السلام عليكم
حبيت أني أنشئ هذا الموضوع بحيث أنه كل واحد يدخل عليه يقيـــم كليته و إن شاء الله راح نعرف من خلال هالموضوع مميزات و عيوب كليات جامعة الكويت و راح ينفع النقابيين في معرفة احتياجات الطلبة و متطلباتهم، و التقيم سيكون كالآتي:

اسم الكلية:

ماتقييمك لنشاط الجمعية في كليتك ( حط رقم من 1 إلى 10 و كلما ما كبر الرقم كلما كان أحسن)؟

باختصار أفضل إنجاز قدم للطلبة على من السنين من قبل الجمعية؟

أسوء شي صار في كليتك و الجمعية ما تحركت علشانه؟

قدم اقتراح ودك أنه الجمعيه تنجزه و يكون في مصلحة الطلبة و الطالبات:

هذا التقييم هو للعام النقابي: (اختر ما بين الحالي أو السابق)

و يفضل أنه التقييم يكون للعام النقابي السابق لأنه العام النقابي الحالي لا يزال في بدايته و في النهاية لكم حرية الاختيار:aa_smi le:

و شكرا على مروركم

اسم الكلية: الحقوق (ريااض الأطفااال)

ماتقييمك لنشاط الجمعية في كليتك ( 1 للأسف لو في 0 جان اخترته)
باختصار أفضل إنجاز قدم للطلبة على من السنين من قبل الجمعية؟
والله أنا ما دشيت الكلية إلا السنه اللي طاافت وللأسف ما شفت انجااز يستاهلاني احطه افضل انجااز

أسوء شي صار في كليتك و الجمعية ما تحركت علشانه؟
وااايد أشياااء (نظاام الكنتروول - قرار ال 70% - المواد الاختيارية (تصير نظام كورسات بدل من سنوات)

قدم اقتراح ودك أنه الجمعيه تنجزه و يكون في مصلحة الطلبة و الطالبات:
اتمنى ان الجمعية تحسن انجازاتها وتوقف انجازاتها اللي ما منها فايده بس تستخف بعقوول الطلبه مثل (ice law- reaction- واليوم يايبين عبدالرحمن العقل مع احترامي له ) هذا بدل ماايبون رجل قانون او عضو يايبين ممثل

هذا التقييم هو للعام النقابي: (السابق) بس عبدالرحمن العقل ضمن الحالي



وشكراً أخوي على الموضوع الحلو

اسم الكلية: الحقوق (ريااض الأطفااال)

ماتقييمك لنشاط الجمعية في كليتك ( 1 للأسف لو في 0 جان اخترته)
باختصار أفضل إنجاز قدم للطلبة على من السنين من قبل الجمعية؟
والله أنا ما دشيت الكلية إلا السنه اللي طاافت وللأسف ما شفت انجااز يستاهلاني احطه افضل انجااز

أسوء شي صار في كليتك و الجمعية ما تحركت علشانه؟
وااايد أشياااء (نظاام الكنتروول - قرار ال 70% - المواد الاختيارية (تصير نظام كورسات بدل من سنوات)

قدم اقتراح ودك أنه الجمعيه تنجزه و يكون في مصلحة الطلبة و الطالبات:
اتمنى ان الجمعية تحسن انجازاتها وتوقف انجازاتها اللي ما منها فايده بس تستخف بعقوول الطلبه مثل (ice law- reaction- واليوم يايبين عبدالرحمن العقل مع احترامي له ) هذا بدل ماايبون رجل قانون او عضو يايبين ممثل

هذا التقييم هو للعام النقابي: (السابق) بس عبدالرحمن العقل ضمن الحالي



وشكراً أخوي على الموضوع الحلو
عفواً مشكوووووره أختي عالموضووووع الحلووو

حياك الله laWyeR_87

Napolion, frozen tears هم شاكرتلكم المرور
و نتمى نشوف الباجي و يـــاريت أسمع من طلبة و طالبات كليتي :aa_sad:

كلية العلوم الاجتماعية
التقييم 2 من 10

ولا انجاز عجبني من دخلت الكلية و اعدونا باشياء بس ماصارت
واسوء شي :
التسجيل الباي فورس
تغيير شروط التخصص ورفع معدلات القبول في التخصصات
التاخير في قبول الطلبة وعقد المقابلات وخصوصا في الخدمة الاجتماعية
الحدايد اللي حاطينها جنها سجن
مواد قليلة مقابل اعداد طلبة اكثر اي نحو جدول دراسي اتعس
عدم وجود انشطة ترفيهية واجتماعية تخدم كافة الطلبة وليس فئة معينة منهم
وغييرها

