(88+) Mr_7qoqi
05-05-2006, 04:36 PM
(((اعتداء وضرب ليس بين القوائم كما نراها عادة انما هي سابقه لأول مرة تحدث في جامعه الكويت))) ... حيث استنكرت القائمه المستقله بكليه الحقوق ما قام به موظفوا الامن والسلامه الذين لم يوفروا الامن السلامه لطلاب جامعه الكويت ... حيث اعتدى عدد من موظفوا الامن والسلامه بكليه التربيه على طالبين من كليه الحقوق بالضرب دون تدخل من المسؤولين اثناء توجههم لمقابله استاذ شريعه منتدب بكليه الحقوق حيث رفض موظفي الامن والسلامه دخول الطالبين بدون هويات جامعيه رغم وجود الهويه مع احدهم و وجود بطاقه مدنيه مع الاخر لكن رفض موظفي الامن والسلامه دخولهم وتعنتهم واصرارهم على منع الطلبه من الدخول والاعتداء على الطالبين امام الجميع .... ( موظفوا الامن والسلامه تحولوا الى بلطجيه بجامعه الكويت )
eng-mostaqil
06-05-2006, 03:22 AM
انا اقول انه الامن عمرهم مايغلطون بس تلاقي هالشباب اهما الي قايلين شي غلط ومتحرشين فيه ويمثلون دور البرئ
كلنا عيال قرية وكلمن يعرف اخية
مو كل من قال انا برئ صار برئ , ماكو اكثر ناس يحترمون الطلبة كثر الامن حتى اكثر من الدكاترة :)
للعلم .. ان الامن في التربية يطلب من أغلب الطلبة البطاقات الجامعية ...
مادري شفيهم وايد خايفين على الكلية ..
أما عن الطلبة .. بماهي غريبة .. واحد كافي خيره وشره قالة اعطيك البطاقة ويبلك الجدول ..
لا تنسون ياشباب الاسلوب الى يتعاملون في الامن مع الطلبة أيام الانتخابات ...
واقعة غريبة لكن معقولة .. ومايشوفون شر
وشكرا
MostaQiL eL-Dentistry
07-05-2006, 12:22 AM
اذا كان موظفي الامن والسلامه يطلبون البطاقه الجامعيه فذلك من حقهم كموظفي امن...
واتوقع ان اغلبهم يعرفون طلبة الكليه واذا شافو واحد شكله يديد وطلبو منه الهويه مافيها اي شي بالعكس هذا شي زين ويريحك لان اي طالب منا مايتمنى ان كل من هب ودب يدش الكليه واهوا مو جامعي بقصد الفراره وماشابه ذلك...
بس مربط الفرس, الحق معا منو مادري!
(88+) Mr_7qoqi
09-05-2006, 01:53 AM
للعلم ان الشباب انا اعرفهم شخصيا و ربعي .... واول ما صارت لهم السالفه رحت لهم بوقتها وصج واحد من الشباب كان طايح و وديناه بسيارتي الاميري ....
وللعلم ان واحد من الامن اهو الي مسك صاحبي من ايده وقاعد يسحبه ويقوله ( مش حتخش ) وينط الي بالكشك ويقول حق صاحبي ( انت عبيط ولا تستهبل ) وصراحه ان الواحد ما يرضى بالاهانه جدام الناس صح ولا لأ ... ؟؟؟
عاد صاحبي راحله وقاله لا تعلي صوتك واحترم نفسك واحترم المكان الي انت فيه ... بعدها صار شد بينهم وبدوا بالطق كانوا 3 صاروا 11 وربعي كانوا 2 .. مو معقوله 2 يطقون 11 !!!!
وبالنسبه للأخت اميره المستقله كل الي قاله المصري مو صج وخصوصا سالفه المخفر وانهم ترجووه يتنازل ومن هالحجي .... انا كنت معاهم بالمخفر والشباب ما تنازلوا الا بعد ما تنازل ( مسكين علشان لا يقطعون رزقه ) المصري بالمخفر تهزأ 4 ضباط هزؤووه اهو مع باقي الامن الي طقوا ربعي ليما تنازل ...
وبالنسبه بأن مو متخيله مصري يطق كويتي ... الحين المصاروه قاويه شوكتهم وما يردون على احد وخاصه امن الجامعه كل واحد نفسه بطرف خشمه اللهم القليل منهم طيب ومحترم ...
ودمتم سالمين ...
(88+) Mr_7qoqi
09-05-2006, 01:56 AM
وشكرا للجميع على المرور ... :>
C.S.S _ GiRL
09-05-2006, 02:30 AM
مو جنه زادت الهوشات والطق بالكليات :|
(88+) Mr_7qoqi
09-05-2006, 02:36 AM
بعد ..... ما خلصنا من هوشات وطق القوائم
طلعولنا طلعه (( الامن والسلامه )) الصعايده ماخذينها بالبلطجه :>:>
ودمتم سالمين ...
Donnie-Darko
09-05-2006, 11:09 AM
eng-mos... انا وياك عدل كلامك تلاقيهم قطو كلمه ولا شي .. عاد الامن ما يصير مني والطريج يطق :aa_malak: