مستقلة الآداب.....!

[^مستقلاوي^]

سمعت كثيراً من الشباب بالكلية يقولون الكلية حمرة ...والبعض الآخر ومن ضمنهم أعضاء التآلف يقول الكلية لكم مبروك...

بصراحة الوضع يخوف وال إنتخابات قربت خطواتنا جيدة ولكن حاس انه شبابنا (مع إحترامي) مو شباب عايشين وضع خساارة ... هالشي مو إني أحبط فيهم بس خوفي على القائمة اتمنى منكم مشاركتي .... اللي يدخل كلية الآداب أو اللي عنده محاضرات بكيفان ويشوف الكلية شنو يحسها بتتحرر من قيد الأحزاب ؟؟؟ ...... اتمنى الرد
لأن بصراحة بعرف اللي ناقصنا والمطلوب انه نستمر فيه ماقصرتوا مقدماً

سلااااام

[مستقلة التربية]

شكرا عالموضوع وانا بعد اقول ان المستقلة قواهم الله قاعد تحاول ان تبذل كل ما بوسعها عشان تسترد الآداب بس هذا الجهد احسه قليل ومتواضع

فاتمنى ان يحاولون يبذلون جهدهم اكثر ....:)

[^مستقلاوي^]

القاعديه موجوده بس الشغل بارد

[GodFather]

السلام عليكم...
اخي العزيز لقد زرتكم في الفصل الأول والوضع جدا متحسن والعديد من اعضاء مؤيدين للتآلف اصبحوا مؤيدين للمستقلة كما لا تنسى فضيحة منسق التآلف
ولكن كما يقولون البيانات لا تكفي, فلكنا معكم ياعزيزي.
شكرا..

[مستقلاوية موت]

الاداب راح ترد زرقه انشالله لانها معقل المستقله بس يبيلها شدده حييل وشغل اكثر والقاعديه

بنات مكفيين وموفين اما الشباب مادري عن شغلهم بحكم اني علوم اجتماعيه


وشدوو حيلكم




ادابي معقلي

[Shaymaa]

صراحة ماقدر احكم على الوضع لان رحت الاداب هالكورس مرة وحدة
شدوا حيلكم و اتمنى لكم التوفيق و ان تحسن وضعكم لا تأخذكم الفرحة كثيرا
فبعض الطلبة سريعي التقلب،، بالتوفيق يا أسود الحق

مقدرة شعورك و خوفك على وضع القائمة فالتفكير بهذا الموضوع يتعب :(

[آدابي مستقلة]

أولا يعطيك العافية اخوي
ثانيا" انا راح اتكلم عن وضع المستقلة بكليتنا من ناحية البنات الصراحة الشغل الحمدالله رب العالمين وااايد متحسن بس هم يبيلة زيادة و احنا اذا بنرد كليتنا لازم نشتغل اكثر و اكثر عشان نرد كليتنا زرقا مو بس نردها الا نردها بفارق كبيييييير
اما على الشباب طبعا انا اللي قاعدة اشوفة انه شبابنا يعطيهم الف الف الف عافية مكفين و موفين و الحمدالله قاعديتنا قاعدة تكثر سواء بنات او شباب
و المؤيدين بفضل الله و بفضل تعبنا و جهدنا كثروا بس هم ارد و اقول بعد يبيلنا شغل اكثر و اكثر

و انشالله الآداب راديـــــــــــ ـــــــــــــــ ـــــــــــــــ ـــــــــــــــ ـــــــــنها** مستقلة**

[^مستقلاوي^]

أشكر الروح الحماسية لأخواتي وبنات كليتي وقائمتي... أنا حبيت اوضح نقطة .. قاعديتنا المستجدين تفوقهم بكثير بينما مؤيديهم(حسب ما أراه)أكثر منا ... وباذن الله .. وحبيت أذكر ان ايد وحده ماتصفق شدوا حيلكم يا أخوات الرجال وانشالله باذن الله الواحد الأحد بتكون آدبي زرقه

ومشكورين على الروح الحماسيه اللي وهبتوني اياها وباذن الله كلامكم ماراح يروح أدراج الرياح

وانا أقولكم"أقسم بالله اني ببذل قصارى جهدي لنحرر الكلية من قيود الأحزاب " واللي بشاركني القسم ... يتفضل " "حركات الحقوق :) "

همتكم يالمستقلين ترى الآداب قربت ,,...

[حقوقي مستقل]

الاداب تعتبر مفتاح الكليات الاخرى في الفوز
وان كنت ارى شخصياً ان التآلف نايمه ,, وبنفس الوقت المستقلة بالاداب نايمه
فالوضع مبهم جدامنه !!

[آدابي مستقلة]

اخوي مستقلاوي انا وحدة بقسم وياك
و بالفعل ايد وحدة ما تصفق
و انشالله همتنا و همتكم بييبون الآداب
أما اخوي حقوقي مستقل بالفعل اذا لاحظتوا ان التآلف وايد طاخين بس بالمقابل المستقلة موجودة و بقوة بس شغلنا بالخشاشي (( حركات)))
بس انشالله اذا علي انا و اخوي مستقلاوي انشالله ماراح انقصر و راح تشوفون بعيونكم مستقلة الآداب شنو راح تسوي
تحياتي

[BrOnZe]

السلام عليكم ....