الف شكر حبيبتي عالموضوع


طبعا الكلام عن جمعية " المتخاذلون " في كلية الحقوق


ماتقييمك لنشاط الجمعية في كليتك ( حط رقم من 1 إلى 10 و كلما ما كبر الرقم كلما كان أحسن)؟


000000000000000 وبكل اقتناع

باختصار أفضل إنجاز قدم للطلبة على من السنين من قبل الجمعية؟



اسبوع الايس كريم لووول

أسوء شي صار في كليتك و الجمعية ما تحركت علشانه؟



لاتعد ولاتحصى


قدم اقتراح ودك أنه الجمعيه تنجزه و يكون في مصلحة الطلبة و الطالبات:


يقتنعون ان نهايتهم حسمت ويتركون مقاعد الجمعية للمستقلة ويتفرجون


هذا التقييم هو للعام النقابي: (اختر ما بين الحالي أو السابق)


السابق

مشكورين على ردودكم اخواني و خواتي
و يعطيكم العافية

بس أنا عندي طلب بــســـيـــــــ ـــــــــــــط ياريت لو تنفذونه:
ودي اللي يدش و يكتب تعليقة في هالموضوع إنه ينسى للحظات بس إنه اهو أو اهي مستقلة و يكتب راية من دون أن يضع في الاعتبار القائمة اللي ماسكة الجمعية

و شـكــــــــــــ ـــرا :aa_smile:

بسم الله الرحمن الرحيم

العام النقابي السابق 2005 - 2006
الجمعية بقيادة الهندسية
التقييم : 2 من 10

الاسباب :
تم اغلاق مواقف الكلية بعهد الهندسية , في السابق كان يوجد موقف للسيارت داخل الكلية يستوعب من 300 الى 400 سيارة وكان الموقف الاخر هي مواقف فرع الجمعية التي تستوعب باقي الطلبة ..
اغلاق الموقف الداخلية ادى الى ازدحام شديد جدا في مواقف الفرع وهذا ماشهدناه ايام الانتخابات وفي الفصل الصيفي مع العلم ببعد المسافة من والى الفرع وتاخر الباص بنقل الطلبة الى الكلية ... ( اذا عندك محاضرة الساعه 10 لازم تركب الباص الساعه 9,45 )

لايوجد انجاز او تحرك اكاديمي قامت به الجمعية , جل ماقامت به الجمعية الموقرة هي تخفيض سعر الالة الحاسبة دينارين وادت الى مشاكل ( الهوشة بالخالدية بين العلمية والهندسية) ودعم الكتب بنسبة جيدة ( هذه النقطتين استحقى 2 من 10 ) ..
اما الباقي فلا ارى اي شيء يذكر قامت به الجمعية بعهد الهندسية سوى خصم برجر كنغ ( يعطونك كرت فيه خصم 150 فلس على الوجبة ولازم تاخذ الكرت من الجمعية والكرت استخدام واحد يعني اذا تبي اكثر من كرت لازم كل يوم تروح الجمعية ) ..

اقامت الجمعية دورات لمواد الهندسة المشتركة ولكن الدورات في السابق تعقد على طول فترة الطورس ( اي الامتحان الاول والثاني والاخير ) اما في هذا العام اصبحت تعقد مرة واحدة فقط وهي للامتحان الاخير , ولكن للاسف قمت بالتسجيل باحدى الدورات لمادة معينة ولكن المفاجئة قام الدكتور بتغيير موعد الامتحان وتقديمة 3 ايام فقط !! فاصبحت الدورة بعد الاختبار !!
هل يعقل بعمل دورة واحد في الكورس وتكون قبل الفاينل ب يومين فقط !!

لايوجد اي انجاز قوي وله صدى كبير بالنسبة للطلبة ...

اسم الكلية:

كلية الآداب


ماتقييمك لنشاط الجمعية في كليتك ؟




العام النقابي السابق .. 2 من 10 بقيادة التآلف الطلابي .





