السلام عليكم


بخصوص الخمس دوائر..



حنا المعارضين .. نقولها وامس قلناه امام الجميع مع التعديل للدائره الوحده ..

مع التعديل للخمس للعشر للي يصير لكن تراعي العداله وعدم التفرقه بين المجتمع الكويتي ... هل قلنا شي غلط .. كلامنا يزعل ..:aa_shake:




لكن انتم كقائمه مع اتحاد الطلبه والخ

مع كل احترامي لكم اشوفكم تمشون باتجاه ماتدرون عن هوى داركم .. :aa_cool2:

اغلب ممثلي الطلبه بالكويت اذا مو كلهم ..


نبيها خمس .. نبيها خمس .. نبيها خمس ..


وبعدين ! شنو هالشعار !

هل انتم مع الخمس الظالمه ... هل انتم تمييزون بين الشعب الكويتي


شلون تركضون وراء دوائر خمس !

غير منصفه غير عادله غير مدروسه حتى للمستقبل ..


شلون تمشون وراء دوائر هي نفس مخرجات ال25 اللي انتم ماتبونها ..لنها طائفيه - قبليه وهي كذلك بالخمس ..


لكن هالمره زاد عليها انه طبقيه بظلم اهل المناطق الخارجيه اغلبيتهم ... :aa_ayshay:



يرضيكم دائرة فيها اكثر من 90 الف ولهم 10 نواب

ودائرة اخرى 30 الف ولهم 10 نواب

هل هذا الاصلاح .. هل هذا قضاء على الفساد ..

كأنكم تقولون انه اهل الدائره 90 الف لايستحقون اكثر لنهم مصدر الفساد .. لكن بطريقه ذربه :aa_kaaak:

حتى مستقبلن ..

حنا دوائرنا المناطق الخارجيه .. فيها مشاريع اسكانيه حديثه .. يعني مرشحه لزياده السكانيه اكثر من الحين .. بالمقابل مناطق داخليه هي مناطق لايوجد فيها مشاريع اسكانيه اصبحت جامده بل انه مناطق هجره اصبحت ... يعني احسبوا حساب ابنائكم واخوانكم واحفادكم مستقبلن .. :aa_trs:



توزيعكم اللي تقولون يقضي على القبليه ..

جذببببببببببببب بببببببب ... دائرتين كلهم قبايل .. ماراح يطلع منهم الا ابناء القبايل ... يعني لاتتوقعون ينجح دنماركي بهالداوئر ! لاااااا دوائر قبليه .. ابن قبيله وبس شعارها :aa_cup:


وايضا دائرة اغلبها شيعه ... يعني لاتتوقعون ينجح بهالدائره هندوستاني ! اللي راح ينجح شيعي ..:aa_clab:


غير الدائرتين الثنتين الباقيات مابي اعلق عليهم .. :aa_knock:






لكن انتم قائمة المستقله ... مو انتم كويتيين مو كلكم سواسيه مو كلكم من كل الشرائح ودارسين ماشاء الله وفاهمين واعتقد ناجحين بالرياضيات سواء من تضبيط الدكتور او من قدراته العقليه فأكييد تعرفون العدد انه 90 الف مايساوي 30 الف :aa_breakfast: ..


ليه صرتوا مع هالمصخره اللي صايره ... دوائر غير منصفه دوائر نفسها قبليه طائفيه ! لكن الهدف اخر ! لا ادري ماهو ولكن ماتمناه سيئ ...



بالاخييير ..


انتم ماشين ولاتدرون شنو الطبخه وغيركم من القوائم والاتحادات .. ظلمتم فئات بالمتجمع الكويتي ! :aa_Sharry:


وله اتحدى افهم واحد فيكم


يطلع ويقول انه هالتوزيع ابو خمس دوائر منصف .. ويحط عدد كل دائرة ونوابه ويذكر سبب الانصاف ! (((بحط نفسه بموقف بايخ ويقعد ساعه يقول أأأأأأأأأ:aa_ha ppycry: ))


او يطلع ويقول شلون هالتعديل يحارب القبليه والطائفيه .. وهي نفسه دوائر قبليه وطائفيه :aa_Sharry:


اذا بقول انه ظالم لكنه افضل من ال25 .... اقوله مابني على باطل فهو باطل




وسلامتكم والله يوفقكم بكل خير للهوطن الحبيب

والله كلامك عين العقل اهنيك على الموضوع

قلناه امس ..


