اتمنى المساعدة منكم

[GodFather]

السلام عليكم....
الحقوق وما ادراك ما الحقوق؟؟ فالكلية جدا سهلة والكلية من الكليات التي تساعد الطالب للنهوض في ركب المواد فلا تكدس ولا كمية.
طبعا كان كلامي اعلاه منافي للحقيقة فخذوا بعكسها, اما مشكلتي فهي تكمن بأنني لو درست درس او فقرة او جملة فأني انساها بعد قليل فما هو الحل يا اعزائي؟اتمنى ان تشاركوني الحل,فهل هذا العارض طبيعي؟وان كان طبيعي او غير ذلك فهل له من حل؟
اتمنى منكم المساعدة يا اعزائي.
وسدد الله خطاكم....

[مستقلاوية موت]

ساعات من كثر الكميه الواحد ينسى او يحس انه ناسي وهذا شعور طبيعي بايام الامتحان بس اذا ماتتذكر عدل نصيحتي لك انك تكتب كل المعلومات الي تدرسها وتفهمها مو تحفظ صم وتدرس اجزاء كل يوم مو كله مره وحده

هذي طريقتي بدراسه السياسيه والله يعينكم عالحقوق ويوفق الكل يارب

[mostaqillawia]

الله يعينك ويسهل عليك بدراستك انشالله
ساعات الواحد يحس انه ناسي كل شي يمكن من كثر ما يدرس أو انه يحاتي وايد وخايف من المادة أو يكون دارس الماده كلها بيوم أو يومين قبل الامتحان
نصيحتي لك انك تقرا بتمعن اي تفهم اولا كل شي بعدين تلخص الاشياء المهمه وتحفظهابفترة قبل الامتحان ولا تحط في بالك انه المادة صعبة وراح ازفت فيها أو ما اقدم فيها (( على طول في بالي :( ((والله يوفقك انشالله
تحياااااااااااا ااااااااتي mostaqillawia

[GodFather]

السلام عليكم...
شكرا لكم اعزائي على هذه النصائح فقد قرأت بالامس الدروس بتمعن ورغبة مني بأن افهم واتمتع بقراءة السطور التي في الكتاب, وفعلا استفدت من ذلك , ولكني لم احفظ بل اخذت هذه المعلومات كمعلومات عامة حتى لا انساها.
شكرا لكم مرة اخرى واتمنى لكم الخير والفلاح....

[mostaqillawia]

ولووووو الله يوفقك واحنا اهني عشان نساعد ونفيد ونستفيد من بعض good luck :aa_king:

[خالد الفالح]

اي نعم هو امر طبيعي جداً فعدم تجزئة الوقت و التوتر خاصة اذا كانت الكمية التي تود دراستها كثيرة ..

اذا كنت ماسكاً الكتاب .. فان المعلومات سوف تصل الى ذهنك من خلال :
1- ( العين خاصة اذا كنت تقرا من داخلك )
2- الاذن (( حيث اذا كنت تسمع احداً يقرأ )) .

في حالة الدراسة يمكن الجمع بين ما سبق في حالة كتابة ما درست و قراءته بصوت مسموع ..

طبعاً حاول كثر ما تقدر انك تدرس اول باول افضل من انك تهمل المادة الى الامتحان ..

تحياتي ..

[خالد الفالح]

والنوم الكافي بعد الدراسه يثبت المعلومه



النوم سلطاااان ..

تحياتي ..

[GodFather]

السلام عليكم..
اشكركم اعزائي فقد تمت المهمة بنجاح ونصائحكم الغالية اسعفتني
شكرا..