باختصار أفضل إنجاز قدم للطلبة على من السنين من قبل الجمعية؟


إلغاء مقرر انجليزي 133 لطلبة 2005 و ما فوق .. انجاز لم يستطع الاتحاد فعله استطاعت رابطة الآداب بقيادة القائمة المستقلة فعله .. و بقيادة التآلف الطلابي : الاصبوحات الشعرية .. و تجديد المظلات .. و الكافتيريا نفس ما اهي مطعم هندي و أكل غير صحي


أسوء شي صار في كليتك و الجمعية ما تحركت علشانه؟


عدم تخصيص العديد من الطلبة اللي مقدمين على الاعلام .. السنة اللي قبلها بقيادة المستقلة تم تخصيص 101 .. و هالسنة شي و 30 ؟؟ شفتوا الفرق ؟؟




بالاضافة إلى المسخرة التي حدثت في الباي فورس و الهوشة .. و الزحمة و عدم التنظيم .. جني قاعد بسوق اليمعة .

قدم اقتراح ودك أنه الجمعيه تنجزه و يكون في مصلحة الطلبة و الطالبات:




الاقتراح ما راح يطبقونه .. لأن كل ما نقولهم ليش ما تسوون جذي يستهزؤون و يقولون و الله ما بيدنا شي ... اشلون ما بيدك شي و انت اللي ماسك الرابطة ؟؟ مالت عالبامة ..



و الله هذا كلامي من جانب حيادي .. و لو في شي زين سووه جان قلته .. بس ماكو الا المظلات انا اعجبتني لأنها صارت أكبر .. و شكلها حلو
في ناس يقولون انها مو مريحة بس انا عاجبتني .

.. مشكورين على المظلات


و مشكورة اختي على الموضوع .. و يريت نسمع رايج بكليتج :)

بسم الله الرحمن الرحيم

أشكرج أختي على طرح الموضوع الحلو وأتمنالج التوفيق ياربي

أولا كليتي التربية

بخصوص الجمعية التربوية تقييمي لها 1 من 10

وبخصوص أفضل شيء قدمته على مر السنين لا يوجد مجرد أنهم قدموا وعود أنهم يعدلون الكلية وفي الأخير أتفاجأ أنهم مواعدينا بكفتيريا سنعه وبالأخير تطلع إدارة الإنشاءات أهم اللي مسوينها مو الجمعية... وأيضا ماأنكرلهم قيامهم بفتتاح إستراحة للطلبة مافيها مكيف ولا فيها طفايات للمدخنين وضيقة حيل حتى الواحد اللي يبي يدرس مايقدر تلاقيهم مطولين على التلفزيون ولا يلعبون بيبي فوت ومزعجين العالم ... الله يهديهم

وبخوص شيء سيء ولم تقم الجمعية بالتحرك على شانه مشكلة صارت السنة الحاليه 2006 وهي تأخر تخريج 13 طالبة لعدم تسجيلهم في إحدى المقررات ولم تحرك الجمعية ساكنا لهذا الموضوع .... الله يساعدهم يارب هذا وأهم الجمعية وماقدروا يسوون شي عيل منو بيسوي..

المهم وبخصوص أقتراحاتي لهم أتمنى إنهم يشدوون حيلهم شوي بالعام النقابي الحالي لأنه العام النقابي السابق ماسووا شي يذكر اللهم حفل متفوقين وبعض الشغلات اللي ماتسمى إنجازات بصراحه

ويعطيكم العافيه ومشكووره إختي مره ثانية على طرحج للموضوع

مــــشكــــورين وايـــــد
ردودكم حلوة و مفيدة و هذي كلها أخطاء نتعلم منها علشان نعرف أين القصور في المستقبل و ما نكرر الأخطاء

و الله يعطيكم العافية :aa_smile:

اختي وزميلتي مهندسة المستقبل

انتي شنو رايج بحيادية عن الوضع في العام الفائت ؟؟
او ردي انتي على سؤالج وودي اعرف رايج بالموضوع ؟؟

العام النقابي: 2005-2006

التقييم : 1 ( يله يستاهلون )


الجمعية التعاونية : العلوم


أفضل شي : انه كل نشاط يسوونه مايربح فيه الا اعضاء الجمعية على قولة المثل ( دهنا في مكبتنا )


