اصبوحه رابطه طلبه كليه العلوم الاداريه

[SACBA]

بسم الله الرحمن الرحيم
بصراحه انا نسيت اعزمكم :) لاني كنت مشغول شوي بس حبيت ابلغكم بأن رابطه طلبه كليه العلوم الاداريه اقامت اصبوحه شعريه والي فيها عبدالله علوش و بندر السعيد والمذيعه البحرينيه معصومه عبدالكريم.
وكان الحضور قوي والحمدلله الوضع كان روعه وكل شخص حضر الاصبوحه طلع واهو راضي ومستمتع بالقصائد .. انا شكرت هالشخصيات اللامعه للمشاركه بالاصبوحه وارد اشكرهم مره ثانيه من هالمنتدى لانهم بصراحه كانوا متميزين.
وياريت الي كان حاضر الاصبوحه يعلق ويقول تعليقه لاننا فعلن محتاجين لأرائكم وياريت تكون بعيده عن المجاملات لان اذا في اخطاء نصححها.

نسيت اقول حتى الي ماحضر ابي اشوف مشاركته وحاب اقوله راحت عليك :) لان فعلا الكل استمتع

[mishal]

مرحبا بو بدر
طيب راحت علينا وانا اشره عليك لأنك ما عزمت من الأول بس مردودة لك :×

[SACBA]

والللللله السموحه .... صدقني انشغلت والله يا المستقل اني اتشرف بحضورك وانا ادري اني غلطان ومقصر مع ناس شكثر بس اعذروني يالربع والله لو تعرفون ظروفي راح تسون قطيه وقت لي :) من كوز لي هوم ورك ودوام وجامعه

يالمستقل هاااااذي على خشمك :) :*

[SACBA]

لا تخليني اتشيش واسويلك أمسيه بالمنتدى :) ترا اتهور احياناََ :)

[Shaymaa]

لا زين ماعزمت مشالله ماكو مكان!!

الحمدلله اني حرصت على التواجد من الساعة 12 اروح و ارد اجيّك عالمكان :)

يعطيكم الف عافية و الصراحة مو مجاملة فيكم لكن الاصبوحة عجيبة و بدليل حضور

بنات من كلية التربية و كلية العلوم الاجتماعية و امتلاء القاعة بالحضور من الجنسين

غير الواقفين الى نهاية الاصبوحة،،،

كبااااار يا رابطة الادارية

[SACBA]

لوووووول انا مادري شصاير فيني صاير اتمتع بكلمه راحت عليك ... كل ماشفت واحد من الربع ينطر الاصبوحه وماقدر يروح اقوله راحت عليك وما اهده الا لما يتحلطم لووول :) هاذي الاصبوحه الوحيده لنا بالجامعه مااااكو غيرها مشاء الله اخوانا الاخوان اوه اسف اقصد الإتلافيه ماخلوا شي

[eng-mostaqil]

سلام عليكم
طول عمركم يالاداريه راعينها , هذا ماعهدناه من رابطة الادارية بقيادة المستقلة انا حضرتها والصراحه شي مش معأووول والحضور مو طبيعي .. الى الامام يا ادارية ونحن من خلفكم..

[Caramela]

السلام عليكم ،

الامسيه الشعريه من النشاطات المطلوبه لدى الطلبه و القريبه لقلوبهم بمعنى اخر ..فمن المتوقع ان تمتلى القاعه .

و من فتره ليست بالقليله اقترحت فكره و ساذكرها مره اخرى ، الا و هي استخدام شاشة عرض في السكوير لمنع سلبيات الازدحام .

و شكرا لكم .

[SACBA]

بصراحه انا هالشغله مفكر فيها من فتره بس ماكان عندنا الوقت الكافي ..ولا تنسون ترا هالشغله يبلها كاميرات وشاشات وحجز مكان وجهاز عرض... ,واحنا دايما نسوي نشاطين او ثلاث هذا اذا مو اكثر بنفس الوقت يعني (زحمه يا دنيا زحمه ) ... لكن انشاء الله بالمستقبل يكون عندنا الوقت الكافي علشان نسوي مثل هالشغلات.

ومشكورين على هالاقتراح الطيب

[مستقل_4]

مستقله باقيه قولوا لهم ...

يعطيكم العافيه يا رجال الإداريه