تصعلك الدكاترة....

[GodFather]

السلام عليكم...
للأسف يوجد الكثير من دكاترة جامعة الكويت ((يتصعلكون)) و((يتصيّدون)) في اجابات الامتحانات, لقد خرجت من امتحان اصول قانون وانا واثق كل الثقة ان الدرجة لن تقل عن 13 من 15, ولكن صدمت عندما رأيت درجتي اقل من هذه الدرجة بكثير, فلقد درست دراسة ثقافة ومتعة ولم احفظ وماتتربت على تلك الدراسة من فهم وحفظ وابداع وهذه دراستي منذ القدم.
اتت الصدمة عندما رأيت درجتي فذهبت الى الدكتور وطلبت منه ان ارى امتحاني واناقشه, والمضحك في ذلك انه 98% من اجوبتي صحيحة ولكنها ((على حد زعمه)) ليست كاملة, فمثلا أنا ذكرت السند القانوني ورقم المادة وماذا تتكلم عنه ولكني كتبتها على حد فهمي وعلمي فهي ليست قرآن حتى احفظها ولكن دكتورنا((العزيز )) يريدني ان انسخها نسخ من القانون المدني كما هي, وهذه اخطائي بالرغم من ان اجاباتي صحيحة فهي غير كاملة على حد زعمه, ولكن يجب على الدكتور ان يحفز لا يدمر.
اتمنى ان اقرأ معاناتكم مع دكاترة جامعة الكويت والأحداث التي حصلت معكم.
شكرا....

[BosBos]

الله يعينك انا بعد صارت معاي نفس الشغلة والغريب انها في كلية الحقوق وقدمت تظلم فالدكتور.. ومثلكم عارف التظلم وايد حل فعال في جامعتنا يذكرني بمثل انطر يا .....
بصراحة لو فتحتنا المجال لمثل هالمواضيع ماراح نخلص الدكاترة اللي يعرفون الله ينعدون عالأصابع والباجي سوق ماصلي :aa_notworking:
انا انظلمت شخصيا من وايد دكاتره واعرف طلبة انظلموا اكثر مني

خلها على الله العراب :aa_bubbles:

[I C]

الله يعينكم والله


انا انظلمت ظلمه قشره ... مسأله حلها ربع ساعه .. تقريبا صفحتين ونص ... وحالها عدل 100%

بس نسيت اكتب آخر شي الجواب النهائي

حط لي عليها صفر من تسعه :(

والله كل ما اذكر هالسالفه احقد ... المشكله اني حالها كلهاااااا ومتأكد من الحل

وطالع من الامتحان ضحكتي من اهني لي اهني


خلوووووووها على الله


يالله فمان الله

[Shaymaa]

الله يعينكم ،،

اتذكر مقرر أمن قومي .. كراف كراااف

تقارير بحث برزنتيشن و لوية و التقرير يتسلم بعد دقايق من موعده

قطه بالزبالة "أكرمكم الله " و اعمل آخر !!

و بالأخير نو قرييييييييد

[GodFather]

السلام عليكم...
اما آن الأوان لكي يشرعو قانون لحماية الطالب من الظلم؟ هل نذهب الى الجامعة كل يوم وندرس ((ونكرف)) حتى نسبح في بحر الظلام؟ أين الاتحاد من هذا؟ لماذا لا يقدموا اقتراح بمشروع قانون لحماية الطالب((من الاهانة من الظلم...الخ)).
من يأخذ حقوقنا؟

[Shaymaa]

لا بس يتحركون بدكتوري على راسي أسهل :)


كلنا تخرجنا بمعدلات عالية من الثنوية دخلتنا الجامعة

بس للأسف بالجامعة اللي معدله يوصل 3 نعتبره عبقري!!

بالرغم من ان الثنوية كانت اصعب نوعا ما ..

هل هذا دليل على ان الطالب اخذ ما استحقه خلال الفصل؟؟!

اصحوا يا اتحاد ..

[GodFather]

السلام عليكم...
قدساوية هناك دكتور في قسم العلوم السياسية اسمه(ع.ه) اتعلمين انه يضع الدرجات قبل تصليح الامتحانات؟

[Shaymaa]

اعتقد انك تقصد هذا اللي دار بيني وبينه الحوار التالي :

د. : مالك ؟
انا: مافيني شي بس الدرجة مو حلوة..
د. : مش مشكلة ما انتي حلوة

انا خليته يولي و مشيت !

