ماذا لو ......؟

[(88+) Mr_7qoqi]

اخواني اعزائي في المنتدى ......... ماذا لو كنتم طلبة وطالبات مستجدين في جامعه الكويت ...ماهي القائمه التي ستنظم اليها او تتمنى الانضمام اليها ؟ مع ذكر السبب وبكل مصداقيه ؟

وماهي ميزه وعيب كل قائمة بجامعه الكويت ((جميع القوائم )) بما فيها المستقله .. برأيك الشخصي ؟

[(88+) Mr_7qoqi]

اشدعوه دشيتوا ومحد كتب رايه بالموضوع ,,,,,,,,,,,,,, ؟؟؟؟؟؟؟؟؟


:aa_boka2: :aa_boka2:

[+88]

الحقيقة لو ارجع مليون مرة ادخل الجامعة كمستجد هم راح اصوت للمستقلة لانها باختصار مستقلة و ما تتبع أحد و رايها بيدها مو مثل غيرها و يكفي مواقفها المشرفة و اهي القائمة الوحيدة اللي كان لها الجرئة و رفعت قضية ضد الجامعة و لغت رسوم الباسوورد و غيرها من المواقف اللي تسجل للمستقلة ..

القائمة الائتلافية الكل عارف انها تتبع الاخوان المسلمين واهي أحد القوائم الطائفية داخل الجامعة و اخر انجازاتها النشرة الطائفية اللي اصدرها الاتحاد العام الماضي بمناسبة ذكرى عاشوراء و نفى بعدها رئيس الاتحاد انذاك مشاري المطيري ان يكون الاتحاد اهو اللي اصدر النشرة و ياله الرد مو من المستقلة ولا من غيرها بل من عضو اتحاد الطلبة نفسه عبدالله الصالح و كان رده بأن الاتحاد اهو من اصدر النشرة بعلم امين سر الاتحاد و مندوب الاتحاد !! ما ندري منو نصدق الحقيقة لكن شهد شاهد من أهلها و اتضحت انتماءاتهم الحزبية و الحقيقة اشكر الاخ عبدالله الصالح على شجاعته بذكر الحقيقة ..

الوسط الديموقراطي ............... ............... ............... ............... ........ ( الطعن في الميت حرام)

القائمة الاسلامية احدى القوائم الطائفية الاخرى بالجامعة باختصار اهي ما تختلف عن الائتلافية الا بالمذهب مع انها أنظف و أرقى لكن نفس المبدأ الطائفي ...

باختصار المستقلة اهي القائمة الاسلامية و اهي قائمة الكويت و اهي القائمة اللي وحدت أبناء الكويت بمختلف مذاهبهم و عوايلهم و قبايلهم تحت راية الاسلام و الوطن لخدمة الطلبة بدون منة ...

[خالد الفالح]

لن ازيد و اكرر على كلام اخوي +88 ..

تحياتي ..

[GodFather]

السلام عليكم...
لأنها القائمة الوحيدة التي تمثل الطلبة ولا تمثل الاحزاب المسيّرة.
شكرا...

[(88+) Mr_7qoqi]

شكرا لكل اخواني الي حطوا ردودهم : +88 // معماري // العراب ,,,,,,,,,,,,,,, ,,, جزيل الشكر لكم


جاو جاو :aa_bye: :aa_bye: :aa_bye:

[مستقل_4]

ماذا لو كنتم طلبة وطالبات مستجدين في جامعه الكويت ...ماهي القائمه التي ستنظم اليها او تتمنى الانضمام اليها ؟ مع ذكر السبب وبكل مصداقيه ؟
أكيد المستقله والأسباب معروفه

وماهي ميزه وعيب كل قائمة بجامعه الكويت ((جميع القوائم )) بما فيها المستقله .. برأيك الشخصي ؟
جميع القوائم حزبيه ولا طائفيه والقائمه الوحيده الطلابيه المستقله ومو شايف فيها عيب

[(88+) Mr_7qoqi]

جزيل الشكر لك اخوي ,,,, مطيري مستقل ( ولد عمي ) :rolleyes: :rolleyes: على وضع رايك بالموضوع


تشكرات

[الصوت ^ الجريح]

لو دشيت كمستجد مرة ثانية .. راح ارجع كما كنت .. مستقل ( محايد ) .. لأن بصراحة
شغل الانتخابات صار لعب يهال و هواش ..