يسعدني ان ارى اعضاء بهذة الروح وحريصين كل الحرص على استرداد معقل من معاقل القائمة المستقلة وهية كلية الأداب .

لكن ليكن بالعلم ان الانتخابات ممكن ان تتغير الحسبة في آخر لحظه نظر لاعداد المحولين والمستجدين في بداية كل كورس .

اذا هنا يأتي دور كل عضو وعضوه في القائمة المستقلة في العمل الدؤوب المستمر لتحرير الآداب من قيود الاحزاب .

فمن الخطأ ان تكون النظرة في هذة الاوقات الى وضع كلية هل هية مستقلة ام لا ، اتمنى العمل الجــــــــــــ ـــــــــــــاد الى اخر لحظه وسوف تحسم مستقلة بأذن الواحد الأحد

[^مستقلاوي^]

أتمنى من أعضاء مستقلة كليتي يشاركونا القسم....مو تبون الكلية؟؟
:)

[خالد الفالح]

انا الي اعرفه من وضع الآداب انها لن تحسم الآن و هي بانتقال .. فاليوم نقول الكلية حمرا و باجر نقول الكلية زرقه .. الوضع الحقيقي سوف يوضع بعد اسبوعين من الدوام في الكورس القادم ..

اعملوا بارك الله فيكم و اذا حسيتوا او شكيتوا انكم نايمين خلوا الصاحي فيكم يصب الماي البارد على روس النايمين .. و لو اني شايف ان تكتيكات انتخابية جديدة سوف تبرز و ان الكلية (( غصب طيب )) رادة رادة ..

تحياتي ..

[الحل]

قد قطعتم شوط مكلل بالنجاح والعزيمة فأكملوا مسيرة هذا الشوط لتجنوا ثمرة الآداب..

حقيقة لا تشوبها شائبة : بالعامية .. كلية الاداب تبي مستقلة.. وأكتفي..


ستستعيدونها..

وعد سنستعيدها..

[^مستقلاوي^]

عائدون ...سنستعيدها... .... اشكركم اخواني على الروح الحماسيه اللي تزرعونها فينا في نفسكم يالمستقليين وموفقين والله يكتب اللي فيه الخير

[Al-ShaiJi]

بسم الله الرحمن الرحيم
اخييييه والله يا جماعة الكلية تبي المستقلة .. و حتى الرابطة .. و حتى التآلف مو قاعد يشتغلون .. جنهم يقولون هاكم الكلية .. بس تدري شنو اللي ناقص ؟؟
ناقص شوية حركة داخل الكلية .. و بالقاعات لأن في مستجدين يداومون و سييييده لي البيت ..
و الله شوية شغل بس يا مستقلاوي و انت تدري بالضبط انا شنو اقصد بكلمة شغل ..

و الله يوفق المستقلة ..


من الحين اقدر اقولكم :


أيادي صارت تنضم
أزرق جمعه التم
مستقل ركبه هم
لا يرضى عيش الاغراب

[24 عاما وكفى]

اتمنى ان الكلية ترد رزقة بس يبيلنا شغل
واحنا كعضوات مستقلة التربية ما راح انقصر مع اداب وكلنه ايييد وحده لما ترجع الكلية زرقه باذن الله :aa_kashra:

[WeeDee]

أشكرك أخوي مستقلاوي على الاهتمام والحرص ..ودي لو تكون ايجابي وتشوف الشباب شلون قاعدين يتحركون ..والبنات بعد يعطيهم العافيه ..لا تظن ان الليل قد انتهى إلا بعد ان ترا النجوم زرقاً وصفر والعين لن تدمع الا بكم فآدابي بكت من الظلم المستمر فأبلغووها إننا عائدون بإكتساح والتهاب كالجمر

[MosTa8eLLawYa]

انشالله الكلية ترد زرقه و موبس الكليه الي تبينا حتى الطالبات وايد بنات يقولون ردو الكليه مانبيهم و ماادري عن وضع الشباب لكن بنات الكليه اذا يبون يشتكون او يبون مساعده يروحون لبنات المستقله مو التآلف

اخوي مستقلاوي لازم نضغط على عمرنا شوي و نشتغل اكثر راح نتعب وايد بس هالتعب كله بننساه مع صرخة الفوز

[Je2na^Lenna9r]

معاك حق يا أخوي مستقلاوي...وكلن ا قلبنا يتفطر على الكلية...نبيها ترجع نفس أول...
كلنا إيد وحدة وكل واحد يفكر بصندوقه ويركز عليه...يبيلنا بس ما نسفه عقول التآلف ونحاول نهاجمهم...مو بس ندافع واهم يهاجمون,لازم نضربهم بضربة قوية تهز أركانهم.
والله المستعان