[مستقلاوية موت]

لازم يصير فيه قانون او كنترول يراجع ورا الدكتوور عشان توقف هالمهازل والله احنا قاعد ننظلم
انا كنت طالبه متفوقه بالجامعه والحين ماني قايله معدلي
وخاصه قسمنا السياسيه ماشالله عليهم ابداااااااااااا اااااااع

اعمالي السنه 40 من 50 اييبd اشلووووووووون ؟
للحين مادري والله حااله

الله يعينا ويعينكم

[مستقلة ولي الشرف]

الله يعينك اخوي العراب بس هذا الشي عادي و مو غريب على دكاتره جامعه الكويت للاسف ومن المواقف الي صارت معاي
دكتوره تاريخ الكويت كانت تتعمد بوضع درجات ما استاهلها واقل من مستواي ولمن سألتها لييش ردت علي بكل بساطه ( يمكن انا مااحبج ) وعطتني نهايه الكورس درجه المفروض تكون اعلى من جذي بس شنسوي ماتحبني على قولتها وهذا موقف حبيت اذكرا
وشكرا اخي الكريم (العراب ) على عرض هذا الموضوع المهم لانها وللاسف ظاهره منتشره في الجامعه

[C B A mostaqilla]

انا عنيت من مشكلة ظلم في توزيع الدرجات

فالدكتور المحترم البرنسييييييييس على العوايل يحط الدرجات ( اخر زمن على كل واحد شنو اصله وفصله ) يحط الدرجه

صج نعاني من ظلم لي الحين باطه جبدي

[الصوت ^ الجريح]

بعض دكاترة الجامعه علبالهم هم آلهة .. كل ما يقولونه صح .. و الغلط ممنوع عليهم و معاهم ..

قبل سنتين تقريبا .. خذيت مادة ( ثقافة اسلامية ) عند د. وليد ش. .. الشهادة لله
الدكتور كـ تعامل مع الطلبة جدا محترم .. لكنه غير عادل ابدا في الدرجات ..

في الميدتيرم الاول .. منقصني 3 درجات على سؤال من 5 .. ليش ؟ .. مو مقتنع
بالاجابة ..

- انا : دكتور هذا الكتاب .. الاجابة موجودة حرفيا ..
- د. : تتوقع اني احفظ الكتاب كله يعني ؟
- انا : خلاص يعطيك العافية ..

طبعا غير الاسئلة الاختيارية .. نفس الاجابة انا و رفيجي .. هو صح و انا خطأ .. شلون مادري ..

في الفاينل ..

- د. : درجتك 48 من 60 .. زين ؟
- انا : شنو ؟! .. لا مو زين ..
- د. : و الله عاد هذا حلك و هذي درجتك ..
- انا : دكتور بشوف الامتحان .. ( حدي مقهور )
- د. : مو عندي الامتحانات .. ( مسرع )
- انا : دكتور ما يصير هذي درجتي .. انا متأكد من اجاباتي ..
- د. : انا لما ييت اصلح الامتحانات كنت حاط يمي الكتاب و اصلح منه .. عشان لا اظلم احد ..
- انا : و وين كان الكتاب بالميدتيرم ؟
- د. :
- انا : تقبل الله مقدما .. مشكور دكتور . ( كان بيروح الحج )

و اخرتها .. مجموعي 76 و درجتي سي .. و رفيجي مجموعه 81 ايه ماينس .. بأي جامعه
بالعالم يصير هالحجي .. ماكو .. الا بجامعتنا .. اللي تنافس كيمبردج ..


اذا بقول المعاناة مع بعض دكاترة الهندسة .. ما نخلص .. مع الاسف ..