سب .. و اشاعات .. و كذب و نفاق .. و هواش على اشياء تافهة .. هذي تصرفات طلبة
جامعه ؟ .. ما اعتقد .. طبعا رغم وجود بعض العقلاء .. لكن هذا لا ينفي ان الهمجية
تطغى ايام الانتخابات بالذات .. مع احترامي للكل ..

القوائم .. الائتلافية : تابعه لحزب ( هذي كافي .. لأنها تشمل انها تدار من الخارج .. و لا تعمل لمصلحة طلبة
الجامعه بصورة خالصة ) - طائفية - قبلية .. و ما تناسبني ..

المستقلة : ميزتها الاجمل انها مستقلة .. لكن عيبها انه شغلها فوضى بفوضى .. و ما عندهم سيطرة
على اعضاءهم العاملين ..

الوسط : " ابوكي أقرع و مكلكع و فيه كل العبر اللي في الدنيا .. اسكتي ! "
يعني باختصار .. ماكو مزايا الا فايلاتهم الحلوة .. بس !

الاسلامية : طائفية ..

و مشكورين :)

[(88+) Mr_7qoqi]

ردك ورايك يا الصوت الجريح محايد وهذا الي انا ابيه الحياد ,,,,,,,,,, جزيل الشكر لك الصوت الجريح





جااااااو :aa_bye:

[(88+) Mr_7qoqi]

الله يعافيج اختي اميرة المستقله ويعافي كل من شاركنا بالموضوع ووضح رأيه بالموضوع ....... تشكرات جميعاً

جاو جاو :aa_bye: :aa_bye:

[MostaQiL eL-Dentistry]

