قوائم وانتماءاتها [الأرشيف]

إعلامية

16-02-2006, 03:06 AM

القائمة المستقلة : تدعو الى التلاحم والترابط دون تميز بين فئة واخرى فهي تحمل فكر (البيت الكويتي الاصيل)
فكل الكويتيين اخوة دون النظر الى الانتماء الطائفي او الحزبي او الفئوي

---------------------------------------------------------------
قائمة الائتلافية : قائمة اسلامية تتبع للاخوان المسلمين وقد تصدرت الاتحاد لمدة 20 عاما ونيف ولاتزال الى الان
على رئاسة الاتحاد
----------------------------------------------------------------
قائمة الاتحاد الاسلامي : قائمة اسلامية تتبع النهج السلفي وتاثيرها ينصب على كلية الشريعة الاسلامية وهي
حليفة للقائمة الائتلافية منذ 3 سنوات الى الان

---------------------------------------------------------------
قائمة الوسط الديمقراطي : قائمة ليبرالية متحررة
---------------------------------------------------------------
القائمة الاسلامية : قائمة شيعية
--------------------------------------------------------------

وختاما اتمنى ان اكون قد افدتكم بمعلومات عن العمل النقابي في جامعة الكويت ....

بإعاقتي أنا الأفضل

16-02-2006, 12:01 PM

على راسي المستقلة

مستقلاوية موت

16-02-2006, 09:51 PM

ما ابدل
قاااااااااااااا ااا ئمتي لو اموت لاني داشه بقلبي وعقلبي

وبالنسبه لي كل حياتي والانتمائ بهالقائمه والولاء مو طبيعي حق كل واحد يشيل باجها

غاليه يامستقله والله غاليه

وانتي هم غاليه وحبيبه يارايه الحق:aa_cup:

mostaqillawia

16-02-2006, 09:52 PM

مشكووووووورة خيتووو راية الحق ويعطيج العافيه :):aa_shake:

خالد الفالح

17-02-2006, 03:14 PM

ما ذكرتيها دعوتها لعدم تدخل التيارات السياسية الوقوف بوجه تلك التيارات من اجل استقلالية الفكر الطلابي ..

تحياتي ..

بنت^المستقلة

22-02-2006, 10:16 PM

مشكورة حبيبتي راية واقول لكل القوائم كلنا
اخوان ..بس اقول مستقلة ماقصرتي عساج
على القوة ..
تحياتي لكم :- بنت^المستقلة

إعلامية

22-02-2006, 11:19 PM

العفو وشكرا على المرور.......

اختكم راية الحق

Lake

18-03-2006, 05:09 AM

السلام عليكم ...

مشكوره اختى على الجهد بس نسيتي قائمة ! ..

القائمة الجامعة ....

وشكرا

Viper

22-03-2006, 06:12 PM

القائمة الجامعة ....

مركز الاخير ... تطوف الوسط بعد جم سنه ^_^ لووووول ( هذي الصراحه )

والله عاشو الوسط ^_^ خوش فكر ليبراليه

Lake

23-03-2006, 03:14 AM

بالاحرى ما راح اطوف الوسط ..

الوسط كل مالة وينهار .. سنة سنتين .. عشر .. ما راح انلاقي وسط ..

وشكرا

mr_happy

23-03-2006, 12:35 PM

لووووووووول الله يعطيج العافية في ناس بالقائمة ما يعرفون المبادئ القوائم الاخر واتمني قبل لا يدشون مع القائمة المستقلة يقرون ويتثقفون عن القوائم الاخرى
ومشكورين....... ....

إعلامية

24-03-2006, 02:54 PM

وانا اشارك اخواني الرأي

شكرا على الموضوع الشيق والله يعطيج العافية اخت راية الحق

اخوكم: تبقى_الكويت_مست قلة

Don 3ziz

25-03-2006, 01:30 AM

قائمة الائتلافية : قائمة اسلامية تتبع للاخوان المسلمين وقد تصدرت الاتحاد لمدة 20 عاما ونيف ولاتزال الى الان
على رئاسة الاتحاد

ما اقول الا ... لول :aa_knock:

ليلحينكم على هالسالفة :aa_lol:

بليز نزلوا السيدي مالكم ( انتماء الائتلافية للاخوان ) حق الانتخابات الياية بعد .. عشان تشوفون نفس التأثير على الأصوات بصناديق الاتحاد :aa_okik:

احمد العجمي

25-03-2006, 04:32 PM

لو دامت لغيرك ما اتصلت اليك

صدام . حكم اكثر من 30 سنه

وشوفه الحين .

الائتلافيه 26 سنه

لكن شلون راح انشوفها ؟

eetilafiya100%

25-03-2006, 05:25 PM

الائتلافيه 26 سنه

لكن شلون راح انشوفها ؟

رائدة الحركة الطلابية الكويتية =)

^مستقلاوي^

25-03-2006, 07:22 PM

أحب اقول لأخ دون عزيز واتلافيه100% .... بالنسبة للأخ الأول أتمنى الرقي في الطرح واعتقد انه السي دي اللي نزلناه طلع " خياس الاتلافيه" وطلع ريحتهم اللي محد يتحملها

أما رائدة الحركة الطلابيه ... أحب اقولك شوف انجازات الاتحاد على مدة ال27 عام " واذكرلي بس 20" وشوف انجازات أو "واجباترابطة وحده بقيادة قائمة الحق القائمة المستقلة"

شكراً

Don 3ziz

25-03-2006, 07:35 PM

حلوة منك ائمة الحق =)

سيديكم اللي طلع خياس الائتلافية على قولتك !!