[GodFather]

السلام عليكم...
اخي الكريم دكاترة الهندسة كدكاترة الحقوق في اعتقادهم بأنهم ارقى اعراق البشر وكأنهم الجنس الآري((الالماني )) الذي يحتم انه ارقى الاجناس البشرية, ففي يوم من الايام كنت انتظر دكتوري في الساعة المكتبية واذا بالمكتب الذي هو بجوار مكتب الدكتور بمكتبين او ثلاث اسمع دكتور يصرخ ويقول: هاذي درجتج بعد شتبين؟ يالله فكيني مو فاضي. تالله ليسوا دكاترة بل هم اشد جهلا من الهمج, للأسف في عالمنا العربي ((المتخلف)) كلما ارتقينا في سلم الدرجات كأننا ارتقينا عن الذين حولنا بكل الاتجاهات وكأننا((نحن الطلبة)) Slaves وهم الباباوات الذين سادوا اوروبا بتخلفهم, فأين القوانين التي تحمي الطالب من التعدي عليه؟فكل سلطة مطلقة تولد الظلم.
بالمناسبة بادرة طيبةمن جمعية العلوم الاجتماعية في العام النقابي السابق عندما اسسوا نشاط دكتوري على راسي, فبدلا ان يدافعوا عن حقوق الطلبة يذهبون ويكرمون الدكاترة والعتب هنا ليس عالنشاط بل اهمال كفة والمحافظة على كفة اخرى مما يؤدي الى اختلال الميزان.
تحياتي...

[mostaqilla4ever]

بالنسبه للدكاترة فاللي حاصل انه الدكتور ما يعطي الطالب لمجهوده بل لمعرفته فيه وواسطته والتصحيح الله بالخير عادي فيه دكتور بالتربيه كان يصحح وما يعطي الاوراق للطلبة لمراجعتها

[MosTa8eLLawYa]

كلا بصوب والي يدقق على الاخطاء الإملائيه بصوووووب
مره كاتبه الاجابه صح بس وايد اخطاء دكتور تاريخ الكويت كاتب ماهذه اللغه واحطلي صفر على السؤال = \ انا اشذنبي اذا الامتحان طويل وماكو وقت اجاوب فقاعده اكتب بسرعه
وهالدكتور معروف اعلا قريد عطاه طالب شكله D


وفي دكتور بالاعلام ماحضرت عنده الا يومين يوم المدتيرم ويوم الفاينل وطبعا لابرزنتيشن ولا هووم وركس ورفيجتي مسكينه كرفت بالماده وشاده حيها كل يوم تحضر و درجتها واااااايد اعلا مني بالمدتيرم واخر شي انا اعلا درجه بالكلاس B+ واهيا مسكينه B-

[CSS]

صج وايد عانينا من الدكاتره

بس انا ماراح اذكر سالفه انظلمت فيها... بذكر سالفه يمكن وايد غيري بالماده انظلموا فيها


انا في كورس صار لي حادث وما قدرت اداوم ولاماده فطبيعي انه تنزل لي fa بكل المواد

بس في ماده ما ادري شلون الدكتور طلعني بقريد منها.. مع اني حتى الجامعه ماطبيتها بهالكورس اللي سجلت فيها الماده


وعقب مده سئلت عن ربعي اللي كانوا بالماده معاي في ناس للاسف صقطهم الدكتور مع انهم يداومون وملتزمين عنده بالحضور... وانا اللي ماشفت الدكتور .. عطاني قريد !!!!

وهني عرفت انه اكثر الدكاتره بالجامعه مزاجييين وكل واحد بكيفه ويقدر يحط لك الدرجه اللي تبيها



يالله مو مشكله


هاذي جامعتنا :)

[(88+) Mr_7qoqi]

عااااادي بالنسبه للدكاتره بالحقوق تحمل يا العراب / مو شي غريب عليهم الي يسوونه بالطلبه ............... ............. اسألني عنهم امجابلهم 3 سنين وهذي الرابعه :<

الله يكون بعون الجميع

[مستقلة الحقوق]

دكاترة الحقوق وما أدراك مادكاترة الحقوق .. !
ماأتكلم عن الكل .. لكن بصراحه هالسنه شفت العجب العجااب ..
دكتور شايب عايب ريوله بالقبر يايبينه من الشريعه يدرسنا أحوال شخصيه ..
أعتقد هالدكتور أشهر من نار على علم عندنا لأنه مع احترامي أصبح (مصخره) للطلبه والطالبات بسبب أسلوبه اللي مادري شلون صاير بالتعامل وبالشرح .. وعدم قدرته على إدارة وتنظيم المحاضره .. هذا بالإضافه إلى إنه يدقق على كلمه كلمه وحرف حرف ..
تخيلوا إنه ينقص إذا ماحطيتوا أقواس قبل الآيه القرآنيه .. !
ويحاسب على الأخطاء الاملائيه وتكرار الجمله .. جنه قاعدين بروضة مو كلية قانون .. !
أعتقد الغالبيه العظمى من طلبة سنه ثانيه بيروسون بمادته مو بالتزامات .. :p

