ويــستمر الانـــجاز.. كلمة رنــانة دائما ما ترددها العلمية وتتغنى عليها ويقفون العلمية مطبلين ومزمرين لهذه الكلمة...

للأمانة إنجازات القائمة العلمية كثيييرة وعدييييده ويجب علينا أن نقول كلمة الحق لانه كل ماتقدمه العلمية فهو انـــــــــــــ ــجاز مهما بلغ حجمه ولا يجب ان نناقش فيه فهو موضوع غير قابل للجدال


فالعلمية والانجاز وجهان لعملة واحدة ولكن لنرى بعض الانجازات التي قدمتها العلمية بتوليها لجمعية العلوم هذا العام حتى نقول معهم ويـــــــــــــ ـــــستمر الانـــــــــــ ـــــجاز :

وبعد توزيع النشرة نشرة الانجازات وقريتها صفقت للانجازات الي بالنشرة فأول الانجازات كانت


((( تــوزيع امتــحانات للطلبة )) .. مع انه القوائم كلها توزع امتحانات ومايعتبر انجاز بس السر بتسميتها انجاز .. انه الامتحان هذا هو نفسه الامتحان الي راح ياخذه الطالب فعشان جذي اسمه انجاز

ملاحظة : وماننكر دور صاحب الانجاز الاول والاخير ستيف لانه الامتحانات كلها منه

عفوا الكتب الرسمية الصادر والوارد مع ستيف ما حطوها بالنشرة.. اوكي نمشيها هالمرة والي يبيها يروح لستيف

ألف شكر ياجمعية العلوم (1)


الانــجاز الثاني..

دشيت من بوابة 4 خ وانا ماشي والتفت يمين الا معرض كل صوره طايحه ومسوينه برى مو داخل توقعت بالبداية معرض أثري اكتشفت انه معرض وطني ومافيه الا صورتين للشيج جابر الله يرحمه صورة بألوان وصورة أبيض واسود..

المصيبة تشوف الصورة بالنشرة كاملة متكاملة بس بأرض الواقع شي يختلف.. الانجاز وين تبون تعرفون ؟؟

الانجاز لانهم اتعبوا حيل بالفوتوشوب واتعبوا على الفلاش على اساس تطلع الصورة واضحة


شكرا جمعية العلوم (2)..


الانجاز الثالث معرض ( الصم والبكم ).. الصم والبكم على العين والرأس لكن المعرض شراح يفيد الطالب فيه

لكن المعرض بالاخير طلع يحكي قصة جمعية العلوم مع احترامي الشديد


للمرة الثالثة شكرا على الانجاز (3)


وبعد كل هالانجازات الجمعية هم لها حق بالموضوع ولازم تعطي نفسها نصيب من الانجازات فقالت بدال لا اسوي مقر للطلبة او الطالبات قالت نسوي مقر الجمعية .. وعلى اساس انه الطلبة والجمعية شي واحد بيسونه وماعندهم مانع


وعلى فكرة فترة السبات العميييييق كلها عشان يسوون مقر لهم.. الله يعطيهم العافية



وبالمقابل الجمعية دام بتسوي مقر لها قالت مايصير نهمش الطلبة ونغفل عنهم فقالت نسوي صالة تسلية للطلبة يلعبون ويستانسون وينسون كل انــــــــــجاز اتنا


هم شكرا ياجمعية العلوم... (4)



هذا مايحضرني من الانجازات وبإمكان الاخوه اضافات بعض الانجازت الي بالمستوى هذا واكبر لانه لازم مانذكر العلمية الا ومعاها الانجازات


