في وسط اجواء الحر في الفصل الصيفي يجمع الطالب الجامعي قواه في موقع كيفان المكشوف خاصة كلية الآداب للتغلب على حرارة الصيف التي وصلت لي ما يفوق 50 درجة ينصدم في يوم السبت 17-6-2006 أن الكلية تم تسوير جزء منها وعند السؤال عن السبب قالوا انه المبنى يحتاج لصيانة ؟؟؟ صيانة هل هذا وقت الصيانة ... كافتيريا الشباب مغلقة للصيانة جزء كبير من المواقف لمدة عام مغلقة للصيانة ... والآن جزء من المبنى موقع المحاضرات ... أصب الطالب الجامعي يشعر بمجرد دخوله كلية الآداب انه دخل لورشة عملاقة تتم اعمال الصيانة من حوله أو يعتقد انه تخصص جديد من تخصصات الآداب وانجاز تآلفي ألا وهو تخصص الترميم والصيانة ومن المحزن اخواني أن التآلف الطلابي قائدي الرابطة الحاليين كانوا ينتقدوا رابطة الآداب لأعمال الصيانة التي كانت فقط بالسور ولكن الآن ترميم السور وكافتيريا الطلبة و جزء كبير من المبنى الدراسي وحقا انه الوقت المناسب جدا وقت الفصل الدراسي الصيفي لتقوم الإدارة الجامعية بصيانة المبنى الذي الطلبة نفسهم يداومون به حاليا أين رابطة الآداب عن هذه المهزلة ؟؟ التوقيت الخاطئ + عدم الخوف على الطلبة الجامعيين من تعرضهم لأي اذى نتيجة هذا الترميم + الإزعاج الذي سيشوش على الطلبة أثناء ساعات المحاضرات + كل ذلك لم تلتفت إليه العمادة الجامعية وسط سكون رابطة الآداب بقيادة قائمة التخاذلات الطلابية قائمة التآلف الطلابي التي لهت بتوزيع الإعلامية الخاصة بها كأنها تحتفل بتخاذلها الجديد بهذه المهزلة ... إلى متى الصمت يا طلبة الآداب ؟؟؟ لكم الحكم

لنعيد أمجاد رابطة الآداب

ونعم انها وعد

سنكون خير القيادة التي لا تعرف التنازلات

الله يعينكم والله ..

كافي حر الصيفي و كيفان موووت

الله يكفينا حر و نار جهنم ان شاء الله..

نتمنى لكم الراحة و كورس صيفي هادئ بعيد عن ازعاج اعمال الترميم

ما ينطرون شهر ونص و يبلشون بعد الصيفي؟!

لا ليش حرام اصلن ... لو ما ازعجوا الطلبة ما يصيرون إدارة الصيانة بجامعة الكويت

يا عالم لو ما عندكم مبنى مثل الناس دزوا لنا محاضراتنا بالإيميل ... عاد مو من حلات شرح الدكاترة ... ولا الشقة إلي نعاني منه ...

لنا الله الله كريم

مشكورة اختي قدساوية على مرورج

شر البليه ما يضحك :)

حبيت اذكركم انه في بدايه السنه انتقدت قائمه السحالف اقصد التآلف التآلف الطلابي اغلاق رابطه المستقله لاغلاقها الكافتريا في شهر رمضان لاعمال الصيانه مع انه انسب وقت لذلك لانه لا اظن انه يوجد طالب في كليه الاداب سيذهب للكافتريا في رمضان الا اذا كانو فاطرين هذا شي ثاني :) والان يغلقون الكافتريا في وقت الناس به تحتاج الكافتريا وخاصه في هذه الاجواء الحاره والله شي يضحك يقولون مالا يفعلون وانا اوجه لهم نصيحه لعلهم يتذكرون

لا تنهى عن فعل وتاتي بمثله ...... عار عليك اذا فعلت عظيم

صح السانك اخوي ولد الكويت

وشكرا على المرور ...

