مشاهدة النسخة كاملة : ليكن نجم الخليج ((كويتي))
إعلامية 25-05-2006, 04:43 AM تميز الفنان الموهوب عبدالله الزايد بالموهبة المميزة الذي نفتخر انه يمثلنا الآن في برنامج نجم الخليج الذي يذاع في قناة دبي الفضائية وذلك بعد شهادة الفنان القدير عبدالله رويشد ...
بقى اسبوعين كي يصل للتصفيات وهو يختاج تصويتكم الآن....
للتصويت للمشترك عبدالله الزايد من الكويت في برنامج نجم الخليج و الذي يبث على قناة دبي الفضائية يوم الأثنين من كل اسبوع في الساعة 9.30 مساء.
يرجى ارسال رسالة SMS تضم رقم المتسابق حسب ظهورخ بالحلقة على الأرقام التالية:
الوطنية:1564
الاتصالات:98890
(رقمه لهذا الاسبوع = 4 ) :aa_thanks:
C.S.S _ GiRL 25-05-2006, 08:27 PM بالتووفيق انشالله
ويارب يرفع راس الكويت :)
farfoOr 26-05-2006, 12:13 PM موفقق انشالله
انشالله يرج واهو الفايز ويرفع راس الكويت علي
:)
إعلامية 26-05-2006, 02:36 PM شكرا على المرور
بس والله يبي يوقفكم هالله هالله بالتصويت له الولد موهوب ويمثل الكويت
نراهاتقترب 26-05-2006, 08:03 PM مع احترمي فهو ما يمثل لكويت
اهو يمثل نفسه لانه اذا نجح راح ينجح بروحه وياخذ الجائزه بروحه ويغني بروحه
على العمو بالتوفيييج لكل المتسابقين
نونه العنونه 27-05-2006, 02:22 PM امبلا قاعد يمثل الكويت
اذا فاز راح يقولون الكويتي فاز << فيها تمثيل حق البلد
و بالتوفيج مع اني ما اتابعهم
إعلامية 27-05-2006, 02:46 PM بليز تابعوا البرنامج وصوتوا للولد ترى الولد موهوب وانا ادبر لكم توقيعه هههههههههههه
نراهاتقترب 27-05-2006, 08:21 PM مع احترامي حق جميع وجهات النظر
عندي سؤال
اذا فاز راح تتحرر القدس
اذا فاز هل راح ادش الجنه
اذا فاز هل سيزيد حسناتي
اذا فاز بسببي راح تزيد سياتي لاني ساهمت بفوزه
اذا خسر ما راح ينزل الدينار الكويتي
اذا خسر ماراح فهذا ما يعني ان الكويت ضعيفه
اذا خسر ما راح يزيد حقد الطامعين ويهجمون على الكويت وتتكرر حادثة الغزو
اذا فاز بسببي فانا راح ادفع فلوس من جيبي ولهو اللي يستقبلونه في المطار وانا قاعد ببيتنا
عرفتو كيييييييييف؟
أحمد السلامي 27-05-2006, 10:15 PM إن ربح أو خسر ما الجديد يا ترى؟
هو موهبة فنية في الغناء والطرب ، هل هذا يعني إنه قدم شيئاً لمجتمعه؟
هل قدم شيئاً للمجتمع الخليجي أو العربي أو الأمة الإسلامية؟
هل رحل من الكويت إلى الامارات سعياً منه لتحرير الجزر الإماراتية مثلاً؟
أو إنه ينوي تحرير فلسطين؟
هو رحل من أجل الطرب والغناء والشهرة
شرعاً لا يجوز التصويت له ولكل من هم على شاكلته لأن بالتصويت له ندعم (الفساد) وهو لا يستحق منا حتى النظر إليه، لأنه يعصي الله!
ماذا لو استخدم صوته في ترتيل القرآن وأصبح قارء قرآن ومنشد إسلامي كالشيخ مشاري العفاسي؟
لو تمهلتم قليلاً وراجعتم أنفسكم لعرفتم الحق من الباطل ولعرفتم أن ما تروجون له باطل!
Shaymaa 27-05-2006, 10:22 PM أكره مثل هذه البرامج اللي لا تجدم ولا تأخر
و مستحيل اني اشارك بالتصويت فيها لاني مستحيل اتابعها!
بعد !!!
ورا سوبر ستار حطولنا ستار اكاديمي .. والحين نجم الخليج !! :/
والله عيب .. شنو يمثل الكويت ؟؟؟ لا يبا مايمثل الكويت ! ولا نرضى بأن يمثلنا مغني !
الاخت تقول :
امبلا قاعد يمثل الكويت
اذا فاز راح يقولون الكويتي فاز << فيها تمثيل حق البلد
من قام بأختياره لتمثل الكويت ! .. الامير ؟ ولي العهد ؟ ولا وزاره الدنبكه والايقاعات ؟!؟
بليز تابعوا البرنامج وصوتوا للولد ترى الولد موهوب موهوب ؟ صوته جميل ؟ على عيني وراسي ... لكن اذا يستخدم موهبته في معصيه اصوتله ؟ اذا يبي ينشد ولا يقرى قران والله انكون أول من يقف لجانبه ... برامج مثل هذه سخيفه وليس لها هدف غير اشمئزازنا ... ناقصين مغنيين ولا راقصات ! وشكرا
نونه العنونه 28-05-2006, 12:19 PM ولييي لا تصيرون مادري شلون انتوا
يعني كلش انتوا ما تسمعون اغاني ؟؟
و اهو قاعد يمثل الكويت من الناحيه الاعلاميه و من الناحيه الفنيه
شنو ؟ شلون انصير بعد !!!
أختي خلاصه الكلام ان هل شخص ليس ممثل للكويت ...
اذا كان ممثل فمن قام بختياره ؟
اذا كنتي تبين اتصوتيله هذا الشي راجعلك .. ويعتبر حريه شخصيه ..
وشكرا
نونه العنونه 31-05-2006, 05:58 PM Lake
يعني الحين بالله عليك الطلبه اللي يدرسون بره لازم احد يختارهم علشان يمثلون الكويت ؟؟؟؟
اللي يدرسون بره منو مختارهم ؟؟
اهم اللي اختارو انهم بيمثلون الكويت
وبعدين انا قلت اهو قاعد يمثل الوسط الفني بالكويت
يعني قاعد يمثل الكويت
Shaymaa 31-05-2006, 06:15 PM مقارنة فاشلة مع احترامي..
الطالب مثل اللي رايح يشارك ببرامج غناء ؟؟
سماع الاغاني يعود للشخص نفسه و من يسمع الاغاني يمثل الكويت بسماع الاغاني؟؟
يمكن عاطفتج قادتج للتصويت له لان من الكويت لكن هذا لا يعني انه يمثل الكويت
نراهاتقترب 31-05-2006, 06:28 PM صحيح هذي ضاهرة خطيره لازم نوقف عندها
شركات الانتاج اللي تسوي هلبرامج شنو هدفها الاساسي
هل ابراز الموهبة المكبوته في كبد الزمن المرير
لا
هدفها التربح من وراء هذه النزعات البغيضة والتي هدمت فينا روح العدل
وانا وولد عمي علغريب
ترى الوطنية ماتكون بالتصويت لمغني لن يقدم ولن يؤخر مسيرة التنمية الاقتصادية والسياسية لدولتنا الحبيبه
يعطيكم العافيه على الردود ..
وماقدر أزيد غير ان التصويت حريه شخصيه ... لكن نتمنى عدم التصويت ...
وشكرا
|