لو نقلص الدوائر ويكون فيه فارق 5000 او 10الاف بالكثير بالخمس .. مو مشكله ..


لكن دائرة ضعف الاخرى او 3 اضعاف الاخرى ولا توزيعه الجغرافيا يوحي بالتفرقه وانها مقصوده مانرضاه

+

مانرضى انه يكون شعار التعديل يقولون يحارب القبليه والطائفيه وهو نفسه يكررهم بالخمس دوائر ... لاتنهى عن فعل وتأتي بمـــــــثله ...






الحل الامثل


الدائرة الواحده ..

ستجمع كل الكويتيين

راخ تعبر عن راي كل الكويتين

ولا قبيله بتجرئ وتسوي لها قائمه لنه القبائل بتكون اقليه بهالوضع ..

+

راح الكل يتسابق لقوائم مختلطه .. بدوي حضري سني شيعي والخ .. لنه لهم فكر وبسعون لنجاح لتطبيقه .. سواء مستقلين اسلاميين علمانين الخ الوكاد انهم راح يكونون من كل او اغلب الاطياف الكويتيه ... هني راح تقل العنصريه الطبقيه والقبليه بكل تأكييد ..


صج انه تفتح مجال للاحزاب والى مصير مجهول للوطن ...

لكن عشان نسكت الكل اللي يتهمنا بالقبليه او الطائفيه .. انه خلينا دائرة واحده مصيرها بيد كل الكويتيين ..




ليه اصحاب الخمس ماقالوا نبيها وحده ! مو افضل التقليصات مو تجمع الكل ..


بقولون غير دستوريا والخ ... لايكون هالتوزيع ابو خمس دوائر اللي سوه بعض النواب بينهم .. يراعي الدستوريه ! لو يراعي لما اعترضوا هالنواب على احالته الى المحكمه الدستوريه اللي كلنا اذا اختلفنا ككويتيين نحتكم لها ... هذا الدستور حطوه مؤسسين الدوله الحديثه وانصفوا كل الشعب الكويتي ..


وهالماده خير دليل


مادة 7

العدل والحرية والمساواة دعامات المجتمع ، والتعاون والتراحم صلة وثقى بين المواطنين .

مادة 8
تصون الدولة دعامات المجتمع وتكفل الامن والطمأنينة وتكافؤ الفرص للمواطنين








مادة 29
الناس سواسية في الكرامة الانسانية ، وهم متساوون لدى القانون في الحقوق والواجبات العامة ، لا تمييز بينهم في ذلك بسبب الجنس او الاصل او اللغة او الدين .




مو هذا دستورنا .. مو هاذي العداله ... :aa_glaSs: اذا ماتبونها غيروها بعدين فكروا تغييرون بتعديل الدوائر على حسب مشتهاكم لنه لحظتها بكون لن يحمينا الا الله وهو حامينا الدائم نحمده

اخوي عاشق الكويت ..

القائمة المستقلة .. هي اول من دعت للدائرة الواحدة في عام 2004 عندما كان الجميع يتكلم عن العشر دوائر ..

و نحن نقولها بصوت جهور .. الاولوية للدائرة الواحدة فالخمس فالعشر ..

قضية التقسيم تأتي بعد تأييد مبدأ التقليص .. و مثلما تفضلت يجب ان يراعي التقسيم دعامات المجتمع ..

تحياتي ..

الأخ عاشق الكويت...

أي تقسيمة ممكن يكون فيها عدالة و ممكن يكون فيها ظلم....

25, 10, 5, و حتى الواحدة إذا ما روعي عدد أصوات الناخب ممكن يكون فيها ظلم!

