي
Je2na^Lenna9r
25-04-2006, 03:15 AM
صج والله وضع ما ينسكت عليه...لكن الحل لازم يكون على المدى الطويل...
مو على طول يكون التحذير وتطبيق القوانين المنصوصة على عدم القاء المهملات بتاتاً.
بل بالتدريج...وان شاء الله هذه المشكلة بقدر ماهي عويصة وكبيرة فهي سهلة الحل اذا ما تداركناها بالشكل السليم.
وشكراً
C.S.S _ GiRL
25-04-2006, 03:27 AM
من وجهة نظري انه التربية والاهل لها دوور

وللدولة بعد دور ناحية القوانين ولين يحطون قوانين لازم تطبق بدون تساهل :)