سؤال صريــــــح....ل يش اخترت هذا الاسم لنكك؟؟؟ وبكل امانه

السلام عليكم ورحمة الله وبركاته

ابصراحه حبيت اسألكم وانا في خاطري هالسؤال
ابي اسالكم اياها وبكل صراحه ابيكم اتجاوبونه.. طبعا الفكره مقتبسه....

المهم سؤالي هو ليش اخترت هذا الاسم لنكك "العضوية"
وما اخترت غيره وبكل صراحه وامانه؟؟!!

مثال:
بنت المستقلون


المستقلون= اسم القائمة المستقلة في كلية الآداب قبل توحيد المسميات القائمة المستقلة سنة 2000


انتظر اجابتكم واتمنى التفاعل :aa_bounce:

انا اخترت وحش التجاري
لانه اي شي اسوي حق القائمة يقولولي وحش
عشان جذي حطيت نكي وحش التجاري = مستقلة التجاري نعم لي الفخر ان اكون مستقل

شكرا اخوي لتفاعلك مع الموضوع وشكرا على مرورك

وننتظر باجي الاعضاء ومشاركاتهم

اول شي اختي اميرة احب اشكر مرورج وانا اقترح عليج نك ( كايدة العزال انا من يومي ايوا آه) اطويل صح ههههههههههههههه ههههههههههههه بصراحة أن قالولي مغرورة يحق لج مستقلة

اختاري كلمة تعبر عن ولائج للقائمة - وافضل يكون انتي مخترعته لأن راح يكون قريب لج

امممممممممممم والله مشكلة

ترى لو انتي ما طلعتيه ماراح يعجبج اي لقب

انا اخترت مشمش :$ لانهم ينادوني بهالاسم :$

انا اخترت architect لاني طالب ادرس architecture
و الـ architecture في تعريف القواميس العربية هو مجال فن العمارة " و " هندسة البناء .. اي هو كل ما يحيط بالمدن و المباني من تخطيط و انشاء = تعمير ..

و للأسف في مجتمعنا الكويتي (( الذي يقدس مصطلح هندسة .. و الذي توارث هذا التقديس من المجتمع العربي المصري اثناء الثورات القومية )) لا يوجد مصطلح يعادل architect و الذي و ان جاوبنا بـ " معماري " اخرجونا بسببه خارج إطار الهندسة و وضعونا في اطار الفن و الرسم ..

و قد اخترت هذا الاسم كذلك كتحدي لاحد الاصحاب الذي يؤكد مراراً و تكراراً محاولاً للتثبيط من همتي بأني سافصل و ساترك الكلية .. فقد اخترت ان اوظف نفسي في المجال الذي ادرسه حتى اؤكد له انني مهندس معماري و لن اتنازل عن هذا اللقب ..

شكرا على مرورك اخوي معماري يا حبك للتحدي ...

انا اخترت هذا الإسم...."جئنا للنصر" لانه صج اهو سبب دخولي للمستقلة..
حسيت انه هالجملة وايد أثرت فيني..وطالعة من قلب.وكلها تحدي وإصرار.
باقولكم موقف بس يمكن ما تصدقونه,,,آخر انتخابات,ليلة انتخابات الآداب,كنا نايمين "6 من ربعنا" بديوانية واحد من الربع,وانا كنت ياي متأخر,خفت إني أنام وما أقعد حق يوم الانتخابات وانا مصحصح...وانا نوومتي شوي ثقبلة..والشباب معتمدين علي انا اقعدهم,فتوكلت على الله ونمت..
وانا نايم...حسيت انه فيه صوت قاعد يونّ باذني...صوت غريب ,الصوت قام يوضح...ولا صوت الأجراس!!!
إي نعم صوت الأجراس.والله سمعته وقعدني وأشوف الساعة ولا 4:45 الوقت اللي كنت ابي اقوم فيه.
لكن للأسف الشديد..خسرنا.. .
يللا كل طراق بتعلومة....
بعدين هذي الانشودة بالذات اهي اللي ألهمتني لكتابة بعض الكلمات المتواضعة عن المستقلة..واهي الانشودة الوحيدة اللي تشدني على الشغل بقوة.
كلمة حق.
وشكراً