خلى الناس تدور وتسأل عن الموضوع .. وسبحان الله كل اللي دوروا اكتشفوا ان الائتلافية مو تابعة لاحد وان اللي موجود بالسيدي كلللللله كلام فاضي :)

الا اذا انت تقول طلبة جامعتنا ما يفهمون فـ هذا شي ثاني !!!

اوكي خل اللي فوق كله ..!!

شنو بيكون ردك على كتاب ابونا الشيخ سعد اللي دزه حق الاتحاد واكيد انت عارفه ^_^

شنو بترد عليه ؟؟؟؟؟؟؟؟

^مستقلاوي^

25-03-2006, 07:59 PM

وانا بسألك نفس السؤال ... شنو ردك على كلام الشيخ سعود الناصر... وبيان اتحاد تونس؟؟؟

اللي بالسي دي كلها حقائق بالأدلة ... واعتقد انه الإتلافيه معروفه بتزوير البيانات والتغير في الأحداث؟؟

هم اتمنى تعطيني 15 انجاز للإتحاد خلال 26 سنه يلا اليوم صرنا كرماء يستاهلون الإخونجيه يلا بس 15 تكفى عطنييي :( ما استاهل لوول

وحالة الضعف اللي فيك خلتك تتصيد الأخطاء المطبعيه وتطلع عن الموضوع لوول

Don 3ziz

25-03-2006, 08:08 PM

اي حالة ضعف الله يهداك :aa_Dance2:

وانا ما صدت اي خطأ مطبعي بس عجبني المصطلح اللي قلته ما قلت شي غلط :)

وعلى فكرة .. انت اللي طلعت عن الموضوع يوم يألتنا عن الاتحاد واحنا جاوبناك ^_^

عطني ردك على كتاب ابونا الشيخ سعد عشان اعرف ارد عليك !!!

بانتظارك اخوي :aa_bye:

^مستقلاوي^

25-03-2006, 08:44 PM

احمد العجمي

26-03-2006, 01:04 AM

على لسان الشيخ سعود الناصر :

1-ذهبت الى فندق الهلتون (الولايات المتحده الامريكيه) وجد مجموعه من الطلبه الكويتيين يحرضون الطلبه على عدم المشاركه في المقاومه في الغزو وكانوا من اعضاء الاتحاد حيث انهم انتخبوا انفسهم بأنفسهم فاي ديمقراطيه هذه ؟

2- طارق السويدان للشيخ سعود الناصر في فترة الغزو اعطني 50 مليون دولار لمحاربة الوجود الامريكي في المنطقه .

3- الشيخ سعود الناصر : طارق السويدان راجعني مرارا" وهو يقول بدل الخمسين مليون اعطني 5 ملايين دولار .

السؤال : اي وطنية يدعون الاخوان المسلمين عفوا" الحركة الاسلامية الدستوريه عفوا" جمعية الاصلاح الاجتماعي عفوا" ( الائتلافيه)

واسمحولي على الاطاله ...

N.Al-Mutawaa

26-03-2006, 02:59 AM

بغض النظر عن الشيخ سعود و كلامه...

الأخ دون كارلو...

العم عبدالله علي المطوع.. كلامه فاضي؟
النائب محمد البصيري كلامه فاضي؟
رئيس "إتحادك" اللي وقع الإتفاقية كلامه فاضي؟
د. بدر الناشي كلامه فاضي؟

و أنت كلامك مو فاضي.. و متروس... بس متروس كلام فاضي!!!

Don 3ziz

26-03-2006, 03:58 PM

أكيد بحكم انه الاتحاد هو الجهه الرسمية لتمثيل الطلبة فلازم يبين دور الاتحاد بالغزو الدور الفاشل بعدين ...اهو شكر دور الاتحاد بس لو ترجع لكلام الشيخ سعود الناصر بتلقى احداث صارت .... واخبار وطلب رئيس الاتحاد بمبلغ وقدره عشان حل " الخلاف" وصلنا انه القتل والنهب والتشريد والتثكيل والتيتيم كان مجر " خلاف" اعتبر نفسك ابن شهيد؟؟ ولا اسير؟؟ هل بترضى على اللي صار؟؟
على العموم هالنقاش ماينفع بالمنتدى ... Face 2 Face

هذا ردك على كتاب ابونا الشيخ سعد الله يحفظه ؟؟!!!!

انزين .. الدور الفاشل هذا اللي تتلكم عنه .. الاتحاد اهو اللي سوى حملة Free Kuwait اللي ما ظل احد بالعالم ما سمع عنها .. ونظم مسيرات بالعالم ساروا فيها الملاايين .. وبعدين الائتلافية قدمت من اعضاءها أسرى وشهدااااااااااا اااااااء .. المستقلة شنو قدمت ؟؟

أما كلمة " خلاف " اللي مو عاجبتكم يعني بالله عليك كتاب رسمي ودولي شنو تبي يكتبون فيه ؟؟ هوشة ؟؟

انا واحد ما استحي من الاعتراف اني ما افهم وايد بالسياسة ..

خلوا السياسة لاهلها !

على لسان الشيخ سعود الناصر :

1-ذهبت الى فندق الهلتون (الولايات المتحده الامريكيه) وجد مجموعه من الطلبه الكويتيين يحرضون الطلبه على عدم المشاركه في المقاومه في الغزو وكانوا من اعضاء الاتحاد حيث انهم انتخبوا انفسهم بأنفسهم فاي ديمقراطيه هذه ؟

مثل ما قلت توه الاتحاد بامريكا نظم حملة Free Kuwait وبالكويت قدم أسرى وشهداء ..

