السلام عليكم ورحمة الله وبركاته

بليز ساعدوني

أنا هالكورس اتخرج من الثانوية

وبسجل بالتطبيقي بدرس كورس برفع معدلي وبعدين بحول ..

وين تنصحوني أدرس .. عشان اقدر احول ؟

وجم لازم أييب معدل عشان أقدر أحول ؟

سي يوـو

أنصحج بالآداب أوالتربيه الأساسيه الدراسه سهله
والله يوفقج

مشكور أخوي علىى النصيحة

بس أنا أبي مكان أقدر أحول منه ..

انا معدلي مايدخلني تربية اساسية

فابي مكان سهل وأقدر ارفع معدلي فيه عشان أحول حق الجامعة

اخذي صيفي وحدة واحدة ترفعين فيها معدلج و انشالله خير ..

تحياتي ..

إممم للأسف ماراضين يعطوني صيفي

لاني مخلصة كل المواد

ومواد رفع معدل لازم أكون متاخرة

فأبي مكان أقدر أحول منه بعدين حق الجامعة

وثانكس خيو

إذا ممكن اتفيدينا بالمعدل و التشعيب لو سمحتي عشان نقدر انحدد لج خيارات ..

تحياتي ..

أنا تشعيب أدبي

ومعدلي 2.10

سوري أخوي كلفت عليك

بس عاد إنشاءالله تقدر تساعدني

سي يو

لدخول الجامعة يجب ان يكون المعدل العام 2.90 لتشعيب الأدبي ..

يعني حتى لو تاخذين وحدتين إضافيتين بالصيفي و اتييبين معدل فصلي 4 نقاط ما راح يرتفع معدلج التراكمي إلى المعدل المطلوب ..

فالحل الوحيد التطبيقي ..
و نظراً للمعدل فأعتقد إنهم راح يقبلونج بالدورات الخاصة و ليس بالمعاهد و لا الكليات ..

لكن بإمكانج اتييبين معدل قوي و اتحولين من الدورات الخاصة إلى المعاهد مثل الإتصالات مثلاً ..

بس من التطبيقي إلى الجامعة لازم اتخرجين من التطبيقي ، من كلياتها بالتحديد عشان تنقبلين بالجامعة و اتكملين من الصفر ..

عموماًَ ، مقر عمادة التطبيقي بالعديلية و هم يقدرون يفيدونج بكل المعلومات و بالتفاصيل ..

و أنا راح اسعى إني اسألهم و استفسر اكثر ..

اتمنى إني فدتج ..

تحياتي ..

تنويه بسيط على كلام اخوي الفالح ..

التطبيقي كل سنة يغيرون المعدلات المطلوبه .. ولكن على معدلها هذا بإمكانها انها تدش كلية الدراسات التجارية .. و الكلية مستقبلها حلو في تخصص المحاسبة اكثر شي .. و البنوك .. و الإدارة .. هذي احسن التخصصات اللي مستبلها مشرق بإذن الله .. :)

و نصيحه من اخوج إذا بتقدمين على التجاري قدمي على التخصصات هذي بالترتيب هذا:_
((محاسة/بنولك/إدارة/تأمين/قانون/إدارة مواد))

طبعا اول رغبة تحطيينها محاسبة .. و بعدين بنوك و بعدين إدارة احسلج .. :)

ملاحظة: التسجيل للمستجدين يبي شهر 7 بالعديلية.

و اتمنى انج تكونين استفدتي .. :)

مع العلم ان انا على سنة 2005 يوم دشيت الكلية .. كان معدلي تخصص آداب 2,03

يعني انزل من جذي .. و انقبلت بالكلية ..

يعني انشاله تنقبلين .. انا ما ادري هالسنة اذا رفعووهم ولا لأ لأن كل سنة لهم معدل يبونه .. :)

و اتمنى لكم التوفيق و النجاح .. :)

شكراً اخي الملك على المعلومات الطيبة :) ..

تحية طيبة وبعد
كلام اخوي الملك للانه وحش التجاري
شوفي انا خريج تجاري اسهل تخصص اهوه ادارة مواد
ومعدلج 62 يمكن احتمال ما يدخلج تجاري بس اتمنى ان تتقبلين
ترى اذا دشيتي محاسبة ترى مستقبل المحاسبة وايد حلوووو

بس التجاري يبـون 65% للأدبي والعلمي