دكتور ثاني .. أشهر منه .. يحب الكشخه والمكياج والعطور ..
يقول إنه يحب البنت لمن تييله المكتب ريحة عطرها تارسه الممر .. !
يحب الماركات وأهم شي عنده الشكل والمظهر .. وأول سؤال يسأله لك من ولده أو من بنته ؟
وطبعا على كلام الطلبه يحط الدرجات على حسب مزاجه ..
وعلى أساس العوايل الهاي كلاس .. وعيال الفقاره لهم الله .. !
والمدتيرم مايتصلح .. !
والنعم والله .. :////





هذا غيض من فيض ..
بنعيش وبنشوف الهوايل ..






تسلم أخوي صاحب الموضوع ..
والله يعينا ويعينكم ..























تحياتي ,,,

مستقلة الحقوق

[mr_happy]

في جم دكتور بالسياسة يضبطون الطالبات بقريدات والطلبة مالهم رب معن الطلبة شادين حيلهم اكثر من الطالبات
الله يسامحهم :(((((

[SeiASeYaH]

للأسف أنا عبالي بس أنا إلي أعاني من الدكاتره طلعت الجامعه كلها تعاني من مزاجية الدكاتره .. مرة كنت ماخذه ثقافه اسلاميه و طبعا عشان انا مو متحجبه الدكتور الكريم دكتور الشريعه الي المفرض انه يخاف من الله فينا امنقصني 7 درجات بالمدتيرم مع ان والله العظيم صامه الكتاب و لما شفت الورقه كوبي بس اقولي لا "خطك مش واضح" الله يسامحه.. يالله ما عليه الدكتور مزاجي و شايب و المشكله "ما يشوف" الله يسامحه المشكله دكاترة العلوم السياسية لازم اخذ معاي (Body Guard) عشان أروح ماشاالله عليهم يحبون القرقه وانا ماحب هالنوع اذا أنا مو كفو اخذ الدرجه بمجهودي مابيها ما له داعي انفش كشتي و اترس ويهي مكياج عشان اخذ"A" شحلات ال"C" يالله الله كريم.. و يا شباب مو كل البنات ماخذين حقهم حالنا من حالكم.. مع تمنياتي لكم بالتوفيق :)

[mostaqillawi]

walaa allah ey3nkoom 3ala ha dektra eZeft allah ye3nkoom

[C.S.S _ GiRL]

اخخخخ من الدكاترة المصاروة اللي بالاجتماعية
يبطون جبدي :(
الا ترووح وتحن فوق راسه علشان يعطيك درجة سنعة

[Al-ShaiJi]

الله يعينا و الله .. حتى عندنا بالآداب :(


و الله الدكتور يبينا نحط كل حرف من الكتاب ....


موفقين انشالله

[MosTa8eLLawYa]

لا بعد في دكتور بقسم الاعلام لما درى ان انا ورفيجاتي مستقله فجأه الكلاس الياي كلنا Fa و اشكره بنات موحاضرين اكثر منا و ليلحين يداومون

[آدابي مستقلة]

آه احنا لو بنجابل مصايب الدكاترة بنألف كتب ...

بس شنسوي

على قولتهم *** اثنين مالنا سلطة عليهم : الحكومة و الدكاترة***

انا ما اقول غير : الله يعينه عليهم و الصراحة مثل ما في دكاترة متصعلكين في دكاترة وايد يعطيهم العافية يساعدون الطلبة وااايد ..

[MostaQiL eL-Dentistry]

بعد ماقريت كل ردودكم, الصراحه تباينت تعابير ويهي! اضحك ولا اكشر! صج سوالف تشيب الراس
هم انا السنه اللي طافت لما كنا ناخذ مواد بالعلوم , خذيت بماده عند دكتور 94.8 وحاطلي A- , وقلتله دكتور باقيلي اقل من ربع درجه واصير A , قالي لا ما اقدر اذا بزيدك بزيد الشعب كلها! قلتله زيدهم كلهم ربع درجه ماراح تفرق وياهم! قالي لا ما اقدر , انزين بشوف ورقتي! لا ممنوع اتشوف ورقتك!!!!!!!!!! !!!! حساااااااافه حزتها كنت مستجد وماعرفت شلون اخذ حقي.. :/