2- طارق السويدان للشيخ سعود الناصر في فترة الغزو اعطني 50 مليون دولار لمحاربة الوجود الامريكي في المنطقه .

3- الشيخ سعود الناصر : طارق السويدان راجعني مرارا" وهو يقول بدل الخمسين مليون اعطني 5 ملايين دولار .

السؤال : اي وطنية يدعون الاخوان المسلمين عفوا" الحركة الاسلامية الدستوريه عفوا" جمعية الاصلاح الاجتماعي عفوا" ( الائتلافيه)

السؤال : شنو علاقة الدكتور طارق السويدان والحركة الدستورية الاسلامية وجمعية الاصلاح الاجتماعي بالائتلافية ؟؟!!
مشكلتكم انكم قاعدين تدورون في نفس المتاهة !

واسمحولي على الاطاله ...

مسموح يبا اخذ راحتك =)

الأخ دون كارلو...

عفوا بس ترا اسمي اللي مكتوب ومسجل فيه بالمنتدى Don 3ziz !

العم عبدالله علي المطوع.. كلامه فاضي؟
النائب محمد البصيري كلامه فاضي؟
رئيس "إتحادك" اللي وقع الإتفاقية كلامه فاضي؟
د. بدر الناشي كلامه فاضي؟

هم شنو علاقة هذول بالائتلافية =\
ورئيس الاتحاد ما قال شي غلط بالاتفاقية ..

و أنت كلامك مو فاضي.. و متروس... بس متروس كلام فاضي!!!

مشكور وايي منك اكثر :)

^مستقلاوي^

26-03-2006, 04:48 PM

دون عزيز أنا أقولك شنو سوت المستقلة بالغزو وبعد التحرير ... شنو كان دور الاتحاد مع دول الضد ....؟؟؟ وبعدين علاقة طارق سويدان وجمعية الاصلاح انه الاتلافيه تبع لهم بشهادة كباريتهم :)

بعدين حملة Free Kuwait على عيني وراسي.... بس شنو فادت هل بتفهمني انه هذي الحملة حررت الكويت وانا رديت على كتاب الشيخ سعد الله يطولنا بعمره أنه اثنى على دور الاتحاد بحكم انه الناطق الرسمي "الفعلي" باسم الطلبة ..... للأسف تكسر خاطري والله :((((

Don 3ziz

26-03-2006, 09:47 PM

ياشيين اللي يماطلون عالفاضي :)

الحين انت تبي تقولي ان حملة Free Kuwait ما كان منها فايده فعلية ؟؟!!!!!!!!!!!!! !!!

شكلك تبي بتطلعني غلطان حتى لو كنت انا الصح !!

اسمحلي أترفّع عن هالنقاش اخوي =)

N.Al-Mutawaa

26-03-2006, 11:38 PM

حملات... دعايات... إعلانات... و الله يعطيكم العافية

لكن للأسف بيان تونس كان عن ألف ألف حملة... و جزاكم الله خير...
و كلنا مضطرين نترفع يا دون عزيز... لأنه لو بنتكلم عن هالموضوع بنفتح بيبان مسكرة..

^مستقلاوي^

27-03-2006, 02:54 AM

أخوي دون عزيز... أول شي احب اقولك انا اول مره اسمع انه هالحملة انتوا مسوينها.... بس هذا مو انجاز انك تسوي حمله هذا مو دور اكبر صرح طلابي شبابي انوخذت دولته؟؟؟

هل هذا يعبر عن الوطنيه؟؟؟؟؟؟؟؟ ؟؟ الوطنيه الكامله؟؟؟؟؟ كلامك مو منطقي انا شكرتك على الحمله بس كان في له القدرة يسوي اكبر من هالشي
شكراً

Lake

27-03-2006, 05:30 PM

السلام عليكم ....

مشالله ... ليلحين الائتلافية واعضائها تنكر تبعيتها لجمعية الدمار ( البعض يسميها الاصلاح ) الاجتماعي ...

أخي الكريم ..
ممكن سؤال واحد ! اذا قائمتكم ليست مسيره .. كما تدعي .. فكيف تقوم القائمة الائتلافية باختيار المنسق العام للقائمة .. مع العلم شكلك عضو بالقائمة وشقردي بعد ! ... هل قمت انت باختيار المنسق ولا شلون بالضبط ... بغيت ازيد من معلوماتي وليس للنجره عشان ما اتبلش واتدافع عن نفسك ! ..

ترا مو داشين اب ارض معركة .. الله اهداك بس ...

وثاني شي ... اذا كنت تريد ان تكشف الحقائق فاتوقع السي دي موجود واذا ما شفتة انا عندي نسخة ! واذا كنت تريد زياده عدد مشاركاتك فقط فعطنى خبر عشان لا اتعب نفسي واتعبك معاي ...

المهم ركز على كليتك وحافظ على مركزك الثاني .. وخل القياده لاهلها .. لان الطلبة يبون .. قياده لا تعرف التنازلات !!!

وشكرا ..

خالد الفالح

28-03-2006, 06:50 PM

انا عندي سؤال لرئيس مجلس القائمة الائتلافية القادم (( إما ابن النائب المحترم او رئيس الائتلافية في العلوم الادارية )) .. في عام 1976 حل مجلس الامة .. و كان الحل غير دستوري .. و شكلت حكومة كان وزير الشؤون فيها هو رئيس جمعية الاصلاح الاجتماعي فما هو رأي القائمة الائتلافية في حل مجلس 1976 و في توزير رئيس جمعية الاصلاح في حكومة غير دستورية (( و الذي كان له دور في سلب قرارات الجامعة و غزوة الاخوان و احتلال الاتحاد )) ..