[مستقلاوية موت]

موفق يارب وطمنا عن درجاتك واخبارك

[MostaQiL eL-Dentistry]

اخوي العراب اتوقع انا اكثر واحد ايحس فيك ويمكن يعاني اكثر منك :(
نصايح اللي تفضلو فيها الاخوان نصايح جيده ولكنا لا تطبق على كل فروع العلوم ....
انا ادري ان انتو بالحقوق تاخذون كميات خياليه , يعني اعتقد سوالف تلخيص ما تخليص ماتوفي وياكم ! شتلخص وشتخلي! لذلك انا بقولك طريقتي بالدراسه ويمكن تنفع وياك لان احنا نفس حالتكم نحفظ وايد شغلات بس غصبن علينا نفهمها اول شي
اولا : لازم تدرس يوميا كل شي تاخذه وعالاقل تكون فاهمه ومو شرط تحفظه بنفس اليوم عشان تقدر تهظم الموضوع
ثانيا : خصصلك يوم بالويك اند انك تيمع اللي خذيته كله وتحفظه حفظ مثل ما انت قلت معلومات عامه او رؤوس اقلام بحيث يسهل لك الحفظ بالمره اللي بعدها
ثالثا: قبل فترة الامتحانات سولك جدول لكل ماده وابدأ بحفظ التفاصيل , وانشالله راح تحفظهم بسهوله لان انت راح تكون اساسا عندك خلفيه عن الموضوع من حيث الفهم ومن حيث حفظ رؤوس الاقلام
اتمنى اني ساعدتك ولو بجزأ بسيط اخوي العراب وتوكل على رب العالمين وابذل الاسباب وانشالله بتتسهل...

[GodFather]

اشكركم مرة اخرى

[أصغر مستقلاويه]

قوه شلونج

بس بقيت اقولج ان حالة النسيان اما ان تأتي من كثره المعلومات أو من الخوف و رهبة الامتحانات او ان قبل لا تدخلين الكليه في احد مخرعج و قايلج ان المواد صعبه او الدكاتره مو زينين

و شكرا اتمنى لج التوفيق في حياتج العلميه والعمليه انشالله :aa_smile:

[أصغر مستقلاويه]

سورييييييي والله عبالي:aa_flower : سوري بس انت اقرا النصيحه وبس مالك شغل

[Donnie-Darko]

اعتقد التركيز بالمحاضره راح يغنيك عن الكتاب :) طبعا اذا كان الدكتور يشرح كل شي .. وبيدك السحريه تكتب نوت لكلام الدكتور وبجذي بتفك من الكتاب .. وبعدين اخذ المسأئل على انها وقائع تعيش الدور فيها .. واخر شي القراءه بمكان هادىء ..

الله يوفقكم يا عيال الحقوق

[X5_x5_x]

شوفي اختي انتي قاعده اتفكرين بشي وهذا التفكير يعطلج عن الحفظ وعن المذاكرة وانتي لازم اتعدلين نومتج لازم تلعبين رياضه لازم تاكلين الأكل الصحي وحاولي انج تنسين الي قاعده اتفكرين فيه وحاولي ياأختي انج اتغيرين جو اتروحيلج الأماكل الطبيعيه الحلوة البارده
مثل تريكا وايران أنصحج انج اتروحين هالدولتين لأنه صج طبيعتهم وايد حلوه وجذابه
والحين فرصتج سافري غيري جو
وانشاءالله راح اتردين مثل أول صدقيني انا كنت نفسج سوي هالأشياء وراح يروح منج النسيان في المذاكرة

لج خالص التحية

[seham]

انت ما فيك شي
ولو غيك شي لا سمح الله جان ما دخلت الجامعه
بس الضغووووط الدراسيه+ المناهج الحلوه يشجعووون عالدراسه(والعكس صحيح)

[The King]

هذي حاله عادية .. فأنت على سبيل المثال ليما تطالع شي مره وحده بس و ترد يمكن يتعلق شي بذهنك ولو بسييط فأنت مو متذكر الا هذا الشي البسيط .. اما انك لو تطالع هذا الشي كل يووم و بصووره دائمة .. عمرك ما رااح تنسااه و رااح يكوون على طوول جدام عيوونك جنك قاعد تشووفه جدامك .. :):)

ارجو انك تكوون فهمت الحل .. و هذا اهوا الحل ببساطه انك تقرا و تراجع اللي تاخذا كل يووم و بتركييز .. و صدقني انك ما رااح تنسااه الا بعد 4 او 5 سنيين بالقلييل .. عرفت الحل؟؟ .. :):)