من مصدر موثوق بالنادي العربي خالد موقوف فقط...

[بإعاقتي أنا الأفضل]

السلام عليكم

بعد اجتماع امس الذي جمع رئيس النادي مع الجهاز الفني والاداري وبعض اعضاء النادي ..
قرر ايقاف اللاعب خالد احمد خلف مباراتين فقط لا غير مع الاعتذار رسميا للجمهور بالصحف اليوميه ..
وبالتالي فان الاعب لن يلعب مباراة القوه الجويه العراقيه يوم الاربعاء ومباراه وحده بالدوري
وتم السماح للاعب التمرن بالنادي مع الفريق..

[الصوت ^ الجريح]

اللاعب أخطأ بلا شك .. بس ما فكروا بخطوة تجاه الجمهور - اللي بدأ بالغلط و السب -
للحد من هالظاهرة المسيئة لرياضتنا ؟

اللي عرفته ان خالد كان رايح يحيي الجمهور .. و بدل ان يبادله الجمهور التحية .. قام - بعضهم -
بعمل حركات غير اخلاقية باليد لخالد .. فكانت ردة فعله السريعه بالمثل مع الاسف .

[Shaymaa]

لا اخلاق بعد ؟ على رياضتنا السلام

[بإعاقتي أنا الأفضل]

والمشكلة اخوه بعد سوى حركة بايخة اليوم مع القادسية هم راح انزل الموضوع

[بإعاقتي أنا الأفضل]

في مباراة اليوم بين القادسية والعربي تحت 20 سنـة " الكاس " والتي انتهت بتعادل الفريقين 3-3 استبدل المدرب محمد كرم لاعب العربي خلف اخ اللاعب خالد خلف .. لكن استقبل خلف " الامر بعصبيه " وماكان وده يطلع " ومعترض على تبديلـه " للعلم عنده كرت أصفر "

فكر فكر فكر شسوي !

راح صـوب حكم راية لإجراء التبديل على الراحه .. وقبل لا يـوصل خط الأوت بـ 3 أمتار تقريـبًا وقف وفصخ التي شيرت " الأخضر " ليـأخذ الكرت الأحمر " متعمـدًا على ما أعتقد " !!!!!!!

عصبـو الجمهور وأخذو بالصـراخ ..

وإضطر الحكم إشهار الكرت الأحمر لـ خلف لنزعـه الـ T-Shirt قبل لايخرج من المستطيل الأخضر ..

وأكمل فريق العربي بـ 10 لاعبيـن وخسر فريقه من مجهود لاعب

[Shaymaa]

الله يهديهم ...

لماذا كل هذا الاستهتار يا ترى ؟؟

[Mr3oOoB]

السلام عليكم
ويعطيكم العافية على هل الموضوع
بالنسبة حق خالد أحمد خلف والعقوبة الي سمعته انه وقفوه لاجل غير مسمة
يعني العقوبة ما يدرون ليه متى والحين اسمعك اتقول مبارتين فقط
والله مادري شنو العقوبة الي انزلتله بالضبط
بس اذا كانت مباراتين مثل ما تقول هذا يبين انه الشغله فيها واسطات ومصالح انتخابية
مثل ما يعرف الجميع انه انتخابات النادي العربي على الابواب
وتعتبر اقوى انتخابات على مستوى اندية الكويت
وبنسبة لخالد خلف والي والده أحمد خلف مساعد مدرب الفريق يملك عدد ليس بقليل من
الاصوات والكاظمي وربعه يبون يضمون الاصوات الي معه أحمد خلف قامو وقفوه مبارتين
يعني مصالح انتخابية
واذا ما كان اكيد هل الكلام انه مو مباراتين وموقفينه حتى اشعار اخر
والتصرف الي تصرفه أخوه خلف يبين هذا الشي للادارة أو لنية الادارة الباطلة

وهنى تنطبق مقولة من ( من أمنه العقوبة أساء الادب )
يعني اعيال أحمد خلف ( خالد وخلف ) ‘ذا غلطو ما راح يتعاقبون أله جم مباراة
لو لاعب ثاني جان شفنه عقوبه أكبر

وهذا يبين على نية الادارة واهتمامها بالكراسي اكثر من اهتمامها بالنادي يعني النادي بالطقاقق عند الكرسي

وشكرا ..

[بإعاقتي أنا الأفضل]

والله اللي نقلته لكم منقول بموقع نادي العربي

[Mr3oOoB]

والله انا ما اجذب كلامك يا اخي العزيز ولاكن ماندري الحين شنو صار
الي عرفته من الجرايد وكلام المنتدى بموقع الجمهور العرباوي وقفوه لاخر الموسم او لاجل غير مسمى والله الكل يطلعه عقوبة واحنى ما ندري منو انصدق والله

وشكرا على ردك السريع
والله انا مصدقك كلامك بس مالادري الحين منو اصدق الكل ايقول كلامي صح ايبين بالايام اليايه

بس عقوبة خلف أحمد خلف صحيحه موقوف مباراتين

وشكرا ..

[بإعاقتي أنا الأفضل]

انا راح يكون لي اتصال مع خالد خلف لانه طالب بالتطبيقي واحاول اعرف منه

[Mr3oOoB]

انشالله اسمع الخبر الاكيد منك يا أخي الفاضل

ويعطيك العافية على المجهود الطيب والاكثر من رائع

وشكرا لك ..

[بإعاقتي أنا الأفضل]

العفوووووووووو لا شكر على الواجب