عفواً التصريح في المنتدى لانه ما يفيدني .. التصريح يكون في الجرايد .. و يا ليت اخوي ناصر يتبنى هالسؤال في مناظراته القادمة ..

تحياتي ..

Lake

27-04-2006, 03:45 PM

السلام عليكم ...

Don 3aziz ... eetelafiya100% ...

وينكم ؟ بغيناكم اتنورنا بالرد على استفساراتنا ! ...

الظاهر صاروا مثل الوسط ... قطوا كلمة و"تناسوا" المنتدى ...

أفـــــــــــــ ـــا ... قياده اتحاد وجمعيات وروابط وماعندكم ردود ...

يالله خيرها بغيرها .. يــا خونجية

خالد الفالح

27-04-2006, 06:20 PM

وبعدين الائتلافية قدمت من اعضاءها أسرى وشهدااااااااااا اااااااء .. المستقلة شنو قدمت ؟؟

كلام خطييييييير .. اصبح الاسرى و الشهداء مادة انتخابية لدى اعضاء الائتلافية !!! اخوي لو سمحت احب اذكرك ان هذا الشهيد و الاسير ما صار من دافع ان الائتلافية امرته بذلك بل من دافع شخصي منه .. و موقف الائتلافية معرووووف .. و اذا كانت كلمة خلاف مو عاجبتنا فإنها بالفعل ليست خلاف بل " غزو " ..

مصيبة اذا الائتلافية لا ترى بان ما حصل غزو .. و المصيبة اعظم اذا نست لانه ما يمديها ..
و لكنهم كالانعام بل هم اظل (( قال جمال البنا بان هذه الآية هي كناية عن إهمال اعمال العقل )) ..

تحياتي :D

CSS

27-04-2006, 09:56 PM

عمااااااااااااا ااااااااااااااا ااااااااااااااا اااااااار يالمستقله

:)

يوسف البدر

27-04-2006, 11:14 PM

لوووووووووووووو وووووووول منو دون عزيز لا اتردوون و حبييت ابدي رايي حق دوون عزيز ترى الله يهداك ليش حاط على السيارة Don 3ziz ترى والله مالها معنى و ما لا راح اتفييدك بالمستقبل...... ........افهم و أعطييك أكبر دليل انا الأئتلافية تابعة للأخوان تعال و أغلط علة واحد منهم و تعال شوف برنامج الله يلعن ابليس والله نسيت ام البرناج بس تاريخ تسجيل 21/2/2006
و هذي المقابلة صارت في تلفزيون الكويت و قابلو فيها مبارك الدويلة

لكن ما يسعنس في النهاية الا و أقول اني احترم الكل و احترمك انت يادون رغم اختلاف الرأي لكن عندي ايمان كامل في احترام الرأي الأخر

C.S.S _ GiRL

29-04-2006, 02:39 AM

مشكوورة حبيبة البي عالتوضيح

بس نسيتي القائمة الوردية :)

Libraly

17-05-2006, 06:16 AM

قائمة الوسط الديمقراطي : قائمة ليبرالية متحررة [/mark]
---------------------------------------------------------------

لووول ... خووش نكته ظحكتووني وانا ما ابي اظحك :aa_meninblack:

لا تتكلمون بشي ما تعرفوونه بليييز ونبي اثباتات ...

اختي بنت المستقلون ... انتي بكلامج اللي تقولين عنه متحررين ترا انتي ظلمتي اخوانج وخواتج بالوسط وقذفتيهم بشي اهمه ما يتبعونه ..

ترظييين انا اتكلم عن بناات المستقله بالتحرر ؟؟ ترا اللي ما يرظه على اهله لازم ما يرظه على اهل غيره وانا عندي من الاهل بالوسط واايد ... عفوا ، نبي نرتقي بالطرح شوي وما نجرح بالنااس لانه كما تدين تداان ..

وين وعااء الاسلام مالكم ؟؟ والا بس حجي ؟؟

اللهم لا شماااته ...

انا ما ابي شي منج .. انا بس ابي اعتذار حق بناتنا عن هالتهمه .. وانتي تعرفين منو بناتنا عدل اختي (( العزييزه)) ..

والسلاام

خالد الفالح

17-05-2006, 02:54 PM

اخوي ليبرالي ..

اسمحلي بس ردك يخليني اضحك وايد .. لوووووووووووووو ووووووووووووووو ووووووول

اي نعم قائمة الوسط الديموقراطي تدعو الى التحرر .. و اذا كنت تطالع الموضوع من ناحية اخلاقية فهذي اخليها لك .. لان معنى التحرر لا يقتصر على المجال الاخلاقي .. و انت ليبرالي المفروض تفهم هالسوالف ..

تحرر فكري .. ديني .. مجتمعي .. مو انت ليبرالي ؟؟ و لا شنو اهي الليبرالية ان لم تكن تحرر ؟؟

البنت ما غلطت .. و اعتذار ماكو ..

تحياتي ..

إعلامية

02-06-2006, 08:36 AM

شكرا اخوي معماري على التوضيح ...

Sheva__7

08-06-2006, 01:53 AM

احم احم

الوسط ليبرالية !!!!!! منو قال؟؟؟

عندنا بالوسط ناس ليبرالية و عندنه بعد ناس علمانيين!!!!
و هم عندنه ناس دينين من المذهب السني و الشيعي !!!! و هم عندنه ناس معتدلين!!!!