والله حاله ... شالمصخره هذي .. ارد الثنويه اشرف لي

اييي والله الحين شوف المدارس شلون مجدينهم نداوم بروضة ولا هالمصخرة
نداوم مع عمال التنظيف وسكتنا
نداوم مع بنايين

مو جامعة صرنا خيطان سكن العزابية
والمشكلة الكلية احنا فيها البنات

الله يعينكم يلي تدرسون بكيفان هي كيفان من غير شي حر موت بعد من غير كافتريا وعمال وازعاج يعني ليش ماياجلون اعمال الصيانه والبنيان لورا الصيفي ؟
باجر يحاوطونكم بسورهم الحلو الي حاطينه حقنا بالعلوم الاجتماعيه
هذا الي فالحين فيه بعدين يقولون مصلحه الطالب ؟؟؟؟

الله كريم اختي مستقلاوية موت متعودين بعد شنسوي ما تشوفين طلبتنا منحاشين من حر كيفان عنكم :)

عندي اقتراح كل واحد او وحده يجبون معاهم مروحه او مكيف صحراوي ويعطي هندي ربع دينار ويشيله وراه وين ما يروح بالكليه :)

بالنسبه لي طايح له كل يوم بفايلات التآلف قلبتها مهفات :)

لوووووووووووووو وووووووووول

اذا هذا اسلوبكم يا المستقلون لا بالله كدينا خير!!
وتبين انييب الاتحاد بعد.
كفو والله خل نشوف اشلون بنييبه وانتوا قاعديةتنا
ما عمري شفتكم تسوون بس تنتقدون
ما فيكم الا حجيكم
الله يستر عالقائمة اللي انتوا اعضائها

اذا هذا اسلوبكم يا المستقلون لا بالله كدينا خير!!
وتبين انييب الاتحاد بعد.
كفو والله خل نشوف اشلون بنييبه وانتوا قاعديةتنا
ما عمري شفتكم تسوون بس تنتقدون
ما فيكم الا حجيكم
الله يستر عالقائمة اللي انتوا اعضائها

1- اخوي نواف انا اسلوبي ما فيه شي حتى لو ما اعجبك ولكن هذي الحقيقة ... واقع مررررررررر
مبنى يترمم والطلبة يداومون فيه وانا اتكلم بلسان حال الطالب لأني طالبة داخل كلية الآداب وشهدت الأمر بعيني ....
2- ليش ما نييب الاتحاد بأذنه واصلين له .
3- عن الأنتقاد : الساكت عن الحق شيطان اخرس
4- ما فيكم إلا حجيكم ؟؟؟؟؟؟؟؟؟؟؟؟؟؟؟ ؟ هالعبارة ما تتوجه لي انا بالذات وثاني شي اخوي لو الموضوع مو عاجبك وتحس انه سطحي رايك وانت حر فيه بس انا اقولك الموضوع مو بسيط
ولو انت ما تحس فيها قولي أي كلية يداومون وبنايين حولهم بكل مكان وعمال النظافة اكثر من عدد االطلبة نفسهم انا اتحداك .......

اخوي العزيز : لو كنت تجهل دور الاتحاد والجمعيات والروابط العلمية : اتمنى أنك تنمي وعيك النقابي بقسم مشاركات نقابية ... :) اخوي هذي الجهات تمثلنا واحنا عندنا مشكلة ... وان عملت مقارنة بين العام النقابي السابق وهذا العام بصراحة ما أنلام ... الفرق واضح وضوح الشمس وصندوق الآداب راح يشهد لك

اخوي اسلوبنا مافيه شي وهذا الصج وهذا الي حاصل والطلبه قاعد يعنون منه احنا لا قاعد نتبلى ولا نطلع حجي من عندنا

يعطيك العافيه

مهما يكون هذا رايك وهذا راينا وحياك الله بالمنتدى :)

اخوي نواف اذا كل قائمة بتسوي بالكليه على كيفها عيل ليش في شي اسمه رابطه و جمعيه ؟؟

الله يعيينكم يارب
برووحه الجوو خيسة حر مووت استغفر الله ياربي
وفوق هذا كله ازعااج العمال لا بالله عيل فهمتوا شي من المحاضرات

مشكورين على المرور خواتي :) والله يعطيكم العافية

يعطيج العافية اختي بنت المستقلون على طرحتج هالموضوع اللي بالفعل قاعدين نعاني منه ..

اخوي نواف .. يعطيك العافية بس حبيت ارد على بعض النقاط اللي انت ذكرتها بردك ,, و اسألك جم سؤال ..