أسوأ شي : ------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------ إلخ


اتمنى شي يسوونه : يخففون شي من التصاريح الي ماغيرها الا الكلام بس



وشكرا

اختي وزميلتي مهندسة المستقبل

انتي شنو رايج بحيادية عن الوضع في العام الفائت ؟؟
او ردي انتي على سؤالج وودي اعرف رايج بالموضوع ؟؟

بصراحة أخوي كل ما أحاول إني أني أكتب لك رد أحس إنه متحيـــز
أنا ما أقدر أقيـــم جمعية الهندسة و البترول للعام النقابي اللي فات
يـــــاريــــــ ـــــت تعذرني و تـــعـــفيـــــ ـنــــــي من طلـــبك هـــــــذا

بصراحة أخوي كل ما أحاول إني أني أكتب لك رد أحس إنه متحيـــز
أنا ما أقدر أقيـــم جمعية الهندسة و البترول للعام النقابي اللي فات
يـــــاريــــــ ـــــت تعذرني و تـــعـــفيـــــ ـنــــــي من طلـــبك هـــــــذا

مسموحة اختي وحياج الله

بس كان ودي انتي تقيمين عمل قائمتج طوال عام نقابي كامل ,, عام حافل بالانجازات !! :aa_bigsmile:

الكلية : الآداب - رابطة طلبة كلية الآداب 2005 - 2006 بقيادة التآلف الطلابي

ماتقييمك لنشاط الجمعية في كليتك ( حط رقم من 1 إلى 10 و كلما ما كبر الرقم كلما كان أحسن)؟
0 للأسف !!


باختصار أفضل إنجاز قدم للطلبة على من السنين من قبل الجمعية؟

بوسترات نزلت باقامة حفل متوفقين للمستجدين و متوفقي الكورس الاول حسب ماأسموهم ,, ولما تروحلهم تسجل اسمك كتمفوق يقولك لازم تكون طايف 24 وحده .. مستجد طايف 24 وحده ,, تفسير !! اتمنى من طلبة الآداب تذكيري بأي انجاز للرابطة في العام النقابي السابق .. يمكن ناسي شي مني ولا مناك !!!

أسوء شي صار في كليتك و الجمعية ما تحركت علشانه؟

لما تقوم قائمة " المستقلة " بتقديم اوراق للرابطة " تآلف " من بيت الزكاة لانشاء برادات مياة على حساب بيت الزكاة ولكن محتاجين كتب رسمية تقدم من الرابطة كاجراء شكلي ,, ولكن ترفض الرابطة عمل هالشي والسبب مجهول ,, قائمة تراكض لانشاء برادات مياه والرابطة نايمة ,, كذلك رفض مايقارب 30 طالب من قسم الاعلام كل كورس بدون أي تحرك من الرابطة .. اما تسجيل الباي فورس فحدث ولا حرج توهم يفتحون باب التسجيل اول طالب يدش الصالة رقمة 101 شلون مادري .. الارقام انوكلت !!


قدم اقتراح ودك أنه الجمعيه تنجزه و يكون في مصلحة الطلبة و الطالبات :
1- التحرك لاقرار قسم الفلسفة بكلية الآداب كتخصص نادر وبالأخص للشباب
2- التحرك لإلغاء المواد العلمية من صحيفة التخرج الجديدة ( طلبة 2005 ومابعدهم ) .. فلا يعقل طلبة آداب واللي أغلبهم متخرجين من الأدبي ياخذون مواد علوم كيمياء و فيزياء ورياضيات . .!
3- التحرك لحل مشاكل طلبة قسم الإعلام و اللى أهمها " تطشر " المواد بين كيفان و الشويخ واحيانا كليات ثانية

وغيرهم من مشاكل المفروض تسعى الرابطة لحلها بدال اقامة اصبوحات و فطور بكل رمضان . !