شكرا للجميع وللجمعية مرة أخرى :/

يا أخوي الحل أنت اتكلم عن جمعية العلوم يعني العلميه يعني التخاذلات والله يا ستيف لك فضل على جمعية العلوم والله لو يمسكونك رئيس الجمعيه تنفعنا أكثر منهم على فكره ستيف هندي يشتغل بالتصوير بعدين يا علميه هذا مستوى الكويت عندج هذا مستوى الشيوخ عندج والله قهر لمن تلقى صورة أمير القلوب الله يرحمه محذوفه على الارض يبى أذا مو قد المعرض لا تسونه وغير هذا كله ما رحتوا شلتوا الصور اللي محذوفه على الارض هذي الوطنيه يا علميه هذا حب الوطن هذا تقديرج لأمير القلوب الله يرحمه بعدين شنو مقر للجمعيه أنتو ألحين شوفوا أولويات الطلبه بعدين أبنوا مبنى للجمعيه وعلى فكره قبل لا تسوون صالة تسليه شوفوا الاستراحه بالاول وضبطوها وعلى فكره لا يكون على بالكم بتضحكون علينا بصالة التسله وتقلون هذا أنجاز وتهملون أولويات الطلبه ومشاكلهم ومثل ما قلت أتركوها لمن هم أهلا لها أتركوها لمن هم أهلا لها ويا أخوي الحل مهما تشكر جمعية العلوم على التخاذلات أقصد الانجازات راح تكون مقصر بحقهم وأنا بعد أقدم شكرى لكم على الانجازات الي أنفعت الطلبه وأتمنى أنكم تتركونها لمن هم أهلا لها عشان تعرفون شلون تكون الانجازات عشان تعرفون شلون تخدم الطلاب عشان تعرفون شلون الوطنيه عشان تعرفون اننا نحن المستقله أهلا لها

للاسف
هذه اخفاقات
وليست انجازات
هؤلاء من يدعون ما لايستطيعون فعله

اسمحلي اخوي الحل اضيف انجاز كل ما اشوفه يحسسني بالرقي والتقدم والتحظر الي وصلتله مرافق كلية العلوم على يد الجمعيه ....كراسي ومظلات الحديقه ... كراسي ماكو مثلها امينه قويه مستحيل الواحد يطيح منها ويتحرول او تنشق ملابسه من الخشب لاااا والمظلات الي اتغطي هالكراسي اللهم لا حسد بصراحه ما اقدر اشرح لازم اتشوفون هالكراسي بعينكم :aa_cool:

لاااااااااا والانجاز الثاني حملة بناء دور ثاني للمسافط ..... علمن بأن منسقهم مصرح ان لايمكن بناء دور ثاني لان الاساسات ضعيفه وهالتصريح قبل الحمله (لهدرجه احنا اغبيه بعينكم:aa_walen : )

والانجاز الاخير والي ينعاد كل سنه يمسكون فيها وهو تجديد مصلى البنات وهو جديد... ارد واقول مادري شلون الانسان يقدر يحط هالفعل من ضمن انجازاته المفروض يكون هالعمل لله مو بعيده باجر اتحطون سبيل ماي واتقولون هذا انجازنا ..تعودنا علي طبعكم بستغلال الدين لمصالحكم:aa_smi le:

هم شكرا ياجمعية العلوم... (5و6و7)

واسفه على الاطاله

ما اقول الا الله يعينكم على ما ابتلاكم يا طلبة العلوم ،، صج مآزق وعاهات مستديمة زين منكم متحملينها وتداومون كل يوم بالكلية وانتوا تشوفونها جدامكم ،،

شدوا حيلكم حتى الفرج يكون قريب انشالله وتعيشون عهد جديد على أيدي المستقلين ،،

حالهم حال التآلف بالآداب

انجازاتهم..مضلا ت..كافتريا بدون مبالغة المطاعم الهندية الي بشرق أفضل منها مئات المرات :aa_smile: حتى امسحب ما عندهم شنو هذا لووووووووول :aa_tounge: << يكون شي ضروري $ ..