في النهاية النك يعبر عن شخص داخلك أو شخصية هي مثال لك ...
مثل السلطان .. الملك .. الشاعر .. كتكوت .. كيكة .. الحلوة .. البطة .. الخ

انا للاسف غيرته من اسمي الى نك نيم !!
كنت حاطة اسمي لاني احب اسمي و افتخر فيه و انا انسانه واضحة و مو غامضة !
نك نيمي الحالي ..يعبر عني
سكوتي و صمتي ورااه اهااات .. وراه تجارب مريييرة .. وراه همووم
بلااك لانها صعب التعايش معها ... ليست بسوداء و لكن مظلمة !
وراء سكوتي عاصفة من افكار و كلمات !!
سكوتي يراه الغير ضعف و لكن من يعرفني عن قرب يراه قوة و يراه " تكتيك " لوول
افتخر بصمتي لانه يوما عن يوم يعجب و يصدم جميع من حولي !!

eng-mostaqil

eng : اختصار لكلمةengineeing , وهي تعني كلية الهندسه .

mostaqil : تعني المستقلة والقائمة التي انتمي لها وفكري وامي وحياتي .

بالنهايه انا

:aa_okik: مهندس مستقل:aa_okik:

القدساوية

تعبير عن تشجيعي الأبدي للنادي اللي أحبه

نادي شجعته من طفولتي و ما زلت اشجعه

انا اخترت هالإسم لإنه اسم موقع احبه :: خامووش . كوم ::

مشكورين على الموضوع

انا اخترت آدابية لاني من كلية الاداب ولاني احب كليتي واااااااااااااا ااااااااايد وافتخر اني انتسب لها :)

بصراحة مو انا الي مختارة نكي زميل لي مختاره واحنا حاولنا باكثر من نك ما ضبط الا هذا بس بعدين عجبني ورضيت بالامر الواقع :aa_flower:

والله لكل نك نيم حكاية وقصة عجيبة حياكم الله ومشكورين على المرور اخواني واخواتي الاعضاء وننتظر باقي الاعضاء

رفيجتي تقولي فوفو :p

MostaQiLL= صفه الشخص اللي ينتمي للقائمة المستقله بجامعة الكويت
eL-Dentistry= كلية طب الاسنان اللي ادرس فيه
so MosTaQiL eL-Dentistry مستقل طب الاسنان :P

الله يعطيك العافية يا مستقل طب اسنان وشكرا على المرور

نكي سهل مالحمدلله ما يبيله شرح فيصل = اسمي
arts : كلية الاداب اللي انا ادرس فيها :)

شفتوا شلون نكي سهل وبسيط D:

ترى بس نك نيمك يشيل معنى ثاني فيصل الآداب = انك الحكم النهائي لمصير الآداب وانشالله زرقا على ايدك وإيد اسود الحق

الله يعطيك العافية وشكرا على المرور

انا اخترت هالاسم اول شي ارفيجي قالي هلاسم يركب عليك Happy وبعدين فكرت لقيت ان عايلتي السعيد فيمشي عليه Al_happy

آدابي مستقلة : لاني طالبة بكلية الآداب , و لاني اعشق كليتي , و اعشق قائمتي

فاذا بنمشي على اساس المنطق نقول
احب الآداب
احب المستقلة
اذا آدابي مستقلة :p

و على الرغم انه قالولي نك نيمج فيه شوية غرور ( و اللي لي يومكم هذا مادري وين الغرور اللي فيه) ما غيرتة و لا افكر اني اغيرة ... آدابي مستقلة.. يدل على فخري بكليتي و قائمتي

اول شي يعطيج العافيه اختي على هالفكرة :)

طبعا سالفة نكي جذي بس يدل على الهويه مالتي بس الحين خليتيني افكر بعد ما اتخرج من التكنولوجيا يمكن اغيره :$
وشكراا بنت المستقلون

مستقله قائمتي
JAGUAR سيارتي :p

mostaqillaawi=ي عني المستقلة قائمتي و وي = انا

الله يعطيكم العافية على التفاعل الحلو مع الموضوع واشكركم جميعا على المرور والله يعطيكم العافية مرة ثانية

انا مستقل الفكر لاني احب المستقله وكل واحد بالمستقله يكون فكره مستقل لان احنا مستقلين ما ننتمي حق الاحزاب ..هذا السبب الاول
اما السبب الثاني فهو اني احب اغنيه قد حان لنا الي فيها مقطع (مستقل الفكر هذا منهجي اكتب الحق وترويه السنين من شعاع الشمس هيا انسجي فكرنا فاننا نبض اليقين )
لهذه الاسباب انا مستقل^الفكر ...