بقى انا ما وضحت رايي ;p
انا من قبل مادش جامعة لكويت وانا مستقل بالفطره , كنت اقرا الجرايد واتابع اخبار الانتخابات واسأل ربعي اللي بالجامعه ولمست منهم ان القائمه المستقله اهيا الافضل والاجدر
القائمه الائتلافيه : اولا: قائمه طائفيه مافيها روح وتعال , ثانيا: قائمه حزبيه ومسيره من الخارج و ولا تنم للديمقراطيه بأي صله طالما انها مسيره وليست مخيره , ثالثا: القبليه اللي تسود بالقائمه , نلاحظ ان اكثر اعضاءها العاملين لما تسأله ليش رحت الائتلافيه , يقولك اسمحلي انا من القبيله لفلانيه!!
القائمه المستقله : يكفي انها القائمه الوطنيه الوحيده اللي تدعو لاستقلالية الحركه الطلابيه في اطار اسلامي عربي , وبشهادة معظم عاملين القوائم الاخرى انها احسن قائمه تخدم الطلبه! ليش ادور غيرها؟؟ بس فيها مشكله بسيطه مثل ماتفضلو اخواني اللي سبقوني وهذا موجود بكل القوائم , ان بعض العاملين تنقصهم الثقافه النقابيه , يعني ماخذين الانتخابات على محمل التعصبيه والحماس الزايد من دون الدرايه بهدف الانتخابات اساسا واللي بدوره يدمر كل اللي بنوه باجي اخوانهم من العاملين , لذلك اتمنى المحافظه على هالمنتدى دائما ودوما لان فعلا يطور الطالب نقابيا سواء كان مستقل او ائتلافي او وسطي
قائمه الوسط الديمقراطي : يسمحولي بس انهم ناس ماخذين بروحهم مقلب!! يقولك س سؤال للمستقله: ماهو فكر القائمه المستقله؟ اقوله فكر البيت لكويتي الأصيل"مايخليني حتى اكمل كلمة الأصيل" , يضحك ويقولي هل يعني ان باجي مؤيدي القوائم غير كويتين! شرد عليه هذا بالله؟ المفروض اقوله النقاش وياك فاضي , بس ماعليه احنا اكبر
هال3 جمل هذي مقدمه للي راح اقوله الحين , اذا اهما يقولون احنا ماعندنا فكر لان احنا كطلبة اسسنا هالفكر وتبنيناه, السؤال اللي يطرح نفسه! اهما شنو فكرهم؟ انا ادري ان من تحت لي تحت فكرهم ليبرالي , بس يقولون فكر ديمقراطي وطني , على عيني وراسي! , وهالفكر منو اللي حطه؟ يقولون احنا! عيل بالله ليش تتطنزون على فكرنا!! مو تقولون ان فكرنا ماله وجود! حتى فكركم انتو نتاج طلبه! هل يعني ان فكركم ماله وجوده ايضا؟!
بس هذا يوصل للي اقصده بان قائمه الوسط الديمقراطي ليبراليه مما يعني انها حزبيه! وفوق هذا كل مبادئهم مطبقه بقائمتنا"الديمقراطيه واللي تكفل تعدد الاراء والمساواة والحريه وحقوق الانسان" و"الوطنيه" وعندنا زياده عليها بعد , فليش اروح الوسط!
القائمه الاسلاميه: احسن شي فيهم انهم مسالمين بدرجه كبيره وخلوقين وايد , بس اسمحولي انتو كذلك قائمه طــــائفـــــــ ية
القائمه الجامعه: قائمه طموحه ولكن تو الناس عليكم بس متأمل منكم انشالله تاخذون المركز الرابع من الوسط! وهذا شي مو بعيد نهائيا
بالنهايه اشكرك اخوي مستر حقوقي ياللي اخوك ويانا ويصوت حق الوحده"مادري شلاقي فيهم :p" حبيب انت واخوك :* , واسف اذا طولت عليكم او قصرت بحق احد لان اولا واخيرا هذي اهيا الديمقراطيه اللي احنا نسعى وراها واللي تكفل حرية التعبير عن الراي على قولة اخوانا بالوسط ;p

[almostaqilla_lover +88]

لو رديت مستجد مرة ثانية بس مو بهالوقت قبل 5 سنين تقريبا راح يكون صوتي هم مستقلة بس بهالوقت مثل مال قال اخوي الصوت الجريح الانتخابات صارت لعب يهال ماتدري تاخذ كلمة الرجال من منو وما عاد يفيد بالاجيال اليديدة كلمة المبدأ و الهدف و الغاية و اسلوب الاقناع الانتخابي صار بالطلعة و الروحة والبلاي ستيشن ووصل الى مستويات ادنى من هالشي واغلب القوائم قامت تغير لونها عشان الكسب الانتخابي الرخيص بدون توصيل المبدأ اللي نشأت عليه بس اقول الله يرحم ايام قبل:aa_men9edem :

[(88+) Mr_7qoqi]

تسلم حبيبي وصديقي واخوي بنفس الوقت ياللي تحب المستقله على المشاركه بالموضوع بس احب اوضحلك شي يمكن صار عندك لبس بالموضوع ......... اخوي الكبير بطب الاسنان من مؤسسي قائمه الوحده الطبيه واهو الحين سنه 6 واهو مو مع المستقله ولا مع الائتلافيه قائمه الوحده الطلابيه شباب الي اسسوها وتنزل بالانتخابات ضد المستقله والوسط بس مو معناه انهم ائتلافيه ...... والي يبي يعرف اكثر يسأل اعضاء الوحده الطلابيه ..