كلية الآداب هي كلية الحياة:aa_okik:
حدها ملمومه مثل الأم الحنونه:aa_toun ge:

اسم الكلية:
العلوم الاجتماعية
ماتقييمك لنشاط الجمعية في كليتك ( حط رقم من 1 إلى 10 و كلما ما كبر الرقم كلما كان أحسن)؟
1 ويمكن حرام فيهم بعد ..
باختصار أفضل إنجاز قدم للطلبة على من السنين من قبل الجمعية؟
اقامة دورة لمادة الاحصاء ،، وبعد ما يندرى اهم اللي مسوينها وله ادارة الجامعة ..
أسوء شي صار في كليتك و الجمعية ما تحركت علشانه؟
ماكو مقابلات بالكورس الصيفي حق الطلبة الراغبين بتخصص الخدمة الاجتماعية
الباي فورس اول الارقام اتطشر وتنشال تنخش حق ربعهم بشوف العين طبعاً ..
محاوطين الكلية بأسوار حديد تقول حديقة حيوان .. الصراحة اول مرة اشوف جامعة كلها اتجاهات جبرية .. وكل يوم يقولولنا باجر بنشيلهم ،، مادري لي متى ؟؟!!
ماكو مواد ،، في شعب مغلقة على 20 طالب والباي فورس ما يسجلون احد الا بالواسطة والترجي والتذلل ،، ومواعيد التسجيل هم بعد واسطة وعلى ناس وناس ،، عمري ما شفت وحدة من بنات القائمة تشكي من جدولها مثلنا الصراحة ،، كلهم جداولهم مثل ما يبون .. والتمهيدي الانجليزي للحين انا رابعة مو قادرة اخذ تمهيدي ،، مادري متى بتخرج وعندي بعد ثلاث ميداني،،وعموماً كل مواد الانجليزي بالعزر على ما الواحد يسجلها ،، وغيرها الكثير اكيد ..
قدم اقتراح ودك أنه الجمعيه تنجزه و يكون في مصلحة الطلبة و الطالبات:
يصلحون كل ما هو فاسد وموقف مصالح الطلبة واهم شايفين وادرى بالحال وساكتين وله اذا اهم مو قد المسئولية خل يفجون ويخلون المجال حق غيرهم يجرب ونشوف انجازات افضل من جذي
هذا التقييم هو للعام النقابي: (اختر ما بين الحالي أو السابق)
السابق والحالي والقادم على ما اعتقد اذا هذي جمعيتنا للأسف ..

وشكراً لج كاتبة الموضوع ..

اسم الكلية: اداب

ماتقييمك لنشاط الجمعية في كليتك ( حط رقم من 1 إلى 10 و كلما ما كبر الرقم كلما كان أحسن)؟
1
باختصار أفضل إنجاز قدم للطلبة على من السنين من قبل الجمعية؟

لا اعلم ...


أسوء شي صار في كليتك و الجمعية ما تحركت علشانه؟
المواد والشعب المغلقه

قدم اقتراح ودك أنه الجمعيه تنجزه و يكون في مصلحة الطلبة و الطالبات:

تعديل المظلات


هذا التقييم هو للعام النقابي: (اختر ما بين الحالي أو السابق)

و يفضل أنه التقييم يكون للعام النقابي السابق لأنه العام النقابي الحالي لا يزال في بدايته و في النهاية لكم حرية الاختيار

0 ... حرام صفر -1

الســـلام علـــيـــــكم

مشكورين اخواني و خواتي على مشاركاتكم

و أتمنى التوفيق لكم و للي مساكين الحمعيات بكلياتكم
و بالذات اللي يداومون بكيفان
لأن الوضع هناك شي مو طبيعي:aa_walen:

مرة اضريت إني آخذ مادة هناك وحسيت بأن الجمعية مو قاعدة تسوي شي يذكر
و مثل ما قال أخوي Shadow-Boy محتاجين مظلات و كراسي لن ماكو مكان عدل يقعدون فيه الطلبة :aa_sad:

و شـــكرا مرة ثانية :aa_smile:

السلام عليكم ورحمة الله وبركاته

الكلية= العلوم

تقييمي لعمل الجمعية = 10 من 10

انجازات كثيرة وعديدة ومنها مهرجان عيدي ياعلوم

وكذلك فتح الشعب + العديد من المفاجأت

على الكورس الثاني ان شاء الله

وشكرا

مشــــــــكور أخوي على ردك

و عندي تعليق بسيط و هو أن علمية العلوم في السابق غير علمية العلوم خلال آخر سنتين

بعد خسارة العلمية من المستقلة في العام النقابي 2004 - 2005 وفوزها في السنة اللي وراها تغير أداء الجمعية 180 درجة

تقدم ملحوظ تشـكرون عليه

:

يمسح بعض من ردود الاخوة الاعضاء
السبب : خارج نطاق الموضوع ..