هل انت طالب في كلية الآداب؟؟؟ هل انت قاعد تحس بالمعاناة اللي احنا قاعدين نحس فيها ؟؟؟
هل تقدر تستحمل شرح الدكتور مع ازعاج الآلات و بالحر ؟؟

ماعتقد ,, اخوي احنا باذن الله راح ناخذ الاتحاد ,, السنة الياية, اللي وراها ,, بعد 4 سنين ,, مو مهم بس هذا مو شي مستحيل علينا احنا المستقلة .. و اللي الله كاتبة راح يصير

"ما عمري شفتكم تسوون بس تنتقدون
ما فيكم الا حجيكم
الله يستر عالقائمة اللي انتوا اعضائها"

الصراحة شي غريب اللي انت قاعد تقولة .. احنا اللي ما فينا الا حجينا.. الظاهر انت مو متابع تحركات القائمة المستقلة سواء بكليتك او بالكليات الثانية..
اصلا يا خوي القائمة المستقلة قاعدة تسوي اشياء عجزت بعض الروابط و الجمعيات او مثل ما نقول تكاسلت عن اداءها لخدمة المصلحة الطلابية ..

و الحمدالله القائمة المستقلة تفتخر بالاعضاء اللي فيها .... و هالاعضاء اللي مو عاجبينك قاعدين يسهرون و يضحون باشياء وااايد علشان القائمة ,,, فصراحة اقل كلمة لازم تتوجهلهم
" يعطــــــــــــ ـــــــــــــــ ـيكم الف عافية ,, و ما قصرتوا "

يا جماعة الخير
إرضاء الناس غاية لا تدرك,ووجهات نظر الناس تتباين من شخص إلى آخر, فلا يمكن لجميع الناس أن يتفقوا حول موضوع معين, إذ لابد وأن تختلف وجهات النظر من شخص لآخر, وهذه هي سنة الحياة, لكن مع الأسف نرى القوائم الطلابية تقوم باستغلال أبسط المواضيع وأكبرها وتضخيم هذه المواضيع لمجرد مصالح انتخابية بحتة ورخيصة,
فمن خلال هذا الموضوع نرى بأن المستقلة تصب جام غضبها ووتتهم الرابطة بأنها وراء جميع مشاكل طلبة الآداب, يا جماعة الخير, الرابطة هي جهة ضغط وليست جهة إصدار قرارات, فهل من المعقول أن الرابطة لم تقدم كتب رسمية أو قامت بالضغط على العمادة بخصوص بعض المواضيع المعينة؟؟؟؟؟ يا جماعة الخير الرابطة يقودها طلبة حالهم حالنا, كل الذي بيدهم هو الكتب الرسمية التي لا يكون ردها إلا بالموافقة أو ( التطنيش) فماذ عساكم تريدون منهم أن يفعلوا؟؟؟ هل تريدون بأن يقوموا بالتصادم مع العمادة وضربها من أجل إقرار مطالباتهم؟؟؟؟
صدقوني يا مستقلة حتى لو قامت الرابطة بإنجازات أيضا لن تعجبكم, بل ستتصيدون أي شيئ من أجل تعرية مواقفها وإثبات تخاذلاتها,
فخلاصة كلامي هي أنه ماذنب الرابطة في حال أن العمادة لم تستمع لماطلبها؟؟؟؟؟
وكلامي هذا ليس دفاعا عن الرابطة, وإنما هو واقع ينطبق على جميع الروابط في جامعة الكويت
وشكرا

اخوي ديمقراطي حالة طلبة الاداب مزريه لاشعب مبطله مثل الاوادم و بالاعلام يقبلون من 30 لي 35 طالب من بعد ماكانت نسبة القبول من 70 لي 100 طالب و مواد الاعلام صارت بشويخ وكيفان من عقب ماكانت بس بشويخ ووايد منا ضرهم هالشي خصوصا عقب قرار النص ساعه بين المادتين لوكرات مكسرين و نروح نكلمهم يقولون خلصت فترة الصيانه

هذي جزء من المشاكل الي عانينا منها هالسنه و الرابطه ماتحركت في ولا شي مو معقوله ماقدرو يسون شي مثل ماذكرت

من ناحية التعرية أي تعرية مواقف الي انت تقول عنها
ممكن تذكرلي موقف واحد من رابطة كلية الاداب هالسنه