وبرادات الماي تعتبر انجازات مادري جنه احنا انعاني من عدم وجود المياه في دولة الكويت :aa_bigsmile:


والله يكون بالعون....: )

يا جماعة سالفة المظلات و الكراسي لازم اصورها وأوريكم إيها لأنها من قلب فلم و المشكلة انه مرة شفت واحد منهم ويحذف بالكرسي لين كسره ... و يوم المعرض و الله الهندي فز قلبه على الصور و قام يمعهم و شالهم .. اما ستبف هذا يعطيه العافية نعتبره قاعدية :aa_tounge:

على طاري المظلات والكراسي اكو كراسي عندنا بالعلوم بالحديقة شنو عجيبين ما تقدر تقعد علبهم إلا لما تنط عليهم مادري شكو رافعينهم حدهم ينرفزون :aa_tounge:

بدون تعلييييييييييق

اخلي الصور تحكي و انتوا فسروها :aa_tounge:

انجازات
:aa_shino:
مظلات
:aa_walen:
كراسي
:aa_anger:
وعود
:aa_walen:
برادات
:aa_men9edem:
و نعم الانجازات
:aa_anger:

مادري جني سمعت أنكم تقولون أن في حديقه عندنا بالعلوووم!!!!!! ! منو قال أنها حديقه هذي مخزن للكراسي والطاولات المكسره غير أن ماكو كراسي ومظلات شالوا الكراسي والمضلات اللي كانوا مسويتها المستقله 2004 احنا الحين قلنا بشيلون الكراسي وييبون كراسي أحسن شالوها وما شفني شي منهم وغير جذي يكسرون بالكراسي(فأن لم تستحي فأفعل ما شئت) على الاقل لا تحطون كراسي شيلوا الكراسي المكسره أنطروا 2007 وسترون العلوم على حقيقتها

pinkiya هذيلا الكراسي كانوا حاطينهم المستقلة لما مسكوا الجمعية و هذيلا heavy duty يظلون عمر بس اهمه ماصدقوا اول ما يمسكون الجمعية يشيلونهم والحين مضطرين الطلبة ينطون عليهم عشان يقعدون بره جنه ما كو شغل إلا الكراسي

وهالكراسي مو مرتفعين بس لم ينحطون بالحديقه لازم الحديد الي تحت تيكون تحت الرمل عشان يمسك الكراسي اذا حاشتنا عاصفه :)

اي فهمت اهمه شايلينهم من الحديقه لأن فأنا قلت شسالفتهم :\

لول تيكون = عشان يكون = بس من السرعه اطلعت بدليه لحد ياخذ فكره غلط لووول

والله الشرهه مو عليهم ..

الشرهه عل اللي قعد يصوتلهم ويخليهم يمسكون الكليه ..

يعني صج شي غريب ..!!

قائمه ما عندها انجازات بمعنى الكلمه ..

ليش قعد تصوتون لهم :/

بصراحه احرجتني بهل انجازات... و انا مع الاخ صدى الحرمان بكل ما قاله بخصوص الحديقه

يعطيكم العافيه ..

بصراحه خوووووش انجازات ا العلميه :aa_tounge:

طبعا أنا اذا بتكلم بقولكم عن التربويه :aa_walen: الله يسلمكم هذيلا عاد انجازاتهم غير خلو الامتحانات و الكراسي و هالسوالف على صوب :aa_bigsmile: بقولكم انجاز عظيم فيه مصلحه كبيره للطلاب .. طبعا أنتوا أكيد دشيتوا مبنى أصول التربيه و شميتوا ريحته :aa_winkee: ما علينا نكمل و نشوف شلون التربويه الاسلاميه شلون حلو المشكله و انجزوا شي حطوا معطرات بكبسه وحده تعطر المكان :aa_cool: شفتوا هالانجاز .. شرايكم فيه اعتقد محد سواه من قبل :aa_ta3ajob: ما أقول الا تربويه اعقلي لا تقولي معقلي ظلمك آن له أن يزول ينجلي ..