و مستعد أذكرهم بالاسم

و بعدين يا اخوي معماري حتى عندكم بالمستقله ناس ليبرالية!!!!!! شلونك نواف؟؟ شخبارك ؟؟؟ ليلحينك ليبرالي :)؟؟؟

بعدين هل عندكم دليل انه قائمة الوسط الديمقراطي قائمة ليبرالية متحرره؟؟؟ اذا في بلييييييييييييي ييييييييييييز حطولي ياه

انا أفضل اني اقول الوسط الديمقراطي ((قائمة ضد كافة أنواع التعصب و التمييز))

بعدين يا اخوي معماري

الليبرالية بكل دول العالم تدعو الى التحرر لكن ليس التحرر المطلق!!! فهم يؤمنون بان حريتك تنتهي عندما تبدأ حرية غيرك

إعلامية

08-06-2006, 02:07 AM

اخوي لنعود لأصل الليبرالية:

هناك المطلقة: تندرج تحتها مصطلح العلمانية
هناك المقيدة: التي تحكمها قيود اجتماعية ونجد الوسط هنا

إعلامية

08-06-2006, 02:10 AM

اخوي لنعود لأصل الليبرالية:

هناك المطلقة: تندرج تحتها مصطلح العلمانية
هناك المقيدة: التي تحكمها قيود اجتماعية ونجد الوسط هنا

الكل يعلم من تاريخ الوسط الديمقراطي اخي ليست القائمة من علمتنا ذلك بل تاريخ الحركة الطلابية ستجدها في كتب التاريخ والكتب التي تتكلم عن التيارات السياسية في الكويت
يا اخوي اتمنى الإطلاع على جميع الكتب وتعلم ما دليلنا أن الوسط الديمقراطي ليبرالية
أما القائمة المستقلة لا تحاسب الشخص ما توجهه لأن توجهه شخصي أنما نحن قائمة طلابية ترحب لجميع التيارات لأننا في البيت الكويتي الأصيل نجد الليبرالي والوطني والأخواني والسلفي تحت سقف واحد

MostaQiL eL-Dentistry

08-06-2006, 02:31 AM

اخوي شيفا, انت شخص اكيد تحترم التاريخ وتصدق حقائقه...
عشان جذي ارجع لتاريخ قائمتك منذ تأسيسها وبتشوف انها مو بس كانت ليبراليه بل حتى شيوعيه..

Sheva__7

08-06-2006, 02:44 AM

و بالمثل الوسط لا يحاسب على التوجهات

لكن عندج دليل مادي انه الوسط قائمة ليبرالية؟؟

اذا عندج

أتمنى و بلييييييييييييي ييييييييييييييي ييييييييييييييي ييييييييييييييي ييييييييييز حطي بالموضوع

MostaQiL eL-Dentistry

08-06-2006, 02:54 AM

انزين اخوي شيفا الليبراليه تقريبا تساوي الشيوعيه صح؟

Sheva__7

08-06-2006, 03:00 AM

لوووووووووووووو ووووول

ام الغلط يا مستقل!!!

الليبرالية غييييييييييير و الشيوعية غير

و اذا تبي شرح بسيط لكل وحدة حاضر

الليبرالية = التحرر و الديمقراطية تقريبا مثال عليها ((السويد))

الشيعوية= لا تساوي الدمقراطية اطلاقا ((مثال عليها الصين)) كانت شيوعيه لكنها لم تكن ديمقراطية

MostaQiL eL-Dentistry

08-06-2006, 03:03 AM

حــلـــــــــــ ـــــــو...
دام ام الغلط يا اخ شيفا, قائمتك الوسط الديمقراطي كانت شيوعيه وفي ادله انا مطلع عليها فشنو ردك؟ وبعدين صرتو قوميين وبعدين صرتوو ليبرالييين والحين ديمقراطيين وطنيين!
وعلى كل توجهه الادله موجوده وانا شايفها بعيني بالملف الاسود لقائمة الوسط الديمقراطي ويمكن موجود عند مستقله الهندسه ويقدرون يورونكياه..

Sheva__7

08-06-2006, 03:06 AM

أخوي شرايك تشرفني المسنجر و نتناقش ؟؟ اوكي ؟؟

MostaQiL eL-Dentistry

08-06-2006, 03:08 AM

بالشوفه طال عمرك , الحين يوصلك ايميلي رساله خاصه :)

بنت^العلمية

10-06-2006, 01:18 AM

MostaQiL eL-Dentistry

10-06-2006, 02:18 AM

اختي بنت العلميه شكلج دفعة 2008؟ معقوله انج مو مقتنه ان الائتلافيه يتبعون الاخوان؟
زين والله يعرفون شلون يمشون افلام على قاعديتهم بعد :)

إعلامية

10-06-2006, 02:41 AM

اختي بنت المستقلون
اتوقع غلط انج تتكلمين بلسان القوائم الثانيه!!!
يعني انتي مستقله شي طبيعي بتتكلمين عن باجي القوائم بالشينه
مستحيل تقولين ايجابيات القوائم الثانيه
وانتي ماتعرفين عن قائمتنا اكثر منا
وانتي تقولين الائتلافيه اخوان
وانا اقولج الائتلافيه مو اخوان
وانا اعرف عن قائمتي اكثر من معرفتج عنها!!!