وانا قاعده اتكلم كوني طالبة في كلية الاداب مو بالمستقله

اخوي ديمقراطي كلامك صحيح ولكن بالاضافه الى الكتب الرسميه في شي اسمه حملة تواقيع + تجمهر طلابي وتقديم احتجاج للجهات العليا والمسؤولين, لكن احنا كلنا نعرف ان الائتلافيه حبيبة العماده وماتسوي شي يضايقها حتى لو كان على حساب مصلحة الطلبه...
ثاني شغله, لو كان في تحرك ياخوي ديمقراطي, لازم الرابطه تنزل تصريح بالجريده او عالاقل تحسس الطلبه انهم فعلا قاعد يشتغلون ويتحركون من خلال النشرات والبوسترات وغيرها.. لان لو الموضوع مقتصر على الكتب الرسميه فقط لا غير جان صار مافي فرق لو خذت الرابطه التالف او المستقله او الوسط او غيرهم من القوائم وماكان في انتخابات بالاساس...
واخيرا اقول لو التالف عارفين نفسهم انهم ماراح يقدرون يتشغلون بالشكل المطلوب واللي يرضي الطلبه, ليش اقحموا روحهم وترشحو للانتخابات؟ الانتخابات مو فوز وخلاص! هذي مسأله ذمه وضمير ورب العالمين باجر بيحاسب كل شخص مسؤول بالرابطه والجمعيه لان الطلبه وثقوا فيهم وعطوهم اصواتهم عشان يخدمونهم ويذللون كل الصعاب اللي تواجههم , ولكن للأسف احنا اللي خارج كلية الاداب مو قاعدين نحس او نشوف اي شيء ملموس لهذه الرابطه البائسه فمابالك بطلبة الكليه نفسهم!!!...

ليس مستغرب دفاع عضو بقائمة الوسط الديمقراطي عن قائمة التآلف الطلابي و هناك تعاون مشترك لإطاحة القائمة المستقلة بين هاتين القائمتين والدليل الموقف الموحد لهم والدائم خاصة بعد إنجاز الغاء شروط التخصص الجديدة على دفعة 2005

بنت المستقلون
أنا كشيعي من المستحييييييييي ييييييييييييييي ييل أن أقف مع الإخونجية
فرجاءا لا تتهميني اتهامات باطلة
وإذا على قولتج آن أدافع عن الرابطة, فكلامي مافي أي دفاع
ويا بنت المستقلن شنو سوت رابطة الآداب السابقة الفاشلة بقيادة المستقلة؟؟؟

شكرا اخي على اتهامك لرابطه الاداب بقياده المستقله بالفشل هذا ان يدل على شيء فيدل على رقي اخلاقك (نتكلم من غير ما نشوف هذا اسلوبكم ) ...
تتهم الرابطه بقيادتنا بالفشل وتقول ان احنا بس قاعدين نتهم الرابطه بقياده التالف وتسمي هذا مو دفاااع ؟؟
انا بسألئك تقدر تقولي انجازات رابطه الاداب بقياده المستقله والرابطه بقياده التالف وتقارن بينهم عشان تأكد لي انك شايف الوضع قبل لا تتكلم ؟؟؟
وبعدين انا اهني الوسط والتالف على عقد قرانهم و ما نبي نشوف ذريتهم (الوسط التالفي ) ونتمنى لهم الطلاق قريبا ليرجع الوسط وسط ديموقراطي كما كان وترجع التالف الى امها الائتلافيه ... ومشكووورين ..
رادين للعرين ..

أنا أقولك شنو سوت أفا عليك :
1- الغاء مقرر الانجليزي 133 لدفعة 2005 ومابعد
2- قبول كل المقدمين على الإعلام ال101
3- فتح المرسم للطالبات
4- دورة مجانية للانجليزي 090
5- مهرجان ذوي الاحتياجات الخاصة
6- بيع تذاكر مخفضة السعر لمساندة المنتخب في قطر خليجي
7- إغلاق الكافتيريا للتجديد (بعد خسارة الرابطة السنة الللي وراها فتحوها كما إهيا والحين ردو سكروها)
8- التحرك على الاستراحة (انجاز التآلف هو التأثيث فقط)
9- فتح 20 شعبة بالكورس الصيفي .
10- تجديد السلالم للكلية.
11-فتح مصلى الطلبة والطالبات (ما اعتبره انجاز هذا واجب)

هذا اللي اعرفه واتمنى اللي يعرف يكمل :))

ياحبيبي يا ديمقراطي بذمتك هذي تسميها رابطة؟ احسن شي سووه بوفيه الريوق كان خوش صاج عندهم :p وبس ماكو شي .. وبعدين تعال ياللي تقول رابطتنا كانت فاشلة .. كافي تصريح رئيس الرابطة الحالي انه الرابطة اللي طافت اللي كنا ماسكينا كان لها انجازات محد ينكرها .. هذا كلام رئيسهم بعد شتبي اكثر من جذي ..

صح لسانج يا بنت المستقلوووووووو ووووووووووووون
والله حتى احنا بالتربيو ميتيييييييييييي ييييين
كيفان تلوع الجبد
لي متى هالوضع راس يستمر
كااااااااافي يا تالف كافي