موضوع التقليص لا علاقة له بأي عدالة... بل هو تنظييييييييييف للإنتخابات! حكومتنا الرشيدة في كل انتخابات تأتي بالملايين لتوزعها على "خدمها المخلصين" من "نواب الخدمات و المعاملات و الواسطات" عشان تدلعهم و تشتري لهم الأصوات اللي تنجحهم... هذا رقم واحد "شراء الأصوات"

رقم 2... و على طاري مواد الدستور إللي أشكرك جزيل الشكر أنك تفضلت بوضعها... هل تؤيد الفرعيات التي تنسف مفهوم المساواة؟ الفرعيات صعدت ولا نزلت ما لها محط رجل إذا توفر عندنا شيئين... تقليص الدوائر + تقسيمة منصفة

أتفق معك بأن التقسيمة المطروحة غير عادلة... و لكن إسمح لي، نعم نبيها خمس و رجاءا لا تخلطون ما بين التقليص و التقسيمة... التقسيمة محتاجة دراسة ديموغرافية و دراسة إجتماعية لإستخراج صيغة منصفة لها... بينما التقليص بالمنطق سيقضي على الفساد... أو بالأصح سيخفف من حدته.

تحياتي

architect


حلووووووووو كلامك .. حنا نبي الخمس العادله ..

مابي احس انه الكويت في ناس اصلييين وفي ناس اي حاجه! مالهم احترام ..

ناصر المطوع


لكن نريد تقسيم اقرب للعداله .. مو مثل هذا اللي حتى الغير كويتي يعرف انه فيه تفرقه اشكره واضضضضضضضضضضضضض ضضحه .. الا الظالم يسكت لنه وده تمشي لمصلحته :aa_cool2:




رقم 2... و على طاري مواد الدستور إللي أشكرك جزيل الشكر أنك تفضلت بوضعها... هل تؤيد الفرعيات التي تنسف مفهوم المساواة؟ الفرعيات صعدت ولا نزلت ما لها محط رجل إذا توفر عندنا شيئين... تقليص الدوائر + تقسيمة منصفة



لا أويد الفرعيات والقانون يجرمها مثل مالدستور يقول العدل والمساواه .. لكن اي مبدئ التشاور العلني الغير قبلي .. يعني من الجميع ويتفقون على شي بينهم



أتفق معك بأن التقسيمة المطروحة غير عادلة... و لكن إسمح لي، نعم نبيها خمس و رجاءا لا تخلطون ما بين التقليص و التقسيمة... التقسيمة محتاجة دراسة ديموغرافية و دراسة إجتماعية لإستخراج صيغة منصفة لها... بينما التقليص بالمنطق سيقضي على الفساد... أو بالأصح سيخفف من حدته.









اشكرك على اعترافك انها غير عادله ... وهي غير عادله بتاتا .. :aa_shake:



بس بسئلك اخوي ..


شرايك نخلي هالخمس مثل توزيعكم للمناطق .. لنه انتم تقولون هي تحارب الفساد ..

بس ها .. نخلي حصص النواب حسب الكثافه السكانيه ...

يعين ابو 90 الف ناخب ياخذ مثل حصة ابو 30 الف .. 3 مرات :aa_Sharry:


ترضونها :aa_cool2:

نفس الشي اخوي عاشق لكويت , بالدائره ام 90 الف اللي تقريبا تشكل محافظة الاحمدي واللي تشتهر بالقبليه , اذا عطيتهم على حسب عددهم راح يزيدون نواب القبائل , لكن انا عندي تساؤولات وياليت العموم ينورني فيها:
1- بتوزيعة الخمس دوائره , اشمعنى محافظه العاصمه تقسمت لدائرتين؟ محافظة الاحمدي دائره؟ ومحافظة الفروانيه والجهرا بدائره وحده؟ وحولي بدائره؟ يعني يسمحولي بس اهل محافظه الفراونيه والجهرا والاحمدي مايفتهمون ولا شنو بالضبط؟
"اعتقدت ان عدد سكان محافظه العاصمه وحولي اكثر لكن كلش ماتتصدق وحتى لو كانوا اكثر, محافظه الاحمدي والجهرا قابله للتوسع مع المستقبل نظرا للتطور العمراني لكن حولي والعاصمه والفروانيه مستحيل يزيد عدد ناخبينهم بنفس نسبه زياده عدد ناخبين الاحمدي والجهرا"
2- شنو المانع اذا مثلا دشت منطقه القرين وجابر العلي بالدائره اللي تحتوي على اغلب مناطق محافظه حولي اذا كانوا فعلا ينوون القضاء على القبليه والطائفيه!
3- شنو المانع اذا دخلت منطقه من مناطق محافظه الجهرا مع الدائره اللي فيها الضاحيه والشاميه والصليبخات؟ ولا عشان لصليبخات بمحافظه العاصمه؟ ترى مابينها وبين مناطق الجهرا الا ثلاث خطوات!!
تأيدوني ان التقسيمه هذي انحطت بيوم وليله وباقل من 10 ساعات؟ تقسيمه ماتدش العقل كلش , قاعد احاول ارقعها ابالي بس ماكوووووووووووو وو فايده ياناس!!! عيني عينك!!!

