السلام عليكم

انا طالب حقوق ومستقله طبعا ودي اتكلم عن وضع يحصل في كليتي وغيرها من الكليات انه الطالب في الكلية وانا اتكلم عن الطلبة بالتحديد انه الطالب بالكلية يحاول يتقرب من كل الطلبة وانا اقصد بنوع التقرب حتى لو كان هذا الشخص اتلافية بحت انا مالي شغل فيه بس انه اسولف معاه واحاجي كاخو لي خارج نطاق الانتخابات احاول اسلم عليهم الي ارد علي بطريقة سيئه والثاني الي اقولي انا مختلف معاكم بالقوائم ما ارد عليك يعني ليش هذا التصرف انا عرضت هالموضوع كونه صايرلي اكثر من مره وصارت عادة تافهه وانه اصحاب القوائم الاخرى مايكونون اصحابك الا وكت المصلحه والسلام وكت المصلة الانتخابية فقط ليش يعني احنا اخوان حطو ابالكم لو تخرجنا وصرنا موظفين وخاصة اذا كنا من كلية وحده ممكن انصير مع بعض بالنفس الشغله ونفس الوام فنكون اعداء بسبب الانتخابات هذا امر في بالي اتمنى الرد عليه وشكرا

اخوكم

نعم صحيح كلام اخوي العزيز , يعني السلام اصلاً لربنا .ليش ما ترد عليه او اذا رديت علية اترد علية بنفسية , و اذا صاروا خوش اوادم مو لله حق الانتخابات . ماني قادر اعبر عن هذيل الناس انا ما اقول الا الله يهديم انشالة.
اشكرك اخوي على الموضوع

السلام عليكم ...

حادثة تمر على أغلب المنتسبين الى القوائم ... نجد ان الكره بين المتنافسين يصبح أمر شخصي بعد فتره من الزمن ونجد أن البعض يرفض حتى مخاطبة شخص من قائمة أخرى ...

عنى شخصيا .. أغلب زملائي في الكلية هم اشخاص لن ولم يقوموا بالتصويت لقائمتى .. ولا فوق هذا نقعد ونستلم بعض .. انت وانت .. لكن كل هذا يتم بجو أخوي وأسس صداقتنا وزمالتنا على أسس أحترام وجه النظر والايمان بأن الاختلاف بالراي لن يزيدنا إلا احتراما لبعضنا البعض ..

في طلبة ياأخي الكريم ينظرون الى الانتخابات كأنها حرب بين قوائم ... ترا مهما افترقنا وتناجرنا أغلبنا غايتة وحده وهي خدمة وطننا هذا ... ولكن السبل والطرق تختلف ...

السلا لله ... واذا كانت معاملتهم لك بهذه الطريقة .. بأنة الخوف من الباج الى انت حاطة على صدرك ..

الحقوق تصرخ مستقلة .. واليوم يومك .. صدقنى كلة خوف من الباجر

وشكرا
وبالتوفيق يا وحوش الحقوق

السلام عليكم
اشكرك اخوي على الموضوع لانه انا من الناس اللي كانوا من الناس القريبات من بنات الاجتماعيه او طبعا بعد ما حطيت الباج حتى سلام ما يسلمون الا اذا شافوني مع وحده مستجده او طالبه ما يعرفونها
لا او كل هذا ولا شي غير التشهير فينا كل يوم نسمع حجي
بس احنا اكبر من انه نرد عليهم

مشكور اخوي على طرحك هالموضوع

و بصراحة هالموقف صار وياي من التآلف

يوم علقت الباج كانو عادي معاي ييون يسلمون علي و يسولفون كان الوضع طبيعي

بس من بديت اشتغل مع المستقلة هني محد قام يعطيني وي

و طبعاً اول شي تضايق من هالحركه لانها مو حلوه ان الواحد ما يكلمك علشان انتخابات

بس بعدين ما قامو يهموني لان الي ما يبنا ما نبيه :)

مشالله العموم حاس بالظلم من الائتلافية ..

أنسوهم .. والله حاطينلهم أعتبار ...

مو المشكله توبونا أسلم على الكابوس الذي يرعبه يوميا في كل مكان حتى في المنام !؟!

مستقلة الثاني بالاتحاد واغلب الكليات والروابط .. يعني منافس ... ومهما حاولوا ان يزعزوا ايمانكم بالقائمة تنكشف خططهم الخبيثه في تحجيم الحركه الطلابية ...

تذكروا ان السلام لله مو للعباد ...
وشكرا