وانا مع قائمتي العزيزه على قلبي (( المستقله )) من 4 سنين بالحقوق عشت سنه فوز و3 سنين حسرة للأسف :(
اخوي اصغر مني بالهندسه وهم مع المستقله ,,,, طبعا بجهودي :cool: :cool:

وآسف على الاطاله ,,,,,,,,,,,,,,, ,,,, جاو جاو :aa_bye:

[(88+) Mr_7qoqi]

.. والي يبي يعرف اكثر يسأل اعضاء الوحده الطلابيه ..

آسف على الخطأ المطبعي

اقصد الوحدة الطبيه مو الوحده الطلابيه

[MostaQiL eL-Dentistry]

هل اخوكاهوا "ص" ؟ وقائمه الوحده الطبيه انا شايف انها قائمه وهميه! لها اسم لكن من غير مبادئ واضحه , واهيا شبه مدعوه من القائمه الائتلافيه لان قبل سنه بالضبط كان في قسم بموقع القائمه الائتلافيه وكان مكتوب الاتي:
كما تدعم القائمه الائتلافيه "معنويا" :
قائمة الوحده الطبيه والقائمه الطبيه , بس بعد ماصارت شوية مشاكل شالوها من السايت عشان لا يخسرون اصوات ;p
انا بخليلك السؤال وانت فكر فيه , تعتقد الائتلافيه ليش ماتصرح بوجود قوائم تابعه لها بمركز العلوم الطبيه بغض النظر عن القائمة الصيدلية؟ اسأل زميلي اخوك واكيد راح يجاوبك ;P

[(88+) Mr_7qoqi]

لأ اخوي مو (ص) رئيس الرابطه ...... انا اخوي (ف) اهم دفعه وحده ... اذا عرفته طرشلي رساله
اخوي كان امين الصندوق ومسؤول العلاقات العامه بالرابطه قبل جم سنه .... اسأل
وانشالله بسأل اخوي على تساؤلك و بسمع الرد انشالله


جاو جاو :aa_bye:

[خالد الفالح]

اذا انا مستجد راح انضم لقائمة الاتحاد لانها ساعدتني و سجلتلي مواد و ما قصرت معاي .. لكن ماكو قائمة اسمها الاتحاد و كل الشباب الي ساعدوني يحطون باج ائتلافية و الشباب ما قصروا ليش اقصر وياهم .. (( هكذا يفكر المستجد ))

[ناقد مستقل]

مــــــاذا لو؟....كانت الحقوق متحدون والعلوم الاجتماعيه (اجتماعيه) والاداريه(معتدل ه) والعلوم(وسط) والاداب(ورديه) والتربيه(اسلامي ه)والشريعه(وسط) وجاركم توفى واخوك انطرد من الضباط ماذا كنت ستفعل ومديون حق القهوه ماذا كنت ستفعل واذا جاوبت على اسألتي ستعرف الا جابه على سؤالك المطروح والفريد (وصاحب القهوه اسمه اشرف مو فريد)

[24 عاما وكفى]

اعتقد حتى لو رديت مستجده مره ثانية راح اصوت للمستقلة
احس انه محد يستاهل من القوائم الثانية
يمكن لان كل قائمة تندرج تحت تيار معين
الا المستقلة
وحلو انك تدش الكلية وتشوف الحضر والبدو والسنه والشيعه كلهم بقائمة وحده
هذا دليل انه مافي تفرقة ولا في طائفية
وبالنسبة للتربوية بكليتي
اشكالهم تسد النفس ومادري شلون الناس تتقلبهم وتصوت لهم
اما الوسط الدييمقراطي نازلين بالتربية عبط ومن غير هدف بس يحبون يسوون show

[جريئه]

مستــــــــــــ ـــــــــــــــ ـــــــــــــــ ـــــــــــــــ ــــــــــــقله


لان ماكو سبب يخليني ما اختارهااااااااا ااااااااااااااا ااااااااااااااا ااااا

[بإعاقتي أنا الأفضل]

اكييييييييييييي يييد بدون منازع
اصوت حق القائمة اللي شرفتني بعطاءها لاخواني المعاقين واهي القائمة المستقلة