السلام عليكم


وصلني ايميل :aa_bigsmile:


قاعدين ينصبون علينا واحنا ولا عالبال

service charge

قانون يديد بالكويت من حماية المستهلك ان السيرفس تشارج ممنوع باي مطعم عندنا وفي قرار معمم على المطاعم انا شفته بعيني ان مايحق لاي مطعم ان ياخذ من الزبون غير سعر الطعام اللي ياكلة المحدد سعره بقائمة الطعام لازيادة ولا نقصان يعني بالكويتي ماياخذون منك الا سعر الاكل اللي كليتة ماكو شي اسمه سيرفس واذا بتتأكدون بنفسكم اتصلوا على رقم حماية المستهلك135وسأل وهم بنفسكم



على فكرة انا جربت هالشي مع عده مطاعم بالكويت واهما تشيليز0 واسابي0 روبي تيوزدي وشالو عني السيرفس اهما خامرين قالو شكلهم اللي يتكلم نشيل عنه واللي ما يتكلم تقزر عليه





انتو ماعليكم الا تنادون المدير اللي بالمطعم وتقولون له ان السيرفس ممنوع بالكويت والمفروض انك تشيلة من الفاتورة واذا ماشالة قولة عطني كوبي من الفاتورة ودق على 135 قولة اسم المطعم وبأي منطقة واهوا يقولك وين تروح تقدم الفاتورة ويخالفون المطعم ويتسكر اذا كثرت شكاوي السيرفس

فخلونا ايد وحده لان في هوامير بالديرة قاعده تنصب علينا

وكل هاللوية عشان احنا ندفع اجر العمالة اللي بالمطعم من خلال توزيع السيرفس عليهم واحنا ندفع سيرفس ونحط بقشيش الظاهر حسبالهم ان مفطومين نفط والمسألة مو مسألة دينار ولا دينارين الحمدلله احنا ديرة نعمه بس لازم يكون بالحق




منقول حرفياً من ايميلي

نعم .. ولله الحمد إحنا في ديرة؛ الخير من كل صوب ياي لها ومفعمة بالخير والدلال .. و إحنا مو من واجبنا إنه إحنا نصرف عليها كافي إنه إحنا بالأساس نعاني من بعض القصور إلي ما يحتاي إلحين نذكرها - الكل أدرى بها - وفوق هذا لازم نستقطع من معاشاتنا ونصرف عليها .. إيه صح ممكن يقول الواحد هذه ديرتنا واشلون بتخلص لها .. الإخلاص مو بهالطريقة ..الإخلاص لا يعني بكل الأحوال " المادة " وليدرك الجميع ما أقول ؟! وشاكرلج الطرح ..

عدل عدل زين يسووف فيهم

البوق صار عيني عينك واحنا نسكت وجان زين ما يوقفون عند هذا الحد وبس

لو يشوفون الاشياء ال2 بعد

اي عدل مو على دينار ولا دينارين ،ياخذون اكثر عشان السيرفس ،، ولا بعضهم مو كفو الفلس نفسيه وخدمتهم مو حلوه ،،

وزين يسون .. اليوم همجه باجر همجتين !!

ونصير حال حال باجي الدول ،، والله اذكر اخر سفرتي لدبي حرقونا حراق المطاعم :aa_frwon:

ويعطيج العافيه ..

حجية ستروبري ,,, شكراً عالمعلومة ,,, بس مستر كاريك امنزل هالموضوع بعد :aa_kaaak: لي هالدرجة السالفة حارتكم لوووووووووووووو ووول

برينسيسوو ايييي عرفت منو دازله الايميييييل

ههههههههههههههه ه


اي والله انا الصراحه تحرني

والله مره انا و رفيجاتي رايحين واحد من هالمطاعم ولا الباجي ربع دينار

صج انه طول على ما يابه بس قعدو يقولون لي يالله علىربع بتنطرين

والله ما طلعت الا وانا ماخذته


بروحهم ماخذين دينار و شوي :aa_shino::aa_s hino::aa_shino:


مو كفووو

و سيرفسهممثل ويهم


لي بغيتيهم ما اييون لج و لي ما بغيتيهم يوولج

عدل كلامج ستراوبري ..
احنا موعيزانين على الدينار والدينارين ..
بس لازم بالحق يكون هالشي ..
وجان زين على سنع.. السيرفس مالهم مثل ويهم
ولا في ضمير بشغلهم..
وإذا سكتنا بيتمادون :aa_frwon:..

يبــطون الجبد
ماادري شايفيــنا مقصه
وكويتين تحت كل بيت منهم نفط!
يعني الحمدالله احنا ديرة خير
ومانستخسر نعطيهم
بس الواحد لي بغى يعطي اهو بنفسه يعطي
مو بوق وانقص عليه !


شكرا عالتنبيه حبوبه
فعلا محتاجين انوعي بهالشغلات عشان محد يقص علينا