كل من يراى ان المساواه مع دائره معينه ...

الدائره الواحده هي العادله 100% لكن يجب التنازل .. هذي سياسه .. مو عناد ...

شكرا

MostaQiL eL-Dentistry

والله كلامك عدل ..

القصد واضح مناطق ! المناطق الخارجيه باغلبيه البدو اخر اهتمامهم ! بحاربون القبليه بطريقه سيئه ! بانه يظلمهم ..

حنا ضد القبليه ! لكن لابد تقتنع انه عاده بشريه اصبحت .. ولايمكن محاربتها بالظلم .. بالتوعيه والارشاد الصالح ... مو تحقرهم وتقلص مناطقهم ..


وايضا سؤال اخوي ..

ليه المناطق الخارجيه ايضا غير منصفه بالتوزيع .. 90 الف ناخب .. والمنطقه الداخليه 30 الف ..




اخر شي يقولون قبليين وعنصريين !


منهو العنصري الحين .. اللي يقسم الكويت جذي او اهل المناطق الخارجيه :aa_wah:



خلوها دائره وحده وريحونا من توزيعاتهم الطبقيه والعنصريه :aa_knock:

على فكرة تكنسلت الخمسه ! خونوا بعض اهل الاصلاح !
شفتوا شلون هذول اصحاب مبادئ !!!! كلن له لعبته

بالبداية ألف شكر على الموضوع .. ولو انه انطرح بطريقه مادري شلون صايرة

بس أهم شي بنتخلص منه مع ال5 دوائر اهي الانتخابات الفرعية اللي مالها داعي ..

بس اللي صج خايفين منه مع ال 5 دوائر .. ظهور الأحزاب .. لأن لو صار في مجال للأحزاب راح تزيد المعمعة بالديره .. وهذا اللي ما نبيه ..

وماعتقد تجربه الدول الحزبية مشرفه بهالموضوع .. فأغلب الدول الي فيها أحزاب فيها مشاكل لا لها أول ولا تالي ... ولبنان أكبر كبير وغيرها من الدول العربية ..

تحياتي ..

السلام عليكم ... أختي الكريمه الشايجي ... الاحزاب هي أفضل طريقه لخوض الانتخابات على الصعيد الدولي .. فمن خلالها تحدد الدوله هويتها الفكريه ( كل حزب له توجه فكري معين ) بدل من التركيز على لبنان كمثال على الدول التى تعطي الحريه لانشاء الاحزاب في دول كثيره لولا الاحزاب لما قامت بالتطور وانصاف الحقوق .. أكبر مثال الولايات المتحده وبريطانيا ... على فكره ليست الاحزاب السبب الرئيسي التى ادت الى تدهور الحاله في لبنان ... ( تدخلات خارجيه على لبنان ؛) ) .. اما عن دول عربيه أخرى ... عطيني دوله ديمقراطيه ( مثل الكويت ) وفيها احزاب حقيقيه ؟الاحزاب ستساعد على سرعه تطبيق القوانين في حاله حصول الحزب على الاغلبيه ... وايضا يساعد على ظهور نواب اصلاحيين في مناطق للاسف اما قبليه أو طائفيه .. فوائد الاحزاب كثيره ... لكن ليس لها فائده داخل اسوار الجامعة ... وشكرا