اختي بنت العلمية انا ما تكلمت عن احد هالموضوع منقول ... ثاني شي اطلعي على كتب تتكلم عن سياسة الكويت أو تاريخ السياسي للكويت أو عن الحركة الطلابية الكويتية وراح تعرفين قائمتج وما أظن دكاترة لهم باع طويل في الدراسة راح يكونون مو ادرى منج في قائمتج :aa_breakfast: اختي انتي مندفعة بالحماس مع اكيد ما راح يقولون لج عن الاجتماعات الأصلية مو الصورية إلي تصير بينكم و ما اعتقد أن شغلكم ما اييي جاهز وانتو كل إلي عليكم التنفيذ :aa_cool2: ترى القائمة الاتلافية مفضوحة للجميع والكل يعرفها عدل وانا 5 سنين بالجامعة ما اظن ما درست قائمة النفاق والعنف

بنت^العلمية

10-06-2006, 11:12 AM

قائمة العنف والزيف والنفاق = القائمه المستغله

ما اقول الا ائتلافية اعتليهم 25 سنه جدام

Je2na^Lenna9r

11-06-2006, 01:55 AM

احنا اللي قائمة العنف...\وانتوا قائمة الاستفزاز...
عيل شلون خذيتوا الاتحاد الا بالعقل والعجرات والرنجات؟؟
لازم نتكلم يعني.؟؟؟؟
وانتي مع قائمتج آخر ناس يتكلمون....مااع تقد مداج تنسين الهوشة مالتكم قبل جم اسبوع؟..؟ شنو نسيتيها....؟؟؟\
انتوا اكيد ناسيين عيل 25 سنة من التخاذل الطلابي عيل...شي طبيعي...
مو ناطر منج شي....اذا كان هذا اسلوب طرحج...فالوعد بعدين..بالصندوق \
وعلى طاري انتوا ما تدرون عن الإتلافية...يكو ن بعلمج عندنا ناس بالمستقلة كانوا قياديين بالقائمة الإتلافية...من أعضاء رابطة وأعضاء اتحاد وحتى أعضاء عاملين....عرفوا زيفكم وانضموا لنا....شلون ما نعرفكم وكل شي واضح جدامنا؟؟؟؟
وشكراً

ديمقراطي

11-06-2006, 04:43 AM

القائمة المستقلة قائمة متناقضة جدا
شنو بيت كويتي أصيل؟؟؟؟؟؟؟؟؟؟؟ ؟؟؟؟؟؟؟
قائمة كان ما عندها فكر, بعد 12 سنة طلعلها فكر ( رجعو للأرشيف) وراح تعرفون إن المستقلة كان ما عندها فكر وعلى لسان منسقها العام في إحدى الصحف المحلية
وشكرا

خالد الفالح

11-06-2006, 07:28 AM

اخ ديموقراطي ..

ماكو انسان ما عنده فكر .. و لا اكو مجموعة ما عندها فكر .. لكن اذا كانت مشكلتك على اللقب فلا تنسى ان الفكر الماركسي نسبة إلى كارل ماركس صاحب النظرية نفسها :)

اما اللقب فهو امر توضيحي لا اكثر و لا اقل .. فلا تأخذ مسألة بسيطة و تسوي من الحبة قبة لو سمحت ..

ركز على الاساسيات و ابتعد عن الجزئيات التي تؤدي للتفرقة في كل الامور ، و تعمق بالنظرة في تحليل الاحداث و ابتعد عن السطحية ..

تحياتي

إعلامية

11-06-2006, 08:43 AM

اخي الفاضل ديمقراطي لا يوجد ما يسمى بفكر البيت الكويتي الأصيل أنما هو وصف للقائمة المستقلة عموما وهذا ما جاء على لسان منسق القائمة المستقلة طلال العجمي في الصحيفة نفسها التي تلاعبت بالكلام واطلقت مصطلح فكر بيت الكويتي الأصيل الذي تتباهون فيه اخي العزيز كأن (( عندكم سالفة والله)) اخي الفاضل هل تعلم ما معنى كلمة فكر ؟ ؟ ؟ عندما تعلم تعال ناقشني ...

لأن القائمة المستقلة ستعلم لمجرد معرفتك لتعريف الفكر أنها صاحبه فكر وفكر متعدد الأبعاد منذ تأسيسها سنة 1986

والله العظيم مسجلة ...

إعلامية

11-06-2006, 08:54 AM

قائمة العنف والزيف والنفاق = القائمه المستغله

ما اقول الا ائتلافية اعتليهم 25 سنه جدام

اختي العزيزة في غلط في حسبتج لنعيدها مع بعض

احداث ندوة منع الاختلاط =ائتلافية + وسط
احداث انتخابات الاتحاد والهجوم على مقر الاتحاد بالخالدية بالعجرات والسلاسل =ائتلافية
احداث ندوة الشرق الاوسط الكبير= ائتلافية
دخول رئيس الاتحاد الحالي بالانتخابات الآداب بالعجرة =ائتلافي
طعن طالب في كلية الآداب لأنه مستقلة = ائتلافية
قطع صبع طالب في كلية العلوم و طنع الآخر حتى النخاع الشوكي = ائتلافية
تهجم رئيس جمعية العلوم على صحفي بالضرب وسلب الكاميرا بالقوة = ائتلافي
احداث الشغب في كلية الهندسة والبترول = هندسية + ائتلافية علمية

:aa_news: يا ربي شنو صاير بعد منهم ............... ............... .... لنعيد الحسبة مرة أخرى

التباهي بأسم القائمة في مسيرة جابر الخير
سلب فكرة نبيها فكرة واخذها اعلامية للقائمة
سرقة انجازات رابطة الآداب المستقلة كالكافتيريا والاستراحة ونسبها لنفسهم
محاولة فاشلة و ظلم طالب جامعي بمحاولة اعتداء وهمية من قبل قائمة التزوير الأولى وبالتعاون مع قائمة النفاق الطلابي
وهم الطلبة من سنة 1983 بوجود حضانة جامعية يعني توني منولدة انا كككككككككككك
وهم الطلبة بزيادة الإعانة الجامعية بفبركة إعلامية ومع الاسف تم رفض الاقتراح من مجلس الوزراء ((يا ربي جنه السالفة فيها قبسة ))