انا اخترت جامعية لاني بالجامعة
واصلي عيمي :)

اسم نكي عاشور لأني متعود عالصراحة المطلقة:aa_toun ge:

شخصيا انا اعتز بنفسي قبل اسمي وبما انه غريب وقليل ما الاقي اسم بنت مثل اسمي (سهام)
والكل يسالني عنه وعن معناااه
وانا شخصيا اكرهه بس علشااان انا اعرف شنو سهااام واحترم سهااام كقيمه وكاشخص اكثر من انه مجرد اسم
واخترته in english languages
بحكم دراستي بالجامعه كلهاenglish

Al_Shai_Ji

واضح ماله داعي اقول ...اسم العايلة : الـــشايــجي :)

و الكل يناديني الشايجي ... :):) و اسمي حلو :):):)

بهالمناسبة احب اعطيكم نبذة بسيطة عن الاسم :

انا لما سألت عن معنى الاسم لقيت الاجابة وايد عاجبتني .. كلمة الشايجي أصلها شايقي ..

الشوايق هم الأجداد الأوائل لعايلة الشايجي .. و أتى هذا الاسم من كلمة الشوق

شكرا .. و سوري على الطوالة :)

frozen tesrs
الكل يسأل اشمعنه فروزن تيرز وشهالنك الغريب
طبعا اهو معناته بالعربي الدموع المتجمده
بس مو هذا المقصود منه مقصود منه الدمعه لاصارت حايره بجنفك وحسيت انك بتبجي
وتبي تبجي بس مو قادر كرامتك وعزة نفسك ما تسمحلك دمعتك ما تخطي ارموشك
وتجف قبل لا تطيح على خدك
اهني تصير دمرعك متجمده حايره بين تطيح وتريح قلبك من الالم وبين انها تظل وما تنزل وتجرح كبريائك وشموخك
: this is FROZEN TEARS

أنا اخترت GENTLE WOMEN
وطبعاً اغلبكم يعرف معناه .. يعني المرأة اللطيفة الرقيقة المهذبة ...
وأنا أشوف بنفسي كل هالصفات طبعاً ... بالاضافة إلى ان نكي بالهوت ميل والماسنجر من عمر GENTLE WOMEN فمتعوده عليه وأحبه وايد ...
طبعاً أول ما سجلت بالمنتدى كان نكي مستقلاوية حتى النخاع واكيد هالنك يظهر مدى عشقي للقائمة المستقلة وتمسكي فيها وبالنسبة لي أهو رد على كل من حاول يقنعني من القوائم الأخرى بتغيير القائمة اللي انتميلها واللي اهي المستقلة ومحاولتهم بالتشكيك فيها بكل الأشكال واقناعي بالانضمام لقوائمهم ...
طبعاً وجدت تشابه كبير بيني وبين عضوة ثانية بنفس النك بالضبط ما عدى ان مستقلاويه كانت بهالطريقة كاتبتها يعني اخرها هـاء مو تاء مربوطة ...
فحبيت اغيره لهالسبب بس لأنها يمكن تكون ماخذة النك قبلي ومو حلوة اثنين يكونون بنفس النك لان باقي الاعضاء ما راح يميزونّا عن بعض ... وتحياتي لها طبعاً واتمنى انها تظل عليه وما تغيره ... :aa_winkee:

انا إخترت نور لأنهم ينادوني جذي

على فكرة أنا اسمي نورة بس ينادوني نور

مستقلاويه اسم منسوب و المنسوب اليه هي القائمه المستقله
و النسب دليل الارتباط الوثيق فليس للأنسان ان ينسى من ينتمي اليهم ...

انا همي بدا فيني واظني بنتهي وياه &&& كذا اسمي رفيق الهم وكذا همي وغربالي


رفيق الهم

أنا اخترت نكي على شعار المنتخب الي أشجعه بكره القدم :):) هولندا