اصابعي تعبت لكن الحسبة وضحت

قائمة الكذب والنفاق والعنف = رائدة الحركة الاخونجية = رائدة العنف والنفاق = القائمة الائتلافية
25 سنة من المهازل ساقطون ساقطون ساقطون

وشكرا

بنت^العلمية

11-06-2006, 11:43 AM

Donnie-Darko

11-06-2006, 03:41 PM

يمعوده ((بنت العلميه )) قائمتكم .. اسمها قائمه المنافقين مع احترامي للموجودين فيها لو اني ما خليت فيها احترام بس ما عليه ..
انا اول ما دشيت الكليه اخدعوني باسلوب تعاملهم وياي .. شلون كانو ياخذوني ويسجلولي موادي .. ويضبطوني .. وكل شي كنت ابيه يسونه لي وكانو يقولولي عن فضايح القوائم الثانيه ومشاكلهم .. بس ما خلوني اعرف عن شي من قائمتهم ؟!! .. وقبل الانتخابات ..واتذكر جملتهم (( يا مشاري احنا خدمناك .. عاد لازم تخدمنا )).. قلتلهم تستاهلون كل خير .. بس عاد بعرف انا قاعد اصوت على شنو .. وليش .. بعد ما صار نقاش حاد بيني وبين عضو عامل من قائمتكم قعدت اناقشه عن مبادئ القائمه على بو اني مأيدهم لانهم اخدموني ..تنرفز من اسلوب طرحي وشلون كنت اقدر ارد على كل كلمه يقولها غلط وانا اصلح له ... قالي انت وجودك مثل عدمك بالقائمه .. قلتله مشكور يي منك اكثر ...
بعد ما طقيت فره على القوائم الثانيه اشوف منو احسن قائمه لقيت المستقله .. احسن بالتعامل والرقي في الاسلوب وكل شي ما توقعته موجود ولقيته .. طبعا صرت ويا المستقله لانه صج ناس حبيتها من كل قلبي ... وما شفت احسن من تعاملهم وياي .. عاد لما شلت فايل القائمه وقعدت اتمشى بالكليه .. على جم يوم ..ولا واحد من ربعي الي بتألف الي اعرفهم سلم علي ... قلتهم شفيكم ما تسلمون .. ليش علشان طلعت من قائمتكم .. ولا علشان شايل هالفايل ؟؟
طبعا .. محد عرف يرد

انا يكسر خاطري لما اشوف مستجد منخدع فيكم ... لما يدش باب التسجيل ويلقاكم موجودين ... وتسجلوله مواد غلط واي شي((انا منهم المخدوووع فيكم )) .. بس علشان شنو انه تقولوله انه خدمناك .. اخدمنا .. بس الحمد الله ربي ينورهم بالكورس الثاني ولما يعرفون خداعكم .. يطلعون منكم ويدشون القوائم الثانيه ..

إعلامية

11-06-2006, 11:44 PM

قائمة العنف الاولى اهي القائمه المستغله!! ومحد يقدر ينكر هالشي
والا نسيتي شنو سويتوا بالانبعي السنه اللي طافت؟؟؟؟
والا عضو الوسط الديمواقراطي بالاجتماعيه
والا رئيس جمعية علوم السنه هذي لمه طقيتوه بآله حاده براسه ؟؟
والا منسق الوسط اللي طقيتوه بالعلوم!!!
والا نسيتي شصار بينكم وشلون تعين منسقكم العام الحالي؟؟
والا نسيتي الطالب اللي انشق بالاداب بسبب رئيس الرابطه؟؟

خلينا ساكتين احسن
ما اقول الا ديربالكم على المركز الثاني بالاتحاد
لان ارقامكم قاعد تنزل والاسلاميه في صعود
تره فشله اذا نزلتوا لي الثالث !!!
ارقامكم تنزل دليل اقتناع الطلبه فيكم!!! والا انكشفت حقيقتكم جدام الكل؟؟؟
يكفينا فخر ان الائتلافيه كسرت حاجز ال5000 صوت في الاتحاد
كل هالطلبه صوتوا مو مقتنعين؟؟؟
اها يمكن انتي بس اللي تفهمين وال5000 طالب مايفهمون!!!
عالعموم يعطيكم العافيه

اختي كل إلي ذكرتيه تصرفات شخصية ولكن ما ذكرته تحرك قائمة كاملة نحو العنف الجامعي
لا ترمي الناس بحجر بما ان بيتك من زجاج والحمدلله احنا بيتنا من طابوق مصنوع من ايادي كويتية اصيلة:kuwait:

5000 طالب وطالبة مخدوعين بالكلام المعسول
5000 طالب وطالبة تم تشويه سمعة المستقلة في عينهم
5000 طالب وطالبة من المستجدين الذين خدعوا واحتكروا من قبل الاخونجية
5000 طالب وطالبة اقسم بالله 1000 منهم سيصوت للمستقلة و الوسط السنة المقبلة و1000 ممتنع عن التصويت وستعوضه الاتلافية في المستجدين مثل كل سنة

والله كرهتوا العالم بالانتخابات بسخافاتكم وستفاهة طرحكم ...

democratic_eng

12-06-2006, 01:19 AM

اختي بنت المستقلون....
مو ذابحكم غير التصرفات الشخصية
اختاروا منسقين على قدر المسؤولية

اختي بنت العلمية
الرقم مو مقياس للفكر الصحيح
عندكم 5000 طالب متعاطفين معاكم و مو مقتنعين بفكركم

بنت^العلمية

12-06-2006, 11:48 AM

democratic_eng

13-06-2006, 01:42 AM

اختي بنت العلمية...
حبج لقائمتج شي طبيعي
بس المبالغة مو حلوة انا مستعد اسطرلج اسماء شباب مصوتين لكم بدون اقتناع بفكركم
والنشرة اللي منزلتهامو دليل كافي ((اصلا ما ينقال انه دليل)) ان الكل مصوت لكم عن اقتناع
اماكلامج عن المستقله فماكو داعي اقول جم عدد شباب و بنات المستقلة اللي مقتنعين بمبادئها و افكارها
انا اختلف معاهم طبعا بس هذا حقهم و ما اقدر اجرح فيهم فقط لأنهم خالفوني بالفكر
بالنهاية ((الوسط)) ((المستقلة)) ((الإتلافية)) كلهم يعملون للكويت

إعلامية

16-06-2006, 04:10 PM

بنت المستقلون عنف المستقله تصرف شخصي والائتلافيه لأ
ليش ماقلتي خطأ شخصي بعد؟؟
جذي تفكيرج اختي!!!
والله مو احنا اللي انشوه صورتكم جدام الناس
صورتكم مشوهه بدون مانتكلم!!
منو منزل سي دي عن الاخوان وتحاولون تثبتون للطلبه؟؟
منو اكثر ناس تتكلمون عنهم غير الائتلافيه؟؟
احس تتكلمون عن الائتلافيه اكثر من قائمتكم
ومع هذا زادت اصواتنا وباذن الله تعالى في ارتفاع
وراح اذكرج منو اللي بتنزل اصواته 2000 صوت بالاتحاد

اما اخوي اللي يقول 5000 طالب وطالبه متعاطفين
شكو؟؟ ترى اهم طلبه جامعيين مو يهال بسهوله ينضحك عليهم!!!!
الحمدالله اللي بيصوت لنا مقتنع فينا ويكفينا فخر لمه نزلنا نشره بداية السنه
(لاتصوت للائتلافيه الا وانت مقتنع فيها)
ما سوتها اي قائمه ثانيه صدقني لو سوتها المستقله مالقيت احد يصوتلهم
وحده اقولها ليش تصوتين مستقله تقولي جذي ستايل
وحده ثانيه تقول free
شوف الفرق بين الناس اللي تصوت وبين الناس اللي ماعندها سالفه لمه تصوت!!

اختي بنت العلمية اضحكتيني كثيرا تقارنين رقي بالطرح مثل السي دي الذي حمل دلالة من أشخاص لهم وزنهم في المجتمع المحلي والوطن العربي ينطقون بكلمة حق ويقولون هناك علاقة ما بين الحركة الدستورية الكويتية الممثلة لأخوان المسلمين في دولة الكويت والقائمة الائتلافية ...
اختي لعبتوها صح هذا كل إلي اقدر اقوله 5000 طالب ما يقارب 2000 لن يصوتوا لكم وتذكري لن تستمروا لن تستمروا لن تستمروا

نعم التصرف الشخصي يتحمله الشخص وليست القائمة ولكن عندما تقوم قائمة العلمية بقيادة رئيس الاتحاد ونائبة ومنسق القائمة العلمية وعدد من أعضاء القائمة بالتهجم على اعضاء القائمة الهندسية بعد مشادة كلامية مع الاسف تافهة ... هنا نقول من هي قائمة العنف ورائدته ...

Sheva__7

16-06-2006, 04:45 PM

((ولكن عندما تقوم قائمة العلمية بقيادة رئيس الاتحاد ونائبة ومنسق القائمة العلمية وعدد من أعضاء القائمة بالتهجم على اعضاء القائمة الهندسية بعد مشادة كلامية مع الاسف تافهة ... هنا نقول من هي قائمة العنف ورائدته ...))

اختي اسمحيلي

لكن باعتراف و تصريح عضو عامل من الهندسية ... الهندسية الي غلطوا
و التصريح كان بالوطن و الي صرح صديق مقرب لي

انا كنت موجود يوم الهوشة
لا أ.ك وله ن.م شاركوا بالهوشة
كانوا موجودين لكن ما شاركوا

إعلامية

16-06-2006, 04:51 PM

اخوي تجذب الصور إلي انشرتها الصحف أو تجذب شهود العيان الآخرين إلي شهدوا أنهم تعرضوا بالضرب ومنهم الزميل ف.ق إلي حاول نائب رئيس الاتحاد اخذ الكاميرا منه ... اخوي ما ندري شنو مصلحة زميلك من التصريح :) ولك كل الاحترام

Sheva__7

16-06-2006, 11:50 PM

اختي بنت المستقلون و ياريت تقرين ردي عدل :)

انا قلت كانوا موجدين لكن ما شاركوا بالهوشه و انا قلت ( أ.ح و ن.م) لاني ماا اعرف شكل نائب رئيس الاتحاد :)

و الصور ما كان فيها صورة تتهم رئيس الاتحاد أو منسق القائمة العلمية بالهندسة بالمشاركة بالهوشة !!

و اذا عندج ياريت تحطينها

تصريح زميلي الي من ثلاث سنين يشتغل مع القائمة الهندسية ما له اي مصلحه !!
بالعكس كان تصريح يدل على انه ما يسكت عن الظلم و ما يرضى فيه و